News Continuous Bureau | Mumbai
JFSL: Jio Financial Services (JFSL), જે મુકેશ અંબાણી (Mukesh Ambani) ની આગેવાની હેઠળની રિલાયન્સ ઈન્ડસ્ટ્રીઝ (Reliance Industry) થી અલગ થઈ ગઈ છે, તેને વિશ્વના કેટલાક ઈન્ડેક્સમાંથી દૂર કરવામાં આવશે. 22 ઓગસ્ટથી, FTSE ઓલ-વર્લ્ડ ઈન્ડેક્સ, FTSE MPF ઓલ-વર્લ્ડ ઈન્ડેક્સ, FTSE ગ્લોબલ લાર્જ કેપ ઈન્ડેક્સ અને FTSE ઇમર્જિંગ ઈન્ડેક્સથી દૂર કરવામાં આવશે. ગયા મહિને જ રિલાયન્સ ઈન્ડસ્ટ્રીઝે Jio ફાયનાન્સિયલ સર્વિસને ડીમર્જ કરી હતી. જો કે, તેના લિસ્ટિંગની તારીખ હજુ સુધી જાહેર કરવામાં આવી નથી.
આ નિર્ણય કેમ લેવામાં આવ્યો?
ગ્લોબલ ઈન્ડેક્સ એગ્રીગેટર FTSE રસેલે એક પ્રેસ રિલીઝમાં આ વિશે જણાવ્યું હતું. FTSE એ જણાવ્યું હતું કે આ પગલું જરૂરી હતું કારણ કે Jio ફાઇનાન્સિયલ સર્વિસે 20 કામકાજના દિવસો પછી પણ ટ્રેડિંગ શરૂ કર્યું ન હતું અને રિલાયન્સ ઇન્ડસ્ટ્રીઝ દ્વારા લિસ્ટિંગની તારીખની જાહેરાત કરવામાં આવી ન હતી.
આ સમાચાર પણ વાંચો : Amitabh Bachchan: મુંબઈ ના વરસાદી માહોલ વચ્ચે ખુલ્લા પગે સિદ્ધિવિનાયક મંદિર પહુંચ્યા અમિતાભ બચ્ચન, લીધા બાપ્પા ના આશીર્વાદ
જેએફએસએલને જુલાઈમાં આ ઈન્ડેક્સમાં સામેલ કરવામાં આવ્યો હતો
FTSE રસેલે 20 જુલાઈના રોજ આ ઈન્ડેક્સમાં Jio ફાયનાન્સિયલ સર્વિસનો સમાવેશ કર્યો હતો. FTSE રસેલે 13 જુલાઈના રોજ કહ્યું હતું- ‘Jio ફાયનાન્સિયલ સર્વિસિસના લિસ્ટિંગની તારીખ હજુ સુધી જાહેર કરવામાં આવી નથી. આથી તે નિશ્ચિત ધારિત મૂલ્ય પર તેનું ટર્નઓવર ન થાય ત્યાં સુધી તે ઇન્ડેક્સમાં રહેશે. જો 20 કામકાજી દિવસો પછી પણ ટ્રેડિંગ ક્યારે શરૂ થશે તેની તારીખ સ્પષ્ટ નથી, તો સ્પિન-ઓફ પોલિસી મુજબ કંપનીની સમીક્ષા કરવામાં આવશે.
અપેક્ષા કરતાં વધુ મૂલ્યાંકન
રિલાયન્સ ઇન્ડસ્ટ્રીઝ લિમિટેડથી અલગ થયા પછી, Jio ફાઇનાન્સિયલ સર્વિસિસના શેરની કિંમત 261.85 રૂપિયા નક્કી કરવામાં આવી હતી, જે અપેક્ષા કરતાં ઘણી વધારે હતી. આ પછી, કંપનીનું મૂલ્ય આશરે $ 20 બિલિયન આંકવામાં આવ્યું છે. આ અંદાજિત કિંમત કંપનીને મૂલ્યાંકનની દ્રષ્ટિએ કોલ ઈન્ડિયા, ઈન્ડિયન ઓઈલ જેવી તમામ મોટી કંપનીઓ કરતાં આગળ લઈ જાય છે.
ડિમર્જર પછી, 20 જુલાઈ, 2023 થી, Jio Financial Services Limited રિલાયન્સની નવી કંપની બની ગઈ છે. ગયા મહિને રિલાયન્સે તેની ફાઇનાન્શિયલ સર્વિસ કંપની રિલાયન્સ સ્ટ્રેટેજિક ઇન્વેસ્ટમેન્ટ્સ લિમિટેડને ડિમર્જ કરી અને તેનું નામ બદલીને Jio Financial Services Ltd કરી દીધું હતું.
મુકેશ અંબાણીએ આ પ્લાન જણાવ્યો હતો
RILના સંકલિત વાર્ષિક અહેવાલ 2022-23માં અંબાણીએ જણાવ્યું હતું કે Jio Financial Servicesનો હેતુ સરળ, સસ્તું અને નવીન ડિજિટલ-ફર્સ્ટ સોલ્યુશન્સ પ્રદાન કરવાનો છે. આજનું ભારત અભૂતપૂર્વ ગતિએ ડિજિટલ ફાઇનાન્સ અપનાવી રહ્યું છે. તેમણે કહ્યું કે જન ધન ખાતા, ડિજિટલ પેમેન્ટ, સ્માર્ટફોનનો ઉપયોગ અને ઓછી કિંમતના ડેટા દ્વારા દેશના દરેક ખૂણામાં ડિજિટલ ક્રાંતિ પ્રવેશી છે.
હિતેશ કુમાર સેઠી MD અને CEO તરીકે નવા યુનિટના વડા રહેશે. આરએસઆઈએલ બોર્ડે 6 જુલાઈ, 2028 સુધીના પાંચ વર્ષના સમયગાળા માટે રાજીવ મેહર્ષિ, સુનીલ મહેતા અને બિમલ મનુ તન્નાની વધારાના ડિરેક્ટર તરીકે નિમણૂકને પણ મંજૂરી આપી છે. બોર્ડે મુકેશ અંબાણીની પુત્રી ઈશા અંબાણી (Isha Ambani) ને નોન એક્ઝિક્યુટિવ ડિરેક્ટર તરીકે નિયુક્ત કર્યા છે.
