News Continuous Bureau | Mumbai
પહેલાથી જ મોંઘવારી(Inflation) માર સહન કરી રહેલા સામાન્ય નાગરિકોના ખિસ્સાને હજી માર પડવાનો છે. આગામી દિવસોમાં લોનના EMI વધી જવાની શક્યતા છે. રિઝર્વ બેંક ઓફ ઈન્ડિયા(RBI) રેપો રેટ(repo Rate) વધારવાની તરફેણમાં હોવાનું કહેવાય છે.
બેન્ક ઓફ અમેરિકા સિક્યોરિટીઝે (Bank of America Securities) આગાહી કરી છે કે આગામી સપ્તાહની બેઠકમાં રિઝર્વ બેંક(RBI)મુખ્ય દરોમાં વધારો કરી શકે છે. અમેરિકન બ્રોકરેજનો(American brokerage) અંદાજ છે કે વર્તમાન પરિસ્થિતિઓને જોતા રેપો રેટમાં 0.35 ટકાનો વધારો જોવા મળી શકે છે. રિઝર્વ બેંકની મોનેટરી પોલિસી કમિટી(Monetary Policy Committee) 5 ઓગસ્ટે મીટિંગના પરિણામો જાહેર કરશે.
અગાઉ સળંગ બે મહિનામાં રિઝર્વ બેંકે એકંદરે 0.9 ટકાનો વધારો કર્યો હતો. બ્રોકરેજ હાઉસે(Brokerage House) એવો અંદાજ આપ્યો છે કે રિઝર્વ બેંક સ્થિતિ અનુસાર દરોમાં વધારો કરવાનું ચાલુ રાખી શકે છે.
બ્રોકરેજ હાઉસના જણાવ્યા અનુસાર, રિઝર્વ બેંક વધતી જતી મોંઘવારી અંગે કડક વલણ અપનાવી રહી છે અને હાલમાં કેન્દ્રીય બેંકનું(central bank) મુખ્ય લક્ષ્ય ફુગાવાને અંકુશમાં લેવાનું છે તેથી આગામી પોલિસી સમીક્ષામાં દરો વધશે. જો કે બ્રોકરેજ હાઉસે એમ પણ કહ્યું હતું કે ભલે રિઝર્વ બેંક રેટમાં વધુ વધારો કરશે પરંતુ આ નિર્ણય ગ્રોથ અને અર્થવ્યવસ્થાની(Growth and the economy) સ્થિતિને જોઈને લેવામાં આવશે.
રિઝર્વ બેંકે મે અને જૂનમાં બે વખત રેપો રેટમાં 0.9 ટકાનો વધારો કર્યો હતો. બ્રોકરેજ હાઉસે તેના અહેવાલમાં લખ્યું છે કે તેઓ અપેક્ષા રાખે છે કે રિઝર્વ બેંક પોલિસી રેટ(Policy Rate) 0.35 ટકાથી 5.25 ટકા વધારશે. જે કોરોના મહામારી(Corona pandemic) પહેલાના સ્તરથી પણ ઉપર છે.
આ સમાચાર પણ વાંચો : ભારતમાં મંદીનો જોરદાર ઝટકો- અમેરિકાની ફેડરલ બેંકે વ્યાજ દર વધાર્યા-શેરબજારમાં કામ કરનારાઓ ચેતજો
બ્રોકરેજ હાઉસે અનુમાન લગાવ્યું છે કે MPC નાણાકીય વર્ષ 2022-23 માટે રિટેલ ફુગાવાના અનુમાનને 6.7 ટકા અને જીડીપી વૃદ્ધિની(GDP Growth) આગાહી 7.2 ટકા પર જાળવી રાખશે. ગયા અઠવાડિયે જ રિઝર્વ બેંકના ગવર્નર શક્તિકાંત દાસે કહ્યું હતું કે એપ્રિલમાં ફુગાવાનો દર થોડો ઘટીને 7.04 ટકા થયો છે જે દર્શાવે છે કે ફુગાવો તેની સર્વોચ્ચ ટોચને સ્પર્શી ગયો છે.
રિઝર્વ બેંકે છેલ્લે જૂનમાં રેપો રેટમાં 50 બેસિસ પોઈન્ટ નો વધારો કર્યો હતો. આ પછી રેપો રેટ વધીને 4.90 ટકા થઈ ગયો છે. આ આગાઉ 4 મે 2022ના રોજ આરબીઆઈએ પોલિસી રેપો રેટમાં 40 બેસિસ પોઈન્ટનો વધારો કરીને 4.40% કરી દેવાયો હતો. વધતી જતી મોંઘવારી પર અંકુશ મેળવવા માટે કેન્દ્રીય બેંક(Central Bank) પણ રેપો રેટમાં સતત વધારો કરી રહી છે. રેપો રેટમાં વધારો થવાથી મોંઘવારી અંકુશમાં આવશે તેવી આશા રાખવામાં આવી રહી છે.
