News Continuous Bureau | Mumbai
Jet Fuel Hike પશ્ચિમ એશિયામાં ચાલી રહેલા તણાવ અને તેલના વધતા ભાવની અસર હવે ભારતીય ઉડ્ડયન ક્ષેત્ર પર જોવા મળી રહી છે. સરકારે દેશની તમામ શેડ્યૂલ્ડ એરલાઇન્સને રાહત આપવા માટે ૧૦,૦૦૦ કરોડ રૂપિયાના પ્રાઈસ સ્ટેબિલાઇઝેશન ફંડ (Price Stabilisation Fund) ને મંજૂરી આપી છે. જોકે, આ નિર્ણયની સાથે જ ઓઇલ માર્કેટિંગ કંપનીઓએ એવિએશન ટર્બાઇન ફ્યુઅલ (ATF) ના ભાવમાં લગભગ ૧૦ ટકાનો વધારો કર્યો છે. આ નિર્ણયનો ઉદ્દેશ્ય હવાઈ ભાડામાં થતા મોટા ઉછાળાને રોકવાનો અને એરલાઇન્સને સ્થિરતા પ્રદાન કરવાનો છે.
Jet Fuel Hike – શું છે આ ૧૦,૦૦૦ કરોડનું રાહત ફંડ?
સરકારે ઓઇલ માર્કેટિંગ કંપનીઓ (OMCs) ને વ્યાજમુક્ત એડવાન્સ તરીકે ૧૦,૦૦૦ કરોડ રૂપિયાની budgetary સહાય આપવાનું નક્કી કર્યું છે. આ ફંડનો ઉપયોગ એરલાઇન્સ માટે ઈંધણના ભાવને લાંબા ગાળા માટે સ્થિર રાખવા માટે કરવામાં આવશે. જે એરલાઇન્સ આ સ્વૈચ્છિક સ્કીમ (Voluntary Scheme) માં જોડાશે, તેમને આગામી ત્રણ વર્ષ સુધી ૧૧૫ રૂપિયા પ્રતિ લિટરના નક્કી કરેલા દરે ATF મળશે. આ પગલું ખાસ કરીને એવી એરલાઇન્સ માટે ફાયદાકારક છે જેઓ ગ્લોબલ માર્કેટમાં ઈંધણના ભાવમાં થતી અચાનક વધઘટથી સુરક્ષિત રહેવા માંગે છે.
Jet Fuel Hike – એરલાઇન્સ પર શું થશે અસર?
ઈંધણના ભાવમાં ૧૦ ટકાનો વધારો થવા છતાં, જે કંપનીઓ આ નવી સ્કીમ પસંદ કરશે તેમને દિલ્હીમાં ૧૧૫ રૂપિયા પ્રતિ લિટરના ભાવે ઈંધણ મળશે. જે એરલાઇન્સ આ સ્કીમમાં નહીં જોડાય, તેમણે માર્કેટ-લિંક્ડ દરો પર ઈંધણ ખરીદવું પડશે, જે હાલમાં લગભગ ૧૪૨ રૂપિયા પ્રતિ લિટરની આસપાસ છે. ઇન્ડિગો (IndiGo) જેવી મોટી એરલાઇન્સ માટે આ નિર્ણય અત્યંત મહત્વનો છે, કારણ કે તેમની કામગીરીનો લગભગ ૪૦% થી ૬૦% ખર્ચ ઈંધણ પાછળ ખર્ચાય છે. જોકે, વધતા ઓપરેશનલ ખર્ચને કારણે ઘણી એરલાઇન્સે પહેલેથી જ પોતાની ડોમેસ્ટિક અને ઇન્ટરનેશનલ ફ્લાઇટ્સની સંખ્યામાં ઘટાડો કર્યો છે.
Jet Fuel Hike – મુસાફરો અને બજાર પર અસર
આ નિર્ણયનો સીધો લાભ સામાન્ય મુસાફરોને થવાની આશા છે. ફ્યુઅલ પ્રાઇસ સ્ટેબિલાઇઝેશન (Fuel Price Stabilisation) ને કારણે ટિકિટના ભાવમાં જે અચાનક મોટો ઉછાળો આવવાની શક્યતા હતી, તેના પર અંકુશ આવશે. સરકારનું માનવું છે કે આ વ્યવસ્થા ત્રણ વર્ષ સુધી ચાલુ રહેશે, જેનો મુખ્ય હેતુ એરલાઇન્સને આર્થિક જોખમોથી બચાવવા અને ભારતીય ઉડ્ડયન ક્ષેત્રમાં કનેક્ટિવિટી જાળવી રાખવાનો છે. જ્યારે આંતરરાષ્ટ્રીય બજારમાં ઈંધણના ભાવ ઘટશે, ત્યારે આ રાહત ફંડની રકમ સરકારી તિજોરીમાં પરત જમા કરાવવામાં આવશે, જેથી આ એક સ્વ-ટકાઉ (Self-sustaining) મોડેલ બની શકે.
👉 આ સમાચાર વાચો:
Meenakshi Natarajan’s nomination reject શું ભાજપની રણનીતિ કામ કરી ગઈ? મીનાક્ષી નટરાજનનું ફોર્મ રદ થતા MPમાં રાજ્યસભાની ચૂંટણી હવે માત્ર નામની.
