News Continuous Bureau | Mumbai
Akasa Air : સ્વર્ગીય રાકેશ ઝુનઝુનવાલાની માલિકીની અકાસા એરએ ડોમેસ્ટિક ફ્લાઇટ્સ ( Domestic flights ) પર ડિસ્કાઉન્ટ આપવા માટે હવે ‘PAYDAY’ સેલ શરૂ કર્યો છે. આ સેલ શુક્રવારથી સોમવાર સુધી ચાલશે. આ દરમિયાન મુસાફરોને અકાસા એરની ફ્લાઈટ્સ પર ભારે ડિસ્કાઉન્ટ મળશે. આવો જાણીએ કેવી રીતે તમે આ ડિસ્કાઉન્ટનો ફાયદો ઉઠાવી શકો છો.
‘PAYDAY’ સેલ ( Payday Sale ) હેઠળ અકાસા એર ડોમેસ્ટિક ફ્લાઈટ્સમાં પેસેન્જર્સને 20 ટકા સુધીનું ડિસ્કાઉન્ટ ( flight discount ) આપી રહી છે. આ ડિસ્કાઉન્ટ માત્ર ‘સેવર’ અને ‘ફ્લેક્સી’ ભાડા પર જ મળશે. આ માટે તમારે બુકિંગ દરમિયાન પ્રોમો કોડ ‘PAYDAY’નો ઉપયોગ કરવો પડશે. આ માટે હવાઇ મુસાફરીનું બુકિંગ ( Air travel booking ) અકાસા એરની વેબસાઇટ www.akasaair.com, મોબાઇલ એપ અથવા ટ્રાવેલ એજન્ટ દ્વારા કરવાનું રહેશે.
Akasa Air: પ્રવાસીઓ 28 જૂનથી 1 જુલાઇ સુધી આ ઓફરનો લાભ લઇ શકે છે.
અકાસા એરલાઇને ( Akasa Airlines ) તેના નિવેદનમાં જણાવ્યું હતું કે, પ્રવાસીઓ 28 જૂનથી 1 જુલાઇ સુધી આ ઓફરનો લાભ લઇ શકે છે. આ ડિસ્કાઉન્ટ એરલાઇન્સના ડોમેસ્ટિક નેટવર્ક પર તમામ 22 ડેસ્ટિનેશન પર ઉપલબ્ધ રહેશે. તેમણે વધુમાં નિવેદનમાં જણાવ્યું હતું કે, 5 જુલાઈથી 30 સપ્ટેમ્બર વચ્ચે મુસાફરી કરવા માટે સાત દિવસ પહેલા બુકિંગ કરાવવું પડે છે. તેનો લાભ વન-વે અને રાઉન્ડ-ટ્રિપ બંને ટિકિટ પર લઈ શકાય છે.
આ સમાચાર પણ વાંચો : Dengue symptoms : સાવધાન! મુંબઈમાં ચોમાસા દરમિયાન ડેન્ગ્યુના કેસોમાં આવ્યો વધારો, બાળકોમાં તેનું જોખમ સૌથી વધુ.. જાણો વિગતે..
અકાસા એરલાઈનએ આગળ નિવેદનમાં જણાવ્યું હતું કે, આરામદાયક અને કાર્યક્ષમ ઉડાન માટે, તેમના બોઇંગ 737 મેક્સ વિમાનમાં ચાર્જિંગ ઉપકરણો માટે પૂરતા લેગ રૂમ અને યુએસબી પોર્ટ્સ ઉપલબ્ધ છે. એરલાઇનના મેનુમાં ૪૫ થી વધુ ફૂડ ઓપ્શન્સ પણ શામેલ છે.તેમજ અકાસા એર 11 જુલાઈ, 2024 થી મુંબઇથી અબુધાબીની સીધી ફ્લાઇટ્સ શરૂ કરશે, કારણ કે એરલાઇન તેની આંતરરાષ્ટ્રીય કામગીરીને વિસ્તૃત કરવાની યોજના ધરાવે છે. અબુ ધાબી એરલાઇન્સ માટે ચોથું આંતરરાષ્ટ્રીય સ્થળ હશે, જેણે ઓગસ્ટ 2022 માં તેની કામગીરી શરૂ કરી હતી.
