News Continuous Bureau | Mumbai
Market Wrap : આ કારોબારી સપ્તાહના અંતે ધનતેરસ અને દિવાળીનો તહેવાર આવી રહ્યો છે. દરમિયાન આજે, આ તહેવારોના સપ્તાહની બજારમાં ધમાકેદાર શરૂઆત થઈ છે. રોકાણકારોની ( investors ) જોરદાર ખરીદીને કારણે ભારતીય શેરબજારમાં ( Indian stock market ) અદભૂત તેજી જોવા મળી છે અને સેન્સેક્સ ( Sensex ) 595 પોઈન્ટના ઉછાળા સાથે બંધ થયો છે. બજારમાં આ વધારો બેન્કિંગ, એનર્જી અને આઈટી શેરોમાં ( IT stocks ) ખરીદીને કારણે થયો છે.
શાનદાર તેજી સાથે બંધ થયું માર્કેટ
આજના કારોબારના અંતે BSE સેન્સેક્સ 595 પોઈન્ટના ઉછાળા સાથે 64,959 પોઈન્ટની સપાટીએ બંધ રહ્યો છે જ્યારે નેશનલ સ્ટોક એક્સચેન્જનો નિફ્ટી ( nifty ) 181 પોઈન્ટના ઉછાળા સાથે 19,412 પોઈન્ટની સપાટીએ બંધ રહ્યો છે .
આ છે ક્ષેત્રની સ્થિતિ
આજના કારોબારમાં બેન્કિંગ શેરોમાં ખરીદીને કારણે બેન્ક નિફ્ટી 301 પોઈન્ટના ઉછાળા સાથે 43,619 પોઈન્ટ પર બંધ થયો હતો. આજના કારોબારમાં ઓટો, આઈટી, ફાર્મા, એફએમસીજી, મેટલ્સ, એનર્જી, ઈન્ફ્રા, હેલ્થકેર, ઓઈલ એન્ડ ગેસ સેક્ટરના ઈન્ડેક્સ ઉછાળા સાથે બંધ થયા છે. જ્યારે આજના કારોબારમાં માત્ર PSU બેંકોના શેરોના ઈન્ડેક્સ અને કન્ઝ્યુમર ડ્યુરેબલ્સ શેરોના ઈન્ડેક્સ લાલ નિશાનમાં બંધ થયા હતા. આજના કારોબારમાં મિડ-કેપ અને સ્મોલ-કેપ શેરોમાં ખરીદીને કારણે ઈન્ડેક્સ ફરીથી વધારા સાથે બંધ થયો. સેન્સેક્સના 30 શેરોમાંથી 26 શેર ઉછાળા સાથે અને 4 નુકસાન સાથે બંધ થયા હતા. જ્યારે નિફ્ટીના 50 શૅર્સમાંથી 44 શૅર ઉછાળા સાથે અને 6 ઘટાડાની સાથે બંધ થયા હતા.
આ સમાચાર પણ વાંચો : Deepfake Video: અભિનેત્રી રશ્મિકાના ‘ડીપફેક’ વીડિયો મુદ્દે મોદી સરકાર આકરા પાણીએ, હવે આ IT નિયમો હેઠળ થશે કાર્યવાહી..
રોકાણકારોની સંપત્તિમાં રૂ. 3 લાખ કરોડનો વધારો
શેરબજારમાં અદભૂત ઉછાળાને કારણે રોકાણકારોની સંપત્તિમાં ભારે વધારો થયો છે. BSE પર લિસ્ટેડ શેરોનું માર્કેટ કેપિટલાઇઝેશન રૂ. 318.17 લાખ કરોડ પર બંધ થયું છે, જે અગાઉના સત્રમાં રૂ. 315.17 લાખ કરોડ હતું. આજના વેપારમાં માર્કેટ કેપિટલાઇઝેશનમાં રૂ. 3 લાખ કરોડનો ઉછાળો આવ્યો છે.
