Site icon News Continuous Bureau | Mumbai

Indigo tail strikes: એર ઈન્ડિયા પર ડીજીસીએની કડક કાર્યવાહી, ફટકાર્યો અધધ 30 લાખનો દંડ, જાણો શું છે મામલો..

Indigo tail strikes: ઉડ્ડયન નિયમનકારે સમીક્ષા બાદ ઈન્ડિગો એરલાઈન્સને કારણ બતાવો નોટિસ જારી કરી હતી. કંપની નોટિસનો યોગ્ય જવાબ આપી શકી ન હતી, જેના પછી આ કાર્યવાહી કરવામાં આવી છે.

Indigo tail strikes: DGCA fines airline ₹30 lakh for systemic deficiencies

Indigo tail strikes: DGCA fines airline ₹30 lakh for systemic deficiencies

News Continuous Bureau | Mumbai

Indigo tail strikes: ઉડ્ડયન નિયમનકાર DGCA એ સસ્તી ઉડ્ડયન સેવાઓ પ્રદાન કરતી સ્થાનિક કંપની ઇન્ડિગો એરલાઇન્સ પર રૂ. 30 લાખનો ભારે દંડ ફટકાર્યો છે. DGCAએ પોતે શુક્રવારે આ જાણકારી આપી.

Join Our WhatsApp Channel

DGCAએ આ ફેરફારો માટે સૂચનાઓ આપી

ઈન્ડિગો પર દંડ લગાવવા ઉપરાંત એવિએશન રેગ્યુલેટરે દસ્તાવેજોને લઈને કેટલીક મહત્વપૂર્ણ સૂચનાઓ પણ આપી છે. કંપનીને DGCA ની જરૂરિયાતો અને OEM ની માર્ગદર્શિકા અનુસાર તેના દસ્તાવેજો અને પ્રક્રિયાઓમાં ફેરફાર કરવા માટે કહેવામાં આવ્યું છે.

નિયમનકારે જારી કરી કારણ બતાવો નોટિસ

નિયમનકારે કહ્યું કે તેણે એરલાઇનને કારણ બતાવો નોટિસ જારી કરી હતી. કંપનીને નોટિસનો જવાબ નિયત સમયમાં આપવા માટે કહેવામાં આવ્યું હતું. કંપની તરફથી વિવિધ સ્તરે મળેલા જવાબની સમીક્ષા કર્યા બાદ તે સંતોષકારક જણાયો ન હતો. જે બાદ DGCAએ ઈન્ડિગો એરલાઈન્સ પર દંડ લગાવવાનો નિર્ણય લીધો હતો.

આ સમાચાર પણ વાંચો : Surat: પ્રકૃતિના સંરક્ષણ માટે સુરત વન વિભાગની અનોખી પહેલ, QR કોડ સ્કેન કરી વન વિભાગની નર્સરીનું લોકેશન મેળવી શકાશે..

ઈન્ડિગો સાથે બનેલી આ ઘટનાઓ કારણ બની

હકીકતમાં, છેલ્લા કેટલાક મહિનાઓ દરમિયાન, ઈન્ડિગો વિમાનોએ ઘણી દુર્ભાગ્યપૂર્ણ ઘટનાઓનો સામનો કરવો પડ્યો છે. આ વર્ષના પહેલા 6 મહિનામાં જ ઈન્ડિગોના A321 એરક્રાફ્ટ સાથે ટેલ સ્ટ્રાઈકની 4 ઘટનાઓ બની હતી. ઉપરોક્ત ઘટનાઓ બાદ DGCAએ ઈન્ડિગોનું સ્પેશિયલ ઓડિટ કર્યું હતું. નિયમનકારે કંપનીના દસ્તાવેજીકરણ, ઓપરેશનલ પ્રક્રિયાઓ, તાલીમ, એન્જિનિયરિંગ અને ફ્લાઇટ ડેટા મોનિટરિંગની સમીક્ષા કરી હતી.

ડીજીસીએને ઘણી ખામીઓ મળી હતી

ડીજીસીએને સ્પેશિયલ ઓડિટ દરમિયાન ઘણી ખામીઓ જોવા મળી હતી. ડીજીસીએએ જણાવ્યું હતું કે ઓપરેશનલ અને તાલીમ પ્રક્રિયાઓ સિવાય એન્જિનિયરિંગ પ્રક્રિયાઓમાં પણ ખામીઓ જોવા મળી હતી. તમામ ખામીઓ શોધ્યા પછી જ ડીજીસીએએ ઈન્ડિગો એરલાઈન્સને કારણ બતાવો નોટિસ પાઠવી હતી, જેનો કંપની સંતોષકારક જવાબ આપવામાં નિષ્ફળ રહી હતી. હવે આખરે કંપનીએ દંડનો સામનો કરવો પડ્યો છે.

SpiceJet Financial Crisis સ્પાઈસજેટ પર નાણાકીય સંકટના વાદળ ફ્લાઈટ્સ રદ થતાં એરલાઈન બંધ થવાની ચર્ચાએ જોર પકડ્યું
Reliance Satellite Network સ્ટારલિંકનો ખેલ બગાડવાની તૈયારી વર્ષ 2035 સુધીમાં 1,600 ઉપગ્રહો લોન્ચ કરવાનો પ્લાન
RBI Action Finance Companies એકસાથે 63 ફાઇનાન્સ કંપનીઓના લાઇસન્સ રદ, 49 NBFC ની નોંધણી રદ અને 14 સંસ્થાઓએ પરત કર્યા પરવાના
India Wholesale Inflation છૂટક બાદ હવે જથ્થાબંધ મોંઘવારીનો પણ મોટો ઝટકો ઓક્ટોબરમાં WPI મોંઘવારી દર વધીને 12.29 ટકા પર પહોંચ્યો
Exit mobile version