News Continuous Bureau | Mumbai
Today Gold Rate ઈરાન પર અમેરિકા અને ઈઝરાયેલની સેનાના હુમલાનો આજે છઠ્ઠો દિવસ છે, પરંતુ ભારતીય બજારમાં સોનાના ભાવમાં ઘટાડાનો આજે સતત ચોથો દિવસ છે. 2 માર્ચ ૨૦૨૬ પછી સોનાના ભાવ સતત ઘટી રહ્યા છે. છેલ્લા ચાર દિવસમાં જ 24 કેરેટ સોનાની કિંમતમાં પ્રતિ 100 ગ્રામ ₹1,02,100 સુધીનો તોતિંગ ઘટાડો જોવા મળ્યો છે. 22 કેરેટ અને 18 કેરેટ સોનાના ભાવમાં પણ મોટી નરમાઈ જોવા મળી છે.
24 કેરેટ અને 22 કેરેટ સોનામાં ભારે ઘટાડો
આજે 24 કેરેટ સોનાની કિંમત પ્રતિ ગ્રામ ₹163 ઘટીને ₹16,288 પર આવી ગઈ છે, જે ગઈકાલે ₹16,451 હતી. તે જ રીતે, 10 ગ્રામ સોનાના ભાવમાં ₹1,630 અને 100 ગ્રામમાં ₹16,300 નો ઘટાડો નોંધાયો છે. 22 કેરેટ સોનામાં પણ પ્રતિ 10 ગ્રામ ₹1,500 અને પ્રતિ 100 ગ્રામ ₹15,000 નો ઘટાડો થયો છે. આજે 22 કેરેટ સોનાનો ભાવ પ્રતિ ગ્રામ ₹14,930 ના સ્તરે પહોંચ્યો છે.
મુખ્ય શહેરોમાં સોનાના લેટેસ્ટ ભાવ
ભારતના વિવિધ શહેરોમાં સોનાના ભાવમાં નજીવો તફાવત જોવા મળ્યો છે. અમદાવાદ અને વડોદરામાં ૨૪ કેરેટ સોનાનો ભાવ પ્રતિ ગ્રામ ₹૧૬,૨૯૨, ૨૨ કેરેટનો ₹૧૪,૯૩૪ અને ૧૮ કેરેટનો ભાવ ₹૧૨,૨૨૦ રહ્યો છે. મુંબઈ અને બેંગલુરુમાં કિંમતો થોડી ઓછી છે, જ્યાં ૨૪ કેરેટ સોનું ₹૧૬,૨૮૭, ૨૨ કેરેટ ₹૧૪,૯૨૯ અને ૧૮ કેરેટ ₹૧૨,૨૧૫ ના ભાવે ટ્રેડ થઈ રહ્યું છે.દેશની રાજધાની દિલ્હીમાં સોનાના ભાવ અન્ય શહેરોની સરખામણીએ થોડા ઊંચા જોવા મળ્યા છે, જેમાં ૨૪ કેરેટ માટે ₹૧૬,૩૦૨, ૨૨ કેરેટ માટે ₹૧૪,૯૪૪ અને ૧૮ કેરેટ માટે ₹૧૨,૨૩૦ ભાવ નક્કી કરાયો છે. જ્યારે ચેન્નાઈમાં સોનાના ભાવ સૌથી વધુ જોવા મળ્યા છે, ત્યાં ૨૪ કેરેટ સોનું પ્રતિ ગ્રામ ₹૧૬,૪૯૪ અને ૨૨ કેરેટ સોનું ₹૧૫,૧૧૯ પર પહોંચ્યું છે
આ સમાચાર પણ વાંચો : Raisina Dialogue 2026: અમેરિકા હવે ભારતને ચીનના ચશ્માથી નહીં જુએ! ટ્રમ્પના નજીકના ક્રિસ્ટોફર લેન્ડાઉનું મોટું નિવેદન; જાણો ટ્રેડ ડીલ પર શું છે નવો પ્લાન
ચાંદીના ભાવમાં નજીવી વધઘટ
સોનાની સરખામણીએ ચાંદીના ભાવમાં બહુ મોટો ફેરફાર જોવા મળ્યો નથી. આજે ભારતમાં ચાંદીની કિંમત ₹284.90 પ્રતિ ગ્રામ અને ₹2,84,900 પ્રતિ કિલોગ્રામ છે. ગઈકાલની સરખામણીએ પ્રતિ કિલોએ માત્ર ₹100 નો ઘટાડો થયો છે. અમદાવાદ, વડોદરા, મુંબઈ અને દિલ્હી જેવા શહેરોમાં ચાંદી ₹2,84,900 પ્રતિ કિલોના ભાવે વેચાઈ રહી છે, જ્યારે ચેન્નાઈમાં ભાવ ₹2,94,900 પ્રતિ કિલો છે. યુદ્ધ જેવી સ્થિતિમાં સામાન્ય રીતે સોનું મોંઘું થતું હોય છે, પરંતુ ભારતીય બજારમાં જોવા મળી રહેલો આ ઘટાડો ખરીદદારો માટે મોટી રાહત સમાન છે.
