News Continuous Bureau | Mumbai
Gold-Silver Price Today: ૨૨ જાન્યુઆરીએ સોના-ચાંદીના ભાવમાં થોડો ઘટાડો થતા ગ્રાહકોને રાહત મળી હતી, પરંતુ આ આનંદ લાંબો સમય ટક્યો નથી. આજે, શુક્રવાર ૨૩ જાન્યુઆરીના રોજ બજાર ખુલતાની સાથે જ સોનું અને ચાંદી ફરી ‘રિકવરી મોડ’ (Recovery Mode) માં આવી ગયા છે. આંતરરાષ્ટ્રીય બજારમાં COMEX પર સોનું પ્રતિ ઔંસ ૪,૯૬૪ ડોલર અને ચાંદી ૯૬.૫૦ ડોલરની સર્વોચ્ચ સપાટી પર પહોંચી ગયા છે. ભારતીય બજારમાં (MCX) પણ તેની સીધી અસર જોવા મળી રહી છે, જ્યાં ભાવ અત્યાર સુધીના સૌથી ઊંચા સ્તરે ટ્રેડ થઈ રહ્યા છે.
ભારતમાં આજના સોનાના ભાવ
ભારતમાં આજે ૧૦ ગ્રામ સોનાના ભાવમાં મોટો વધારો થયો છે:
૨૪ કેરેટ સોનું (24K Gold): પ્રતિ ૧૦ ગ્રામ અંદાજે ₹૧,૫૮,૯૮૦ (મુંબઈ) અને ₹૧,૫૯,૭૬૦ (અમદાવાદ).
૨૨ કેરેટ સોનું (22K Gold): પ્રતિ ૧૦ ગ્રામ અંદાજે ₹૧,૪૫,૭૩૨ (મુંબઈ) અને ₹૧,૪૬,૪૫૦ (અમદાવાદ). શહેર મુજબ ભાવમાં સામાન્ય ફેરફાર હોઈ શકે છે, પરંતુ તેજીનો ટ્રેન્ડ આખા દેશમાં જોવા મળી રહ્યો છે.
ચાંદીના ભાવમાં તોતિંગ વધારો
ચાંદીના ભાવમાં આજે સૌથી વધુ ઉછાળો જોવા મળ્યો છે. મલ્ટી કોમોડિટી એક્સચેન્જ (MCX) પર ચાંદી પ્રતિ કિલો ₹૩,૨૭,૨૮૦ ની આસપાસ પહોંચી ગઈ છે. ગઈકાલની સરખામણીએ ચાંદીમાં પ્રતિ કિલો ₹૮,૦૦૦ થી ₹૧૨,૦૦૦ સુધીનો વધારો નોંધાયો છે. રોકાણકારોમાં ચર્ચા છે કે ચાંદી ટૂંક સમયમાં ₹૩.૫૦ લાખની સપાટી પણ વટાવી શકે છે.
આ સમાચાર પણ વાંચો : Savoir Studio: કર્ણ માર્કેટિંગ વોરફેર એલએલપી દ્વારા તુર્ભેમાં ‘સવોર સ્ટુડિયો’નું ભવ્ય ઉદઘાટન
તેજી પાછળના મુખ્ય કારણો
૧. ડોલરની નબળાઈ: આંતરરાષ્ટ્રીય બજારમાં અમેરિકન ડોલર નબળો પડતા સોનામાં રોકાણ વધ્યું છે. ૨. ભૂ-રાજકીય તણાવ: ઈરાન અને અમેરિકા વચ્ચે વધતા તણાવને કારણે રોકાણકારો સુરક્ષિત રોકાણ (Safe Haven) તરીકે સોના-ચાંદી તરફ વળ્યા છે. ૩. નવી આગાહી: ‘રિચ ડેડ પુઅર ડેડ’ ના લેખક રોબર્ટ કિયોસાકીએ આગાહી કરી છે કે ૨૦૨૬ સુધીમાં ચાંદી ૨૦૦ ડોલર પ્રતિ ઔંસ સુધી પહોંચી શકે છે, જેના કારણે બજારમાં ભારે લેવાલી જોવા મળી રહી છે.
