News Continuous Bureau | Mumbai
Bloomberg Billionaires Index: અદાણી ગ્રુપના માલિક ગૌતમ અદાણીએ દેશના દિગ્ગજ ઉદ્યોગપતિ અને રિલાયન્સ ઈન્ડસ્ટ્રીઝના માલિક મુકેશ અંબાણીને ( Mukesh Ambani ) પાછળ છોડીને ફરી એકવાર ભારત અને એશિયાના સૌથી ધનિક વ્યક્તિ ( Asia’s richest man ) બની ગયા છે. છેલ્લા કેટલાક દિવસોમાં અદાણી ગ્રૂપના શેરોમાં થયેલા જબરદસ્ત ઉછાળાને કારણે ગૌતમ અદાણીની નેટવર્થમાં પણ ઝડપથી વધારો થયો છે. બ્લૂમબર્ગ બિલિયોનેર્સ ઈન્ડેક્સ અનુસાર, ગૌતમ અદાણી વિશ્વના અબજોપતિઓની ( billionaires ) યાદીમાં મુકેશ અંબાણીને પાછળ છોડીને હવે 12મા સ્થાને પહોંચી ગયા છે.
બ્લૂમબર્ગ બિલિયોનેર્સ ઈન્ડેક્સ અનુસાર, છેલ્લા 24 કલાકમાં ગૌતમ અદાણીની ( Gautam Adani ) નેટવર્થમાંજબરદસ્ત વધારો થયો છે અને તે $7.6 બિલિયન વધીને $97.6 બિલિયન પર પહોંચી ગઈ છે. જ્યારે મુકેશ અંબાણીની સંપત્તિ 97 અબજ ડોલર છે. છેલ્લા 24 કલાકમાં મુકેશ અંબાણીની નેટવર્થમાં ( net worth ) પણ $764 મિલિયનનો વધારો થયો છે. ગુરુવારે વિશ્વના સૌથી અમીર લોકોની યાદીમાં ગૌતમ અદાણી 14મા ક્રમે હતા. આ પછી, અદાણી જૂથના શેરમાં જબરદસ્ત ઉછાળાને કારણે, તે શુક્રવારે મુકેશ અંબાણીને પાછળ છોડીને 12માં સ્થાને પહોંચા ગયા હતા અને આ સાથે તે એશિયા અને ભારતના સૌથી અમીર વ્યક્તિ પણ બના ગયા છે.
સુપ્રીમ કોર્ટની મોટી રાહત બાદ અદાણી ગ્રુપના શેરમાં તેજીનો દોર…
હિંડનબર્ગ કેસમાં સુપ્રીમ કોર્ટના નિર્ણય બાદ અદાણી ગ્રુપ ( Adani Group ) કંપનીના શેરોમાં જબરદસ્ત ઉછાળો જોવા મળી રહ્યો છે. અદાણી ગ્રૂપના શેરમાં બે દિવસનો વધારો શુક્રવારે પણ ચાલુ રહ્યો હતો. અદાણી પોર્ટ, એસીસી સિમેન્ટ વગેરે કંપનીઓના શેરમાં હજુ પણ વધારો જોવા મળી રહ્યો છે.
આ સમાચાર પણ વાંચો : Gyanvapi Case: જ્ઞાનવાપીનો ASI સર્વે રિપોર્ટ સાર્વજનિક થશે કે નહીં…. કેસમાં આજે આદેશ શક્ય.. બન્ને પક્ષોએ કરી અરજી દાખલ.. જાણો શું છે આ આખો કિસ્સો..
સુપ્રીમ કોર્ટે અદાણી-હિંડનબર્ગ કેસ પર પોતાનો ચુકાદો આપતાં સેબીની તપાસને યોગ્ય ઠેરવી હતી. આ સાથે દેશની સર્વોચ્ચ અદાલતે સેબી 24માં બાકી રહેલા બે કેસની તપાસ માટે વધુ 3 મહિનાનો સમય આપ્યો છે. 22 કેસની તપાસ પૂર્ણ થઈ ચૂકી છે. કોર્ટે સેબીની તપાસમાં કોઈ ખામીઓ શોધી ન હતી અને કેસને SITને ટ્રાન્સફર કરવાની અરજીને ફગાવી દીધી હતી. સુપ્રીમ કોર્ટની મોટી રાહત બાદ અદાણી ગ્રુપના શેરમાં તેજીનો દોર જારી રહ્યો છે. આવી સ્થિતિમાં તેની અસર સીધી ગૌતમ અદાણીની નેટવર્થ પર જોવા મળી રહી છે.
એક રિપોર્ટ મુજબ, X, Starlink અને Teslaના માલિક ઇલોન મસ્કનું નામ વિશ્વના અબજોપતિઓની યાદીમાં ટોચ પર છે. તેમની કુલ સંપત્તિ 220 અબજ ડોલર છે. આ યાદીમાં બીજા સ્થાને એમેઝોનના સ્થાપક જેફ બેઝોસ છે, જેમની કુલ સંપત્તિ 169 અબજ ડોલર છે. લક્ઝરી ફેશન બ્રાન્ડ LV ના માલિક બર્નાર્ડ આર્નોલ્ટ આ યાદીમાં ત્રીજા સ્થાને છે. તેમની કુલ સંપત્તિ 168 અબજ ડોલર છે.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
