News Continuous Bureau | Mumbai
AI Impact Summit 2026: ભારતમાં ચાલી રહેલી AI ઇમ્પેક્ટ સમિટનો આજે ચોથો દિવસ છે. અત્યાર સુધીમાં વિદેશી કંપનીઓએ ભારતમાં AI ઇન્ફ્રાસ્ટ્રક્ચર અને ટેકનિકલ માળખું મજબૂત કરવા માટે ઐતિહાસિક રોકાણની જાહેરાત કરી છે. આ રોકાણ ભારતને વૈશ્વિક AI નકશા પર એક શક્તિશાળી દેશ તરીકે ઉભરવામાં મદદ કરશે.
સમિટની 5 સૌથી મોટી જાહેરાતો:
1. ગૂગલનું 15 અબજ ડોલરનું રોકાણ ગૂગલના સીઈઓ સુંદર પિચાઈએ વડાપ્રધાન મોદી સાથેની મુલાકાત બાદ જાહેરાત કરી છે કે કંપની આગામી 5 વર્ષમાં ભારતમાં 15 અબજ અમેરિકી ડોલરનું રોકાણ કરશે. આ અંતર્ગત આંધ્રપ્રદેશના વિશાખાપટ્ટનમમાં એક મેગા AI ડેટા સેન્ટર બનાવવામાં આવશે, જે દેશનું પહેલું મોટું AI હબ હશે.
2. માઇક્રોસોફ્ટનો ગ્લોબલ સાઉથ પ્લાન માઇક્રોસોફ્ટે આગામી ચાર વર્ષમાં ગ્લોબલ સાઉથમાં 50 અબજ ડોલરના રોકાણની જાહેરાત કરી છે, જેમાં ભારત કેન્દ્રસ્થાને રહેશે. ગત વર્ષે કંપનીએ ભારતમાં ૧૭.૫ અબજ ડોલરના રોકાણની વાત કરી હતી, જેમાં હવે મોટો વધારો જોવા મળ્યો છે.
3. એનવીડિયા અને યોટ્ટાની ભાગીદારી યોટ્ટા ડેટા સર્વિસીસ એનવીડિયાના લેટેસ્ટ ચિપ્સના ડેવલપમેન્ટ માટે 2 અબજ ડોલરથી વધુનું રોકાણ કરશે. આ રોકાણ દ્વારા ભારતમાં એક AI કોમ્પ્યુટિંગ હબ તૈયાર કરવામાં આવશે જે સ્થાનિક સ્ટાર્ટઅપ્સને શક્તિ આપશે.
આ સમાચાર પણ વાંચો : RBI List of Richest States: પૈસાની બાબતમાં કયું રાજ્ય છે સૌથી આગળ? RBI એ જાહેર કરી દેશના ધનિક રાજ્યોની ફાઈનલ લિસ્ટ.
4. L&T અને Nvidia ની ‘મેગા AI ફેક્ટરી’ વિશ્વની સૌથી મોટી ચિપ મેકર કંપની Nvidia ભારતમાં એક મેગા AI ફેક્ટરી સ્થાપવા માટે ભારતીય દિગ્ગજ કંપની લાર્સન એન્ડ ટુબ્રો (L&T) સાથે હાથ મિલાવશે. આ પાર્ટનરશીપ હેઠળ અબજો ડોલરનું રોકાણ કરવામાં આવશે.
5. ભારતીય સ્ટાર્ટઅપ Neysa AI ની મોટી સફળતા ભારતીય AI ઇન્ફ્રાસ્ટ્રક્ચર સ્ટાર્ટઅપ Neysa AI એ ૧.૨ અબજ ડોલર (આશરે ૧૦,૦૦૦ કરોડ રૂપિયા) નું ફંડિંગ મેળવીને ઈતિહાસ રચ્યો છે. આમાં વૈશ્વિક દિગ્ગજ બ્લેકસ્ટોન (Blackstone) એ પણ રોકાણ કર્યું છે.
ભારતને શું ફાયદો થશે?
રોજગારીની તકો: હજારો હાઈ-ટેક નોકરીઓનું સર્જન થશે.
ડેટા સાર્વભૌમત્વ: ભારતનો ડેટા ભારતમાં જ સંગ્રહિત થશે અને પ્રોસેસ થશે.
સ્ટાર્ટઅપ ઇકોસિસ્ટમ: સ્થાનિક કંપનીઓને સસ્તી અને ઝડપી AI કોમ્પ્યુટિંગ ક્ષમતા મળશે.
મેન્યુફેક્ચરિંગ હબ: ચિપ મેકિંગ અને AI હાર્ડવેરમાં ભારત ચીન સામે મજબૂત સ્પર્ધક બનશે.
