News Continuous Bureau | Mumbai
તહેવારો(Festive season)નો મહિનો આવી રહ્યો છે અને આ મહિનામાં લોકો ઘરેણાં(gold jewellery)ની ઘણી ખરીદી કરે છે. જોકે, ઘરેણાંની ખરીદી સાથે તેને સુરક્ષિત(security) રાખવાની ચિંતા વધી જાય છે. લોકો જેટલા ઘરેણાં લેવાનું પસંદ કરે છે તેનાથી વધુ તેને ગુમાવવાનો ડર રહે છે. આ ડરને દૂર કરવા માટે લોકો બેંકોમાં લોકર(Bank locker)ની સુવિધા લે છે, પરંતુ દરેક માટે લોકરની સુવિધા મેળવવી સરળ નથી. અત્યારે પણ શહેરોમાં મોટાભાગના લોકો ઘરેણાં ઘરે જ રાખે છે. જોકે ઘરેણાં ઘરે રાખવાને સલામત માનવામાં આવતું નથી. આજે અમે તમને એક એવી રીત જણાવવા જઈ રહ્યા છીએ, જેનાથી તમારા દાગીના પણ સુરક્ષિત રહેશે અને જો ચોરી થશે તો તમને તમારા ઘરેણાં જેટલી જ રકમ મળશે.
વીમા કંપનીઓની શું છે પોલિસી?
જ્વેલરી પર ઇન્શ્યોરન્સ કવર(Insurrance policy) લઈને તમે ચોરી અને ઘરેણાં ગાયબ થવાના ટેન્શનને દૂર કરી શકો છો. વીમા કંપનીઓ જ્વેલરીના રક્ષણ માટે બે પ્રકારની સ્કીમ ઓફર કરે છે. આ બે પ્રકારની પોલિસી(Policy)ઓમાં એક હોમ ઇન્શ્યોરન્સ પોલિસી છે અને બીજી સ્ટેન્ડ-અલોન જ્વેલરી પોલિસી (Stand-alone Jewelery Policy) છે. હોમ ઈન્સ્યોરન્સ પોલિસી(Home Insurance Policy)માં ઘરમાં રાખવામાં આવેલા ઘરેણાં પર સુરક્ષા આપવામાં આવે છે, પરંતુ દાગીના (Ornaments) ચોરાઈ જવા અથવા ગુમ થઈ જવાની સ્થિતિમાં તમને સંપૂર્ણ રકમ મળતી નથી. જો તમે ઘરેણાંની સંપૂર્ણ સુરક્ષા ઇચ્છો છો, તો તમારે કંપની પાસેથી સ્ટેન્ડ-અલોન જ્વેલરી વીમા પોલિસી(Stand-alone jewelery insurance policy) લેવી પડશે. તેમાં 10 લાખ રૂપિયા સુધીની જ્વેલરી પર દર મહિને 1 હજાર રૂપિયા સુધીનું પ્રીમિયમ જમા કરાવવું પડશે. આ સાથે દાગીનાની ચોરી અથવા ગાયબ થવાની સ્થિતિમાં તમને દાગીના જેટલું જ સંપૂર્ણ રિફંડ મળે છે.
આ સમાચાર પણ વાંચો : મોંઘવારીનો નવો બોમ્બ ફુટશે- ડોલર સામે રૂપિયો ફરી ધડામ, માર્કેટ ખુલતા જ આટલા પૈસા ગગડ્યો
આ બાબતોનું રાખો ખાસ ધ્યાન
કોઈપણ પ્રકારની યોજનાનો લાભ લેતા પહેલા જ્વેલરીનું માર્કેટ વેલ્યુએશન જાણવાની ખાતરી કરો. તેના માટે તમારે નજીકની ઓથોરાઇઝ્ડ જ્વેલરી શોપ(Authorized Jewelery Shop) સાથે વાત કરવી પડશે. જ્વેલર તમને તેની ચોક્કસ કિંમત જણાવશે. ક્યારેક એવું બને છે કે વીમા કંપની વીમા ક્લેમ કરતી વખતે ઘરેણાંની કિંમત નીચે લગાવે છે. આવી પોલિસી લેવાની તૈયારી કરતી વખતે કંપનીના રિફંડ નિયમો વિશે યોગ્ય માહિતી લો. સ્ટેન્ડ-અલોન જ્વેલરી વીમો પસંદ કરતી વખતે કુદરતી આફત વિભાગ પર નજર રાખો.
