LIC Policy: વીમા ક્ષેત્રની દિગ્ગજ કંપની LIC એ આજે ગેરેન્ટેડ રિટર્ન સ્કીમ (Guaranteed return scheme) લોન્ચ કરી છે. આ યોજનાનું નામ જીવન ઉત્સવ પ્લાન (Jeevan Utsav Plane) છે. એલઆઈસીએ એક નિયમનકારી ફાઈલિંગમાં જણાવ્યું હતું કે, તે નોન-લિંક્ડ, નોન-પાર્ટીસિપેટીંગ, વ્યક્તિગત, બચત અને સંપૂર્ણ જીવન વીમા પોલિસી છે. આ યોજનામાં, પસંદ કરેલ પ્રીમિયમ (premium) ચૂકવણીની મુદત (નિયમિત આવકથી ફ્લેક્સી આવક) પર આધાર રાખીને, ચોક્કસ સંખ્યાના વર્ષો પછી દર વર્ષે વીમા રકમના 10% પરત કરવામાં આવે છે.
આ સમાચાર પણ વાંચો : ક્યારથી થાય છે માર્ગશીર્ષ મહિનાનો પ્રારંભ? જાણો શુભ મુહૂર્ત, તિથિ અને ગ્રહ અંગેની માહિતી!
લોન, પ્રી-મેચ્યોર જેવી અનેક સુવિધાઓનો વિકલ્પ
એલઆઈસીના ચેરમેન સિદ્ધાર્થ મોહંતીએ એક ઈન્ટરવ્યુમાં જણાવ્યું હતું કે, પોલિસીધારકો પોલિસી પરિપક્વ થયા પછી વીમાની રકમના 10 ટકાનો લાઇફ લોન્ગ લાભ મેળવી શકે છે. જીવન ઉત્સવ પોલિસી માર્કેટમાં હલચલ મચાવવા માટે તૈયાર છે. 20-25 વર્ષના સમયગાળામાં પારદર્શક ખર્ચ માળખું અને વળતરની શોધમાં રોકાણકારો માટે તે યોગ્ય છે. આ સિવાય તેમનું કહેવું છે કે આ પ્રોડક્ટમાં પોલિસીધારકને લોન, પ્રી-મેચ્યોર વગેરે જેવી ઘણી સુવિધાઓનો વિકલ્પ પણ મળશે. આ યોજના પોલિસીધારકને લાઇફ લોન્ગ વીમા કવરેજ પ્રદાન કરે છે. જ્યારે કવર શરૂ થાય ત્યારે પોલિસીધારકે બે વિકલ્પોમાંથી પસંદગી કરવાની હોય છે. આ વિકલ્પોના વિવિધ ફાયદા છે. વિકલ્પ I – નિયમિત આવક લાભ. વિકલ્પ II – ફ્લેક્સી આવક લાભ.
Disclaimer : Except for the headline, this story has not been edited by News Continuous staff and is published from a syndicated feed.
