News Continuous Bureau | Mumbai
GST Fraud: ચાલુ નાણાકીય વર્ષના એપ્રિલ-જૂન ક્વાર્ટરમાં GST અધિકારીઓએ ₹15,851 કરોડના નકલી ઇનપુટ ટેક્સ ક્રેડિટ (ITC) કૌભાંડનો પર્દાફાશ કર્યો છે, જે ગયા વર્ષના સમાન સમયગાળા કરતાં 29% વધુ છે. જોકે, પકડાયેલી નકલી પેઢીઓની સંખ્યામાં ઘટાડો થયો છે, જે દર્શાવે છે કે નકલી રજિસ્ટ્રેશન સામેની ઝુંબેશ અસરકારક રહી છે.
GST Fraud:GST ફ્રોડનો પર્દાફાશ: ₹15,851 કરોડના નકલી ITC કૌભાંડમાં 53 આરોપીઓની ધરપકડ, ₹659 કરોડની વસૂલાત.
નાણાકીય વર્ષ 2026 (FY26) ના પ્રથમ ક્વાર્ટર દરમિયાન કેન્દ્રીય અને રાજ્ય GST અધિકારીઓએ (GST Officers) કુલ 3,558 નકલી GST ફર્મોનો ભંડાફોડ કર્યો છે. આ સંખ્યા ગયા વર્ષે આ જ ક્વાર્ટરમાં પકડાયેલી 3,840 સંસ્થાઓ કરતાં ઓછી છે. ગોવાના મુખ્યમંત્રી પ્રમોદ સાવંતની (Pramod Sawant) આગેવાની હેઠળ તમામ રાજ્યોના મુખ્યમંત્રીઓ ટેક્સમાં થયેલી ચોરી (Tax Evasion) નો પતો લગાવી રહ્યા છે અને ઇનપુટ ટેક્સ ક્રેડિટ (ITC) ફ્રોડને રોકવાના (Preventing Fraud) ઉપાયો પર પણ વાતચીત ચાલી રહી છે.
GST Fraud:દર મહિને 1200 નકલી કંપનીઓનો પર્દાફાશ અને કાર્યવાહી
મીડિયા રિપોર્ટ મુજબ, સરેરાશ, દર મહિને લગભગ 1,200 નકલી ફર્મોનો પતો લગાવવામાં આવી રહ્યો છે. એપ્રિલ-જૂન દરમિયાન પકડાયેલી નકલી ફર્મોની સંખ્યા ગયા વર્ષની સરખામણીમાં ઓછી છે, જે દર્શાવે છે કે નકલી GST રજિસ્ટ્રેશન (Fake GST Registration) સામે ચલાવવામાં આવી રહેલી ઝુંબેશ અસરકારક રહી છે. FY26 ના જૂન ક્વાર્ટરમાં 3,558 નકલી કંપનીઓ સાથે સંકળાયેલા ₹15,851 કરોડનું કૌભાંડ સામે આવ્યું છે. આના કારણે 53 લોકોની ધરપકડ (Arrests) સાથે ₹659 કરોડની વસૂલાત (Recovery) કરવામાં આવી છે.
આ સમાચાર પણ વાંચો : Mira-Bhayander contractor: ઓત્તારી, કોન્ટરેક્ટરે ભારે કરી. મીરા રોડમાં સરકારી પૈસા ન મળતા આખું ટોઈલેટ પોતેજ તોડી નાખ્યું.. જાણો આખો કિસ્સો
GST Fraud: ઇનપુટ ટેક્સ ક્રેડિટ (ITC) શું છે અને તેમાં છેતરપિંડી કેવી રીતે થાય છે?
GST હેઠળ ITC એ કોઈ સામાન (Goods) કે સેવા (Service) પર ચૂકવવામાં આવેલા ટેક્સના બદલે મળતી ક્રેડિટ છે. માની લો કે તમે 10 ટકા GST સાથે ₹1000 નો સામાન તમારા સપ્લાયર (Supplier) પાસેથી ખરીદ્યો. એટલે કે ₹100. હવે આ ₹100 ની માહિતી સપ્લાયર દ્વારા સરકારને (Government) આપવી જોઈએ.
પાછળથી વેપારી (Trader) સપ્લાયર પાસેથી 10 ટકા GST પર લીધેલા સામાનને વધુ 10 ટકા GST એટલે કે ₹150 પર વેચે છે. એટલે કે ₹1000 નો સામાન હવે ₹1500 માં વેચાઈ રહ્યો છે. આ રીતે વેપારી રિટેલ વિક્રેતા પાસેથી GST વસૂલે છે. આવા કિસ્સામાં, તેમને પણ સરકારને ₹150 GST આપવો જોઈએ. હવે આ ટેક્સનો દાવો ક્રેડિટ કે કપાત (Deduction) રૂપે કરી શકાય છે. નકલી કંપનીઓ દ્વારા ખોટી ITC પાસ કરીને સરકારને ચૂનો લગાવવામાં (Defrauded) આવે છે.
આ આંકડા દર્શાવે છે કે ભલે નકલી ફર્મોની સંખ્યામાં ઘટાડો થયો હોય, પરંતુ ટેક્સ ચોરીની રકમમાં મોટો વધારો થયો છે, જે GST સિસ્ટમમાં વધુ સુધારાઓની જરૂરિયાત દર્શાવે છે.
