News Continuous Bureau | Mumbai
Demat Account Limit: ડીમેટ ખાતા દ્વારા શેરબજારમાં ( Stock Market ) નાણાંનું રોકાણ કરતા રોકાણકારો માટે હવે સારા સમાચાર છે અને તે એ છે કે હવે તેઓ ડીમેટ ખાતા દ્વારા વધુમાં વધુ રૂ. 10 લાખ સુધીનું રોકાણ કરી શકશે. જો કે, અગાઉ ડીમેટ ખાતા દ્વારા રોકાણ કરવાની મર્યાદા માત્ર 2 લાખ રૂપિયા સુધી જ મર્યાદિત હતી. માર્કેટ રેગ્યુલેટર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા ( SEBI ) એ ડીમેટ ખાતા દ્વારા રોકાણની મર્યાદા વધારીને હવે રૂ. 10 લાખ કરવાનો નિર્ણય લીધો છે.
મીડિયા રિપોર્ટ્સ અનુસાર સિક્યોરિટી માર્કેટમાં નાના રોકાણકારોની ( small investors ) ભાગીદારી વધારવા માટે માર્કેટ રેગ્યુલેટર સેબીએ બેઝિક સર્વિસ ડીમેટ એકાઉન્ટ લિમિટ 2 લાખ રૂપિયાથી વધારીને હવે 10 લાખ રૂપિયા કરી દીધી છે. આ માટે સેબી દ્વારા એક પરિપત્ર પણ બહાર પાડવામાં આવ્યો છે, જેમાં નિવેદન આપતા કહેવામાં આવ્યું હતું કે, નવી માર્ગદર્શિકા 1 સપ્ટેમ્બર, 2024થી અમલમાં આવશે.
Demat Account Limit: BDSAs માટે રૂ. 4 લાખ સુધીના પોર્ટફોલિયો મૂલ્ય માટે કોઈ વાર્ષિક જાળવણી ફી રહેશે નહીં…
રિપોર્ટમાં કહેવામાં આવ્યું છે કે બેઝિક સર્વિસ ડીમેટ એકાઉન્ટ ( BSDA ) માં રાખવામાં આવેલી સિક્યોરિટીઝના મૂલ્યની મર્યાદા વધારવાથી નાના રોકાણકારોને શેરબજારમાં વેપાર કરવા અને તેમના નાણાકીય સમાવેશને સુનિશ્ચિત કરવા પ્રોત્સાહિત કરવામાં આવશે. BSDA એ નિયમિત ડીમેટ એકાઉન્ટનું વધુ મૂળભૂત સંસ્કરણ છે. માર્કેટ રેગ્યુલેટર સેબીએ 2012માં નાના પોર્ટફોલિયો ધરાવતા રોકાણકારો પર ડીમેટ ચાર્જીસનો બોજ ઘટાડવા માટે BSDA સુવિધા શરૂ કરી હતી.
આ સમાચાર પણ વાંચો: IND vs SA Final: વર્લ્ડ ચેમ્પિયન બનીને ટીમ ઈન્ડિયા થઈ માલામાલ, રનર્સઅપ પર પણ કરોડો રૂપિયાનો થયો વરસાદ…જાણો કઈ ટીમને કેટલા પૈસા મળ્યા..
સેબીએ કહ્યું કે જો કોઈ વ્યક્તિ એકમાત્ર અથવા પ્રથમ ધારક તરીકે માત્ર એક જ ડીમેટ ખાતું ધરાવે છે. જો તેના નામે તમામ ડિપોઝિટરીઝમાં માત્ર એક જ ખાતું હોય અને તે ખાતામાં રાખવામાં આવેલી સિક્યોરિટીઝનું મૂલ્ય કોઈપણ સમયે રૂ. 10 લાખથી વધુ ન હોય, તો તે BSDA ખાતું ધરાવવા માટે પાત્ર છે. આ ફેરફાર પહેલા, BSDA માટે પાત્ર બનવા માટે, 2 લાખ રૂપિયા સુધીની ડેટ સિક્યોરિટીઝ અને 2 લાખ રૂપિયા સુધીની બિન-દેવા સિક્યોરિટીઝને એક જ ડીમેટ ખાતામાં રાખવાની મંજૂરી આપવામાં આવી હતી.
સેબીએ જણાવ્યું હતું કે BDSAs માટે રૂ. 4 લાખ સુધીના પોર્ટફોલિયો મૂલ્ય માટે કોઈ વાર્ષિક જાળવણી ફી રહેશે નહીં, જ્યારે રૂ. 4 લાખથી વધુ અને રૂ. 10 લાખ સુધીના પોર્ટફોલિયો મૂલ્ય માટે રૂ. 100 વસૂલવામાં આવશે. જો કે, જો પોર્ટફોલિયોનું મૂલ્ય રૂ. 10 લાખથી વધુ હોય, તો BDSA આપોઆપ નિયમિત ડીમેટ ખાતામાં રૂપાંતરિત થઈ જવું જોઈએ. નિયમનકારે કહ્યું કે BDSA ખાતાધારકોને ઈલેક્ટ્રોનિક સ્ટેટમેન્ટ મફતમાં આપવામાં આવશે. આ સાથે, 25 રૂપિયા ચૂકવીને ખાતાની વિગતો પણ લઈ શકાય છે.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
