News Continuous Bureau | Mumbai
IndiaNew Zealand FTA। ભારતના વિદેશ વ્યાપાર માટે મોટા સમાચાર સામે આવ્યા છે. ભારત અને ન્યૂઝીલેન્ડ વચ્ચે મુક્ત વ્યાપાર સમજૂતી (FTA) પર હસ્તાક્ષર કરવામાં આવ્યા છે. આ કરાર બાદ ન્યૂઝીલેન્ડમાં ભારતની ૧૦૦% નિકાસ ટેક્સફ્રી (શુલ્ક મુક્ત) થઈ જશે. આ સમજૂતીથી ભારતીય ઉત્પાદનોને આંતરરાષ્ટ્રીય બજારમાં મોટી ઓળખ અને ફાયદો મળશે.
‘ઈન્વેસ્ટ ઈન્ડિયા’ દ્વારા રોકાણનો નવો વિક્રમ
રાષ્ટ્રીય રોકાણ પ્રોત્સાહન એજન્સી ‘ઈન્વેસ્ટ ઈન્ડિયા’ એ વર્ષ ૨૦૨૫-૨૬માં મોટી સફળતા હાંસલ કરી છે. એજન્સીએ ૬.૧ અબજ ડોલરથી વધુના ૬૦ જેટલા પ્રોજેક્ટ્સ મેળવવામાં મદદ કરી છે. આ રોકાણ ભારતના ૧૪ રાજ્યોમાં ફેલાયેલું છે, જેનાથી અંદાજે ૩૧,૦૦૦થી વધુ નવી રોજગારીની તકો ઉભી થવાની શક્યતા છે. કુલ રોકાણના ૪૨ ટકા હિસ્સો યુરોપિયન દેશોમાંથી આવ્યો છે, જ્યારે અમેરિકા, જાપાન અને દક્ષિણ કોરિયાના રોકાણમાં પણ નોંધપાત્ર વધારો થયો છે.
FDI નિયમોમાં ફેરફાર અને ચીન પર નિયંત્રણ
ભારત સરકાર વિદેશી પ્રત્યક્ષ રોકાણ (FDI) ના નિયમોમાં ઢીલ આપવા માટે ટૂંક સમયમાં નોટિફિકેશન બહાર પાડશે. આ ફેરફાર મુજબ, જે વિદેશી કંપનીઓમાં ચીનનું ૧૦ ટકા સુધીનું રોકાણ છે, તેમને ભારતમાં રોકાણ માટે સરળતા રહેશે. જોકે, સરકારે સ્પષ્ટ કર્યું છે કે આ છૂટછાટ ચીન, હોંગકોંગ કે ભારતની સરહદ અડીને આવેલા દેશોમાં નોંધાયેલી કંપનીઓને લાગુ પડશે નહીં. આ નિર્ણયથી વિદેશી રોકાણને પ્રોત્સાહન મળશે પરંતુ સુરક્ષાના ધોરણો જળવાઈ રહેશે.
ભારત-ન્યૂઝીલેન્ડ FTA ની મુખ્ય લાક્ષણિકતાઓ
ન્યૂઝીલેન્ડ સાથેના આ કરારથી ભારતીય નિકાસકારોને મોટો ફાયદો થશે. અગાઉ ૭૦ ટકા ભારતીય ઉત્પાદનોને શુલ્ક મુક્ત પ્રવેશ મળવાની વાત હતી, પરંતુ હવે ૧૦૦ ટકા નિકાસ ટેક્સ-ફ્રી થવાથી ટેક્સટાઇલ, જેમ્સ એન્ડ જ્વેલરી અને એગ્રીકલ્ચર સેક્ટરને મોટો બૂસ્ટ મળશે. બીજી તરફ, કાનપુર જેવા ઔદ્યોગિક શહેરોમાંથી પણ નિકાસમાં વધારો જોવા મળી રહ્યો છે, જ્યાંથી અંદાજે ૮૧૨૬ કરોડ રૂપિયાની નિકાસ થઈ છે.
👉 આ સમાચાર વાચો:
Commercial LPG Price Hike|ગેસના ભાવમાં ભડકો કોમર્શિયલ સિલિન્ડર સીધો ૯૯૩ મોંઘો થયો, નાના સિલિન્ડરના ભાવ પણ આસમાને
