News Continuous Bureau | Mumbai
India Rejects Starlink License। વિશ્વના સૌથી અમીર ઉદ્યોગપતિ ઇલોન મસ્કની સેટેલાઇટ ઇન્ટરનેટ કંપની ‘સ્ટારલિંક’ ને ભારતમાં એક બહુ મોટો વ્યાપારિક ઝટકો લાગ્યો છે. ભારત સરકારે રાષ્ટ્રીય સુરક્ષાને સર્વોચ્ચ પ્રાથમિકતા આપતા દેશમાં સ્ટારલિંકની સેટેલાઇટ ઇન્ટરનેટ સેવા શરૂ કરવાના લાયસન્સની મંજૂરી આપવાનો સ્પષ્ટ ઇનકાર કરી દીધો છે. મીડિયા અહેવાલો અનુસાર, તાજેતરમાં પશ્ચિમ એશિયામાં ફાટી નીકળેલા ઇરાન યુદ્ધ દરમિયાન સ્ટારલિંકની કથિત ભૂમિકા અને તેના કારણે ઉભા થયેલા સુરક્ષા પ્રશ્નોને લીધે ભારત સરકારે આ આકરો અને આક્રમક નિર્ણય લીધો છે. આ નિર્ણયથી વિદેશી સેટેલાઇટ ઓપરેટરો પર કડક નિયંત્રણો લાદવા અંગે ભારતની સુરક્ષા એજન્સીઓ ખૂબ જ સાવધ હોવાનું સ્પષ્ટ થઈ ગયું છે.
India Rejects Starlink License।ગૃહ મંત્રાલયના અંતિમ સુરક્ષા મંજૂરી અહેવાલે મસ્કની યોજનાઓ રોકી
આંતરરાષ્ટ્રીય ન્યૂઝ એજન્સી ના અહેવાલ મુજબ, ભારતના ગૃહ મંત્રાલય અંતર્ગત કામ કરતી ટોચની રાષ્ટ્રીય સુરક્ષા એજન્સીઓએ સ્ટારલિંકના વ્યાપારી લોન્ચિંગ માટે જરૂરી એવી અંતિમ સુરક્ષા મંજૂરી એટલે કે ફાઇનલ સિક્યોરિટી ક્લિયરન્સ આપવાનો ઇનકાર કરીને ફાઇલ રોકી દીધી છે. ઇરાન સૈન્ય સંઘર્ષ દરમિયાન સત્તાવાર પરવાનગી ન હોવા છતાં પણ અમેરિકા દ્વારા સ્ટારલિંકના સેટેલાઇટ ઇન્ટરનેટ ટર્મિનલ્સનો મોટા પાયે ઉપયોગ કરવામાં આવ્યો હોવાના જે અહેવાલો આવ્યા હતા, તેનાથી નવી દિલ્હીના સુરક્ષા વર્તુળોમાં ગંભીર ચિંતાઓ જન્મી છે.
India Rejects Starlink License।યુદ્ધ અને કટોકટીના સમયે વિદેશી કંપની પર અંકુશ રાખવા અંગે શંકા
ભારતીય સુરક્ષા એજન્સીઓને મુખ્ય શંકા એ વાતની છે કે ભવિષ્યમાં કોઈપણ ભૂ-રાજકીય તણાવ અથવા યુદ્ધની સ્થિતિ દરમિયાન અમેરિકામાં મુખ્યાલય ધરાવતી આ ખાનગી ટેલિકોમ ઓપરેટર કંપની પર ભારત સરકાર કેટલો અંકુશ રાખી શકશે. જો ભવિષ્યમાં કોઈ વિદેશી સરકાર ઇલોન મસ્કની કંપની પાસે ભારતની સુરક્ષા અને વિદેશ નીતિ વિરૂદ્ધ જતી કોઈ ગુપ્ત માહિતી અથવા સેવાની માંગ કરે, તો સ્ટારલિંક ભારતીય કાયદાઓ અને નિયમોનું પાલન કેવી રીતે કરશે, તેનું લેખિત અને સંતોષકારક સ્પષ્ટીકરણ સરકારે કંપની પાસેથી માંગ્યું છે, જે હજી સુધી મળ્યું નથી.
India Rejects Starlink License।સ્પેસએક્સના ભવ્ય આઇપીઓ પહેલાં મસ્ક માટે મોટો વૈશ્વિક અવરોધ
સ્ટારલિંકે આશરે એક વર્ષ પહેલાં ભારતમાં પ્રાથમિક તૈયારીઓ કરવા માટે ગ્લોબલ મોબાઇલ પર્સનલ કોમ્યુનિકેશન બાય સેટેલાઇટ લાયસન્સ મેળવ્યું હતું. પરંતુ હવે ફાઇનલ સુરક્ષા મંજૂરી અટકી પડતાં દૂરસંચાર વિભાગ દ્વારા સેટેલાઇટ સ્પેક્ટ્રમની કિંમતો નક્કી કરવાનું માળખું પણ કેબિનેટ મંજૂરી માટે મોકલવાનું હાલ પૂરતું સ્થગિત કરી દેવાયું છે. ભારત સરકારનો આ નિર્ણય ઇલોન મસ્ક માટે એવા સમયે આવ્યો છે જ્યારે તેમની મુખ્ય કંપની સ્પેસએક્સ આશરે ૧.૭૫ ટ્રિલિયન ડોલરના ઐતિહાસિક વેલ્યુએશન સાથે શેરબજારમાં પોતાનો અત્યાર સુધીનો સૌથી મોટો આઇપીઓ લાવવાની તૈયારી કરી રહી છે. ચીન પછી વિશ્વના સૌથી મોટા ઇન્ટરનેટ બજાર ગણાતા ભારતના દરવાજા સુરક્ષાના કારણે બંધ થતાં મસ્કની વૈશ્વિક વિસ્તારની યોજનાઓને મોટો ફટકો પડ્યો છે.
👉 આ સમાચાર વાચો:
Gold Price Today India| સોનાના ભાવે તોડ્યા તમામ રેકોર્ડ, પરંતુ ચાંદીના ઇન્વેસ્ટર્સને ઝટકો! જુઓ તમારા શહેરના તાજા આંકડા
