News Continuous Bureau | Mumbai
Anil Ambani: દેવામાં ડૂબેલા અનિલ અંબાણી (Anil Ambani) ની મુશ્કેલી સતત વધી રહી છે. તેમની કંપની રિલાયન્સ કેપિટલ (Reliance Capital) ની સબ્સિડિયરી રિલાયન્સ જનરલ ઈન્શ્યોરન્સ (Reliance General Insurance) ને જીએસટી તરફથી નોટિસ મળી છે. સમાચાર મળ્યા છે કે GST ઇન્ટેલિજન્સ ડાયરેક્ટોરેટ જનરલે 922.58 કરોડ રૂપિયાની રકમ માટે કારણ દર્શાવો નોટિસ ફટકારી છે.
બિઝનેસ સ્ટાન્ડર્ડ અનુસાર, DGGIએ ચાર અલગ-અલગ કેસમાં રિલાયન્સ જનરલ ઈન્સ્યોરન્સ કંપનીને GST નોટિસ મોકલી છે. જેમાંથી અનુક્રમે રૂ. 478.84 કરોડ, રૂ. 359.70 કરોડ, રૂ. 78.66 કરોડ અને રૂ. 5.38 કરોડની GST માગણી કરવામાં આવી છે. આ નોટિસ રિઇન્શ્યોરન્સ અને કો-ઇન્શ્યોરન્સમાંથી થતી આવક સાથે સંબંધિત છે. આ અંગે કંપનીને મોકલવામાં આવેલ ઈમેઈલનો હજુ કોઈ જવાબ મળ્યો નથી. ઉપરાંત, નફાકારક કંપની રિલાયન્સ કેપિટલના કુલ મૂલ્યના 70 ટકાની માલિકી ધરાવે છે. બેન્કર્સનું કહેવું છે કે નોટિસ કંપનીના વેલ્યુએશનને અસર કરી શકે છે. હિન્દુજા ગ્રુપે રૂ. 9,800 કરોડની ઓફર કરી છે. રિલાયન્સ કેપિટલ રૂ. 22,000 કરોડની લોનની ચુકવણીમાં ડિફોલ્ટ થઈ હતી, જે પછી તેને નવેમ્બર 2021માં ડેટ રિઝોલ્યુશન માટે મોકલવામાં આવી હતી.
DGGIએ 28 સપ્ટેમ્બરે 478.74 કરોડ રૂપિયાની પહેલી કારણ બતાવો નોટિસ મોકલી હતી. ડીજીજીઆઈએ આ સંદર્ભમાં જણાવ્યું હતું કે વીમા કંપની આવક એકત્ર કરે છે અને તેથી તેમણે જીએસટી પણ ચૂકવવો પડે છે. ત્યારબાદ, DGGI દ્વારા રિલાયન્સ જનરલ ઈન્સ્યોરન્સને રૂ. 359.70 કરોડની બીજી GST નોટિસ મોકલવામાં આવી હતી. બીજી તરફ, કંપનીએ જણાવ્યું હતું કે લીડ ઇન્સ્યોરન્ કંપનીએ પહેલાથી જ સમગ્ર પ્રીમિયમ પર તેના GSTનો હિસ્સો ચૂકવી દીધો હોવાથી, કંપનીએ ફોલોઅર પ્રીમિયમની વસૂલાત પર GST ચૂકવવાની જરૂર નથી.
આ સમાચાર પણ વાંચો : IND vs AUS Records: આઈસીસી ટૂર્નામેન્ટમાં વિરાટ કોહલીએ મેળવી વધુ એક સિદ્ધિ, સચિન તેંડુલકરનો આ રેકોર્ડ તોડ્યો..
કંપનીના વેલ્યુએશન પર પડશે અસર…
1લી જુલાઈ 2017 થી 31મી માર્ચ 2022 ના સમયગાળા દરમિયાન માર્કેટિંગ ખર્ચના સંદર્ભમાં અંતર્ગત સેવાઓ પ્રદાન કર્યા વિના ઇનપુટ ટેક્સ ક્રેડિટ (ITC) મેળવવાના કિસ્સામાં DGGI દ્વારા રૂ. 78.66 કરોડની ત્રીજી કારણ બતાવો નોટિસ મોકલવામાં આવી છે. જોકે, કંપનીએ રૂ.10.13 કરોડની ITC રકમ એકત્ર કરી છે.
જુલાઈ 2017 અને જાન્યુઆરી 2018 વચ્ચે સબસિડીવાળી પાક વીમા યોજનાઓમાંથી નફાને કારણે કંપનીને 5.38 કરોડ રૂપિયાની ચોથી કારણદર્શક નોટિસ મોકલવામાં આવી છે. મહત્ત્વની વાત એ છે કે, રિલાયન્સ કેપિટલ દેવાથી દબાયેલી છે અને કંપની પાસેથી વસૂલવાનો પ્રયાસ કરી રહી છે. જ્યારે રિલાયન્સ કેપિટલના કુલ મૂલ્યમાં રિલાયન્સ જનરલ ઈન્સ્યોરન્સ કંપનીનો હિસ્સો લગભગ 70 ટકા છે.
રિલાયન્સ કેપિટલમાં લગભગ 20 નાણાકીય સેવાઓ કંપનીઓ છે. તેમાં સિક્યોરિટી બ્રોકિંગ, ઇન્શ્યોરન્સ અને એઆરસીનો સમાવેશ થાય છે. 30 નવેમ્બર, 2021 ના રોજ, RBIએ ભારે દેવાદાર રિલાયન્સ કેપિટલના બોર્ડને વિસર્જન કર્યું અને તેની સામે નાદારીની કાર્યવાહી શરૂ કરી. પ્રથમ રાઉન્ડમાં ટોરેન્ટ ઇન્વેસ્ટમેન્ટે આ માટે 8640 કરોડ રૂપિયાની સૌથી વધુ બોલી લગાવી હતી. રિલાયન્સ કેપિટલ પર લગભગ રૂ. 40,000 કરોડનું દેવું છે. અનિલ અંબાણીની અન્ય ઘણી કંપનીઓ પર પણ જંગી દેવું છે અને તે હાલમાં નાદારીની કાર્યવાહીમાંથી પસાર થઈ રહી છે.
