News Continuous Bureau | Mumbai
Indian Market: ભારતીય સ્થાનિક શેરબજાર છેલ્લા કેટલાક મહિનાઓથી શાનદાર તેજી જોવા મળી રહી છે. તેમજ શેરબજારમાં જૂના રેકોર્ડ તોડીને નવા રેકોર્ડ સર્જાઈ રહ્યા છે. સ્થાનિક શેરબજારે વધુ એક નવો રેકોર્ડ બનાવ્યો છે, જેમાં તેણે એમકેપનો નવો રેકોર્ડ બનાવ્યો છે. શેરબજારના ડેટા જોયા પછી જાણવા મળ્યું છે કે છેલ્લા 6 મહિનામાં શેરબજારમાં 1 ટ્રિલિયન માર્કેટ કેપિટલનો ( market capitalization ) ઉમેરો થયો છે.
ભારતીય સ્ટોક એક્સચેન્જમાં ( Indian Stock Exchange ) લિસ્ટેડ તમામ કંપનીઓના સંયુક્ત માર્કેટ કેપમાં ( Market cap ) આ વર્ષે જ લગભગ 25 ટકાનો વધારો થયો છે. રોઇટર્સના અહેવાલ અનુસાર, 2024માં અત્યાર સુધીમાં ભારતીય બજારના એમકેપમાં 24.5 ટકાનો વધારો થયો છે અને એકંદર સાઈઝ હવે $5.23 ટ્રિલિયન સુધી પહોંચી ગયું છે. માત્ર એક અઠવાડિયા પહેલા, બજાર પ્રથમ વખત 5 ટ્રિલિયન ડોલર એમકેપ હાંસલ કરવામાં સફળ થયું હતું.
Indian Market: ભારત હવે વિશ્વનું પાંચમું સૌથી મોટું સ્ટોક માર્કેટ બની ગયું છે..
આ સાથે, ભારત હવે વિશ્વનું પાંચમું સૌથી મોટું સ્ટોક માર્કેટ ( Stock Market ) બની ગયું છે અને 5 ટ્રિલિયન ડોલર ક્લબમાં પહેલાથી જ હાજર અમેરિકા, ચીન, જાપાન અને હોંગકોંગની રેન્કમાં સામેલ થઈ ગયું છે. બ્લૂમબર્ગનો એક અહેવાલ દર્શાવે છે કે છેલ્લા 6 મહિનામાં ભારતીય શેરબજાર ( Indian Stock Market ) તેના એમકેપમાં $1 ટ્રિલિયનનો વધારો કરવામાં સફળ રહ્યું છે, તે જ સમયગાળા દરમિયાન, બીજા સૌથી મોટા શેરબજાર ચીનને એમકેપમાં $1.06 ટ્રિલિયનનું નુકસાન થયું હતું.
આ સમાચાર પણ વાંચો : IND vs PAK: ઇંગ્લેન્ડના ભૂતપૂર્વ ખેલાડી ડેવિડ લોયડે ભારત-પાકિસ્તાન મેચ ફિક્સિંગ પર ફટકાર લગાવી, ICC પર લગાવ્યા આ ગંભીર આક્ષેપો..
સ્થાનિક બજારમાં આ તેજી સ્વયંભૂ નથી. છેલ્લા કેટલાક સમયથી ભારતીય બજાર સતત આગળ વધી રહ્યું છે. જૂન મહિનો તેના છેલ્લા તબક્કામાં હોવાથી આ વર્ષનો લગભગ હવે અડધો સમય પસાર થઈ ગયો છે. હાલમાં, બજાર 2024 માં લગભગ 25 ટકાનો નફો જોઈ રહ્યું છે. રોઈટર્સના અહેવાલમાં એવો અંદાજ લગાવવામાં આવ્યો છે કે 2024 ભારતીય બજાર માટે આ સતત 9મું નફાકારક વર્ષ સાબિત થઈ શકે છે.
ભારતીય બજાર એક દિવસ અગાઉ પણ નવી ઓલ ટાઈમ હાઈ બનાવવામાં સફળ રહ્યું હતું. બુધવારના કારોબારમાં સેન્સેક્સે ( Sensex ) 78,759.40 પોઈન્ટની નવી ઊંચી સપાટી બનાવી હતી અને નિફ્ટીએ 23,889.90 પોઈન્ટની નવી ઊંચી સપાટી બનાવી હતી. છેલ્લા 11માંથી 8 સેશનમાં સેન્સેક્સ અને નિફ્ટીએ ( Nifty ) નવા ઓલ ટાઈમ હાઈ લેવલનો રેકોર્ડ બનાવ્યો હતો. માત્ર જૂન મહિનામાં જ બજારે 6 ટકાથી વધુ વૃદ્ધિ નોંધાવી હતી.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
