News Continuous Bureau | Mumbai
India External Debt: ભારતનું છેલ્લા એક વર્ષમાં વિદેશી દેવું વધ્યું છે. રિઝર્વ બેંક ઓફ ઈન્ડિયા ( RBI ) એ મંગળવારે નિવેદન આપતા કહ્યું હતું કે, માર્ચ 2024 ના અંત સુધીમાં આ આંકડો $ 39.7 બિલિયનથી વધીને હવે $ 663.8 બિલિયન થઈ ગયો હતો. જો કે આટલા વધારા છતાં દેશની જીડીપીમાં ( GDP ) વિદેશી દેવાનો હિસ્સો ઘટીને 18.7 ટકા થયો હતો. માર્ચ 2023ના અંત સુધીમાં આ આંકડો લગભગ 19 ટકા હતો.
આરબીઆઈના નિવેદનમાં જણાવ્યા અનુસાર, માર્ચ 2024ના અંતે 53.8 ટકાના હિસ્સા સાથે યુએસ ડોલર ભારતના વિદેશી દેવાનો ( Foreign debts ) સૌથી મોટો ઘટક બન્યો છે. આ પછી, વિદેશી દેવામાં ભારતીય રૂપિયો લગભગ 31.5 ટકા, યેન 5.8 ટકા, SDR 5.4 ટકા અને યુરોનો હિસ્સો લગભગ 2.8 ટકા રહ્યો હતો. આ સિવાય લોન 33.4 ટકા હિસ્સા સાથે વિદેશી દેવાનો સૌથી મોટો ઘટક બની ગયો હતો. આ પછી, કરન્સી અને ડિપોઝિટ 23.3 ટકા, ટ્રેડ ક્રેડિટ અને એડવાન્સ 17.9 ટકા અને સિક્યોરિટીઝ 17.3 ટકા રહી હતી.
India External Debt:જો વેલ્યુએશન ઈફેક્ટ દૂર કરવામાં આવે તો આ વિદેશી દેવું $39.7 બિલિયનને બદલે $48.4 બિલિયન વધી જશે…
રિઝર્વ બેંકે તેના નિવેદનમાં વધુમાં કહ્યું હતું કે, જો વેલ્યુએશન ઈફેક્ટ ( Valuation Effect ) દૂર કરવામાં આવે તો આ વિદેશી દેવું $39.7 બિલિયનને બદલે $48.4 બિલિયન વધી જશે. વેલ્યુએશન ઇફેક્ટમાં, વિદેશમાં સ્થિત એસેટનું મૂલ્ય જોવામાં આવે છે. આ ઉપરાંત, વિદેશી રોકાણકારો ( Foreign investors ) પાસે રહેલી સ્થાનિક સંપત્તિનું મૂલ્ય પણ તેમાં આંકવામાં આવે છે. આરબીઆઈએ તેના નિવેદનમાં આગળ જણાવ્યું હતું કે, ડૉલર સામે રૂપિયો, યેન, યુરો અને એસડીઆરની નબળાઈને કારણે મૂલ્યાંકન અસર $8.7 બિલિયન થઈ ગઈ હતી.
આ સમાચાર પણ વાંચો : Adani Airports: અદાણી એરપોર્ટ નાણાકીય વર્ષ 2028 સુધીમાં 21 અબજ ડોલરના રોકાણ સાથે શેરબજારમાં લિસ્ટ થવાની તૈયારીમાં..
આરબીઆઈના ડેટા દર્શાવે છે કે, માર્ચ 2024 સુધી સામાન્ય સરકારી દેવું વાર્ષિક ધોરણે 11.5 ટકા વધ્યું છે. બીજી તરફ હાલ હાઉસહોલ્ડ અને બિન-લાભકારી સંસ્થાઓનું દેવું 16.5 ટકા ઘટ્યું છે. રિઝર્વ બેંકના ડેટા દર્શાવે છે કે કુલ વિદેશી દેવામાં બિન-નાણાકીય કોર્પોરેશનોની બાકી લોનનો હિસ્સો સૌથી વધુ 37.4 ટકા રહ્યો હતો. આમાં સામાન્ય સરકારનો હિસ્સો 22.4 ટકા હતો.
