News Continuous Bureau | Mumbai
Reliance Independence Biscuits Launch ભારતીય એફએમસીજી (FMCG) ક્ષેત્રમાં ઝડપથી પગપેસારો કરી રહેલી રિલાયન્સ કન્ઝ્યુમર પ્રોડક્ટ્સ લિમિટેડે (Reliance Consumer Products Limited RCPL) હવે દેશના વિશાળ બિસ્કિટ બજારમાં સત્તાવાર પ્રવેશ કર્યો છે. કંપનીએ પોતાની લોકપ્રિય બ્રાન્ડ ‘ઇન્ડિપેન્ડન્સ’ (Independence Brand) હેઠળ તમિલનાડુના ચેન્નઈથી (Chennai, Tamil Nadu) બિસ્કિટ્સના પોર્ટફોલિયોની શરૂઆત કરી છે. રિલાયન્સે દરેક વર્ગના ગ્રાહકોને ધ્યાનમાં રાખીને ₹૫ના નાના સેચેથી લઈને ₹૧૨૫ સુધીના ફેમિલી પેક્સમાં (Value Packs) ૯ અલગઅલગ પ્રોડક્ટ્સ અંતર્ગત ૨૮ નવા એસકેયુ (Stock Keeping Units SKUs) રજૂ કર્યા છે. આ નવા આક્રમક પગલાં સાથે રિલાયન્સ હવે સ્થાપિત બ્રાન્ડ્સ સામે સીધી સ્પર્ધામાં ઉતરી છે.
Reliance Independence Biscuits Launch – ‘દરેક ગ્રાહક, દરેક પ્રસંગ’ મંત્ર સાથે ₹૫ થી ₹૧૨૫ સુધીની પ્રાઈસ રેન્જ
રિલાયન્સ કન્ઝ્યુમર પ્રોડક્ટ્સના ઉચ્ચ અધિકારીઓના જણાવ્યા અનુસાર, કંપની ‘ઇચ કન્ઝ્યુમર, ઇચ ઓકેઝન’ (Each Consumer, Each Occasion) ફિલસૂફી પર કામ કરી રહી છે. આ પોર્ટફોલિયોમાં ગ્લુકોઝ, ક્રીમ, મેરી, કૂકીઝ અને ક્રેકર્સ જેવી વિવિધ કેટેગરીના બિસ્કિટ્સનો સમાવેશ કરવામાં આવ્યો છે. સામાન્ય મધ્યમવર્ગીય અને ગ્રામીણ ગ્રાહકો માટે ₹૫ અને ₹૧૦ ના અફોર્ડેબલ પેક્સ તૈયાર કરવામાં આવ્યા છે, જ્યારે સુપરમાર્કેટ અને પ્રીમિયમ ગ્રાહકો માટે ₹૭૫ થી ₹૧૨૫ સુધીના વિશાળ વેલ્યુ પેક્સ લોન્ચ કરાયા છે. કંપનીનું લક્ષ્ય સામાન્ય ચા-સ્ટોલથી લઈને મોટા મોલ્સ સુધી બિસ્કિટની વિશાળ શ્રેણી ઉપલબ્ધ કરાવીને માર્કેટ હિસ્સેદારી વધારવાનું છે.
Reliance Independence Biscuits Launch – ‘ઇન્ડિપેન્ડન્સ પાવર અપ’ અને અજિત કુમાર રેસિંગ સાથે જોડાણ
બ્રાન્ડની લોકપ્રિયતા અને વિઝિબિલિટી (Brand Visibility) વધારવા માટે રિલાયન્સે પ્રખ્યાત દક્ષિણ ભારતીય અભિનેતા અને રેસર સાથે જોડાયેલી સ્પોર્ટ્સ ટીમ ‘અજિત કુમાર રેસિંગ’ (Ajith Kumar Racing) સાથે વિશેષ જોડાણ કર્યું છે. આ ભાગીદારી હેઠળ ‘ઇન્ડિપેન્ડન્સ પાવર અપ’ (Independence Power Up) નામના એનર્જી અને ગ્લુકોઝ બિસ્કિટ ખાસ લોન્ચ કરવામાં આવ્યા છે. યુવા વર્ગ અને રમતગમતના શોખીનોને આકર્ષવા માટે મોટરસ્પોર્ટ અને હાઈ-પરફોર્મન્સ થીમ આધારિત માર્કેટિંગ કેમ્પેઈન ચલાવવામાં આવશે. આ ઉપરાંત કંપનીએ શ્રીલંકાની જાણીતી બિસ્કિટ ઉત્પાદક માલિબાન (Maliban) સાથેની ભાગીદારીનો લાભ લઈને ઉત્પાદનોની ગુણવત્તામાં આંતરરાષ્ટ્રીય ધોરણો જાળવ્યા છે.
Reliance Independence Biscuits Launch – સ્થાનિક કરિયાણાથી લઈને ઈ-કોમર્સ પ્લેટફોર્મ્સ સુધી મજબૂત વિતરણ નેટવર્ક
રિલાયન્સે પોતાના બિસ્કિટ્સના વેચાણ માટે જંગી ડિસ્ટ્રિબ્યુશન નેટવર્ક (Distribution Network) સક્રિય કર્યું છે. આ ઉત્પાદનો માત્ર રિલાયન્સ રિટેલના પોતાના સ્ટોર્સ પૂરતા સીમિત નહીં રહે, પરંતુ જનરલ ટ્રેડ (General Trade – સ્થાનિક કરિયાણાની દુકાનો), નેશનલ અને રિજનલ મોર્ડન ટ્રેડ, જથ્થાબંધ વેપારીઓ અને ઓનલાઈન ઈ-કોમર્સ (E-Commerce) પ્લેટફોર્મ્સ પર પણ ઉપલબ્ધ કરાવવામાં આવશે. તમિલનાડુમાં સફળ લોન્ચિંગ બાદ કંપની આગામી સમયમાં ગુજરાત, મહારાષ્ટ્ર અને ઉત્તર ભારતના રાજ્યો સહિત દેશભરમાં આ પ્રોડક્ટ લાઇનનું વિસ્તરણ કરશે, જે એફએમસીજી માર્કેટમાં સ્પર્ધાને વધુ રોમાંચક બનાવશે.
