News Continuous Bureau | Mumbai
RBI Penalty: રિઝર્વ બેંકે ફાઇનાન્સ સેક્ટર સાથે સંબંધિત ત્રણ કંપનીઓ સામે હવે કાર્યવાહી કરી છે. RBIએ જે કંપનીઓ વિરુદ્ધ કાર્યવાહી કરી છે તેમાં ઓલા ફાઇનાન્સિયલ સર્વિસિસ, મણપ્પુરમ ફાઇનાન્સ ( Manappuram Finance ) અને વિઝા છે. આ કાર્યવાહીમાં સેન્ટ્રલ બેંક દ્વારા દંડ પણ ફટકારવામાં આવ્યો છે.
આરબીઆઈએ શુક્રવારે અલગ-અલગ આદેશોમાં આ કાર્યવાહી વિશે માહિતી આપી હતી. આરબીઆઈના આદેશ અનુસાર, ઓલા ફાઈનાન્સિયલ સર્વિસિસ ( Ola Financial Services ) પર 87.50 લાખ રૂપિયાથી વધુનો દંડ ફટકારવામાં આવ્યો છે. એક કેસમાં કંપની પર 33.40 લાખ રૂપિયાનો દંડ ફટકારવામાં આવ્યો છે. આ દંડ કેવાયસીની જોગવાઈઓનું પાલન ન કરવા બદલ લગાવામાં આવ્યો છે. આ ઉપરાંત પેમેન્ટ અને સેટલમેન્ટ સિસ્ટમ સંબંધિત જોગવાઈઓનું પાલન ન કરવાને કારણે 54.15 લાખ રૂપિયાનો બીજો દંડ ફટકારવામાં આવ્યો છે.
RBI Penalty: મણપ્પુરમ ફાઇનાન્સ પર 41.50 લાખ રૂપિયાનો દંડ લગાવ્યો છે..
તેવી જ રીતે રિઝર્વ બેંકે મણપ્પુરમ ફાઇનાન્સ પર 41.50 લાખ રૂપિયાનો દંડ લગાવ્યો છે. મણપ્પુરમ ફાઇનાન્સ સામેની કાર્યવાહી KYC ધોરણોનું પાલન ન કરવાના કારણે કરવામાં આવી છે. આરબીઆઈએ કહ્યું છે કે મણપ્પુરમ ફાયનાન્સ તેના દ્વારા KYC પર જારી કરાયેલ જોગવાઈઓનું યોગ્ય રીતે પાલન કરવામાં નિષ્ફળ ગયું છે. આ જ કારણોસર RBIએ આ ફાયનાન્સ કંપની પર હવે દંડ લગાવવાનો નિર્ણય લીધો છે.
આ સમાચાર પણ વાંચો : SEBI Action: સેબીએ HSBC એસેટ મેનેજમેન્ટ કપંની સામે રેકોર્ડમાં અનિયમિતતા મામલે કડક પગલા લેતા લાખોનો દંડ ફટકાર્યો.. જાણો વિગતે..
આ બાદ વિઝા ( Visa ) પર સૌથી ભારે દંડ ફટકારવામાં આવ્યો છે. રિઝર્વ બેંકે બહુરાષ્ટ્રીય પેમેન્ટ પ્રોસેસિંગ કંપની વિઝા પ્રાઈવેટ લિમિટેડ પર રૂ. 2.4 કરોડનો દંડ ફટકાર્યો છે. વિઝા પર રિઝર્વ બેંકની રેગ્યુલેટરી મંજૂરી વગર પેમેન્ટ ઓથેન્ટિકેશન સોલ્યુશનનો અમલ કરવાનો આરોપ હતો.
વિઝાએ રિઝર્વ બેંકની આ કાર્યવાહી બાદ એક નિવેદનમાં જણાવ્યું હતું કે તે તેના તમામ દેશોની કામગીરીના અનુપાલન માર્ગદર્શિકા, નિયમો અને સ્થાનિક નિયમોનું સન્માન કરે છે અને તેનું પાલન કરે છે. આરબીઆઈ દ્વારા લેવામાં આવેલા પગલાને સ્વીકારતા, કંપનીએ નિવેદન આપતા કહ્યું હતું કે, તે ભારતીય રિઝર્વ બેંક દ્વારા નિર્ધારિત નિયમો અને શરતોનું પાલન કરશે અને સુરક્ષિત ચુકવણી ઉકેલો પ્રદાન કરવાનું આગળ પણ ચાલુ રાખશે.
