News Continuous Bureau | Mumbai
ભારતની આર્થિક વૃદ્ધિ(Economic growth of India) ચાલુ વર્ષે ઘટીને ૫.૭ ટકા થવાનો અંદાજ છે, જે ૨૦૨૧માં ૮.૨ ટકા હતી એવી માહિતી સંયુક્ત રાષ્ટ્રની ટોચની એજન્સીએ(top United Nations agency) આપી છે. જાહેર કરાયેલા અંદાજ મુજબ ઊંચા ફાઇનાન્સ ખર્ચ અને જાહેર ખર્ચમાં(finance expenditure and public expenditure) ઘટાડાને કારણે જીડીપી વૃદ્ધિ(GDP growth) ઘટવાનો અંદાજ છે. યુનાઇટેડ નેશન્સ કોન્ફરન્સ ઓન ટ્રેડ એન્ડ ડેવલપમેન્ટ(United Nations Conference on Trade and Development ) (UNCTAD)ના ‘ટ્રેડ એન્ડ ડેવલપમેન્ટ રિપોર્ટ(Trade and Development Report) ૨૦૨૨’માં જણાવ્યા અનુસાર ૨૦૨૩માં ભારતની જીડીપી વૃદ્ધિ વધુ ઘટીને ૪.૭ ટકા થવાનો અંદાજ છે.
અહેવાલમાં જણાવ્યા અનુસાર “૨૦૨૧માં ભારતની જીડીપી વૃદ્ધિ ૮.૨ ટકા રહી હતી, જે જી૨૦ દેશોમાં સૌથી વધુ હતી. સપ્લાય ચેઇનમાં સુધારાને પગલે સ્થાનિક માંગ વધી હતી અને ચાલુ ખાતાની સરપ્લસનું ખાધમાં રૂપાંતર થયું હતું. તેને લીધે વૃદ્ધિ ધીમી પડી હતી.” અહેવાલની વિગત અનુસાર “સરકારે લોન્ચ કરેલી પ્રોડક્શન લિંક્ડ ઇન્સેન્ટિવ સ્કીમને(Production Linked Incentive Scheme) કારણે કોર્પોરેટ રોકાણ(Corporate investment) આકર્ષાયું છે. જોકે, ક્રૂડની આયાતમાં વૃદ્ધિથી આયાત બિલ વધ્યું છે અને ફોરેક્સ રિઝર્વની આયાત કવરેજ ક્ષમતાને પ્રતિકૂળ અસર થઈ છે. ઊંચા ફાઇનાન્સ ખર્ચ અને જાહેર ખર્ચમાં ઘટાડાને કારણે આર્થિક પ્રવૃત્તિ(economic activity) પર અસર થઈ છે. તેને લીધે ૨૦૨૨માં જીડીપી વૃદ્ધિ ઘટીને ૫.૭ ટકા થવાનો અંદાજ છે. આગામી સમયમાં સરકારે મૂડી ખર્ચ વધારવાની યોજના જાહેર કરી છે. ખાસ કરીને રેલવે અને રોડ ક્ષેત્રમાં વ્યાપક ખર્ચનો અંદાજ છે. જે કે, નબળા વૈશ્વિક અર્થતંત્રને પગલે સરકાર પર રાજકોષીય અસંતુલન ઘટાડવાનું દબાણ રહેશે. તેને લીધે અન્ય ક્ષેત્રોમાં ખર્ચ ઘટશે. આ સ્થિતિમાં ૨૦૨૩માં ભારતની આર્થિક વૃદ્ધિ ઘટીને ૪.૭ ટકા થવાનો અંદાજ છે.”
આ સમાચાર પણ વાંચો : ફાયદાનો સોદો – ફક્ત 2 હજારમાં શરૂ કરો આ છોડની ખેતી- 4 લાખ સુધી થશે કમાણી – જાણો કેવી રીતે
UNCTADના જણાવ્યા અનુસાર ૨૦૨૨માં દક્ષિણ એશિયાની જીડીપી વૃદ્ધિ ૪.૯ ટકા રહેવાનો અંદાજ છે. ઇંધણના ઊંચા ભાવને કારણે ફુગાવામાં વધારો અને અન્ય સમસ્યાને પગલે ઘણી સરકારો (બાંગ્લાદેશ, શ્રીલંકા) ઇંધણનો વપરાશ નિયંત્રિત કરવાની ફરજ પડી છે. UNCTADના અંદાજ મુજબ અમેરિકન અર્થતંત્ર ૨૦૨૨માં ૧.૯ ટકાના દરે વધશે, જે ૨૦૨૧ના ૫.૭ ટકાની તુલનામાં નોંધપાત્ર ઘટાડો દર્શાવે છે. ૨૦૨૨માં ચીનની જીડીપી વૃદ્ધિ ૩.૯ ટકા રહેવાનો અંદાજ છે, જે ૨૦૨૧માં ૮.૧ ટકા હતી. પછીના વર્ષે ચીનનું અર્થતંત્ર ૫.૩ ટકાના દરે વધશે. અહેવાલમાં જણાવ્યા અનુસાર ભારતની આયાતમાં ૫૦ ટકાથી વધુ હિસ્સો ખાદ્ય ચીજાે અને ઇંધણ સહિતની પ્રાથમિક કોમોડિટીનો છે.
