Xiaomiએ ભારતીય બજારમાં એક નવું પ્રોડક્ટ લોન્ચ કરી છે. આ પ્રોડક્ટ ખૂબ ઉપયોગી થઈ શકે છે. કંપનીએ રેડમી રાઈટિંગ પેડ લોન્ચ કર્યું છે. તે Redmi Pad જેવું એન્ડ્રોઇડ ટેબલેટ નથી, પરંતુ એક રાઇટિંગ સ્લેટ છે જે મોટી સ્ક્રીન સાથે આવે છે. આ પેડનો ઉપયોગ નોટ બનાવવા અથવા ડૂડલ બનાવવા માટે પણ થઈ શકે છે.
Redmi રાઈટિંગ પેડ (Redmi Writing Pad)માં 8.5 ઈંચની એલસીડી ડિસ્પ્લે આપવામાં આવી છે. ડિસ્પ્લે વિશે, Xiaomiએ દાવો કર્યો છે કે આ પેડનો લાંબા સમય સુધી ઉપયોગ કર્યા પછી પણ આંખો પર કોઈ તણાવ નહીં આવે. આ પેડ સાથે એક પેન આપવામાં આવી છે, જેથી યુઝર્સ પેડ પર અલગ-અલગ સ્ટ્રોક સાઈઝમાં કંઈપણ લખી અને દોરી શકે. આ પોર્ટેબલ પેડ એકદમ હલકું છે. તેનું કુલ વજન 90 ગ્રામ છે, જેને તમે તમારી સાથે ગમે ત્યાં લઈ જઈ શકો છો.
આ સમાચાર પણ વાંચો : દિવાળીની ઉજવણી પડશે ફિક્કી- મુંબઈ શહેરમાં આ તારીખથી ધારા 144 લાગુ-પાંચથી વધુ લોકો ભેગા થયા તો પોલીસ લેશે એક્શન
Redmi રાઈટિંગ પેડની નીચેની ફરસીમાં એક બટન જોવા મળે છે, જેને ટેપ કરીને વપરાશકર્તાઓ પેડ પરની સામગ્રી અને ડૂડલ્સને ભૂંસી શકે છે અને ફરી બીજી ક્રિએટીવિટી માટે પેડને સંપૂર્ણપણે ખાલી છોડી શકે છે. આ સિવાય નીચેની તરફ લોક સ્વીચ પણ આપવામાં આવી છે, જેના દ્વારા યુઝર્સ પેડને લોક કરી શકે છે.
Redmi રાઈટિંગ પેડની બેટરી લાઇફ વિશે વાત કરીએ તો, તમે એક બદલી શકાય તેવી બેટરી સાથે પેડ પર 20,000 પેજ લખી શકો છો. આ રાઇટિંગ પેડ ખાસ કરીને નાના બાળકોને ધ્યાનમાં રાખીને રજૂ કરવામાં આવ્યું છે. તેનો ઉપયોગ 6 વર્ષ અને તેથી વધુ ઉંમરના બાળકો દ્વારા કરી શકાય છે. જો તમારા ઘરમાં નાના બાળકો છે તો તમે તેમને આ પેડ આપી શકો છો. આ તેમને સર્જનાત્મક બનાવવા માટે સેવા આપશે.
આ સમાચાર પણ વાંચો : મુંબઈ શહેરમાં ફરી મેઘરાજાએ બોલાવી ધડબડાટી- આ વિસ્તારોમાં ભારે વરસાદ
આ રેડમી રાઈટિંગ પેડની કિંમત ભારતીય બજારમાં માત્ર 599 રૂપિયા છે. તમે તેને Xiaomi India ની વેબસાઇટ પરથી ખરીદી શકો છો. જો કે તેમાં ઘણા કલર ઓપ્શન જોવા મળ્યા નથી. તે માત્ર બ્લેક કલરમાં ઉપલબ્ધ છે.
