રિલાયન્સ રિટેલ વેન્ચર્સની FMCG કંપની રિલાયન્સ કન્ઝ્યુમર પ્રોડક્ટ્સ લિમિટેડે સોફ્ટ ડ્રિંક બ્રાન્ડ કેમ્પા લોન્ચ કરી છે. હાલમાં, રિલાયન્સ રિટેલે તેના કેમ્પા પોર્ટફોલિયોમાં પ્રથમ ત્રણ ફ્લેવર્સ લોન્ચ કર્યા છે, જેમાં કેમ્પા કોલા, કેમ્પા લેમન અને કેમ્પા ઓરેન્જ શામેલ છે. રિલાયન્સ રિટેલની કેમ્પા બ્રાંડના ફરીથી લોન્ચ થયા પછી, પેપ્સી અને કોકા-કોલા સૌથી મોટા પડકારનો સામનો કરવા જઈ રહી છે.
ઓગસ્ટ 2022માં, રિલાયન્સ રિટેલે તેના FMCG બિઝનેસને વેગ આપવા માટે સોફ્ટ ડ્રિંક બ્રાન્ડ કેમ્પા ખરીદી. કેમ્પાની સાથે કંપનીએ પ્યોર ડ્રિંક્સ ગ્રૂપ પાસેથી સોસ્યો બ્રાન્ડ પણ ખરીદી છે. રિલાયન્સ રિટેલે કેમ્પા બ્રાન્ડને હસ્તગત કર્યાના છ મહિના પછી જ તેને ફરીથી બજારમાં લોન્ચ કરી રહી છે. 70 અને 80ના દાયકામાં, કેમ્પા દેશના પીણા બજારની સૌથી મોટી કંપનીઓમાંની એક હતી. પરંતુ 90ના દાયકામાં તે કોકા-કોલા અને પેપ્સીના પડકાર સામે ટકી શક્યું નહીં.
રિલાયન્સ કન્ઝ્યુમર પ્રોડક્ટ્સ લિમિટેડે કેમ્પા બ્રાન્ડના પુનઃલોન્ચ પર જણાવ્યું હતું કે, બ્રાન્ડનું લોન્ચિંગ કંપનીની વ્યૂહરચના સાથે સુસંગત છે, જે સ્વદેશી ભારતીય બ્રાન્ડ્સને પ્રોત્સાહન આપે છે, જે ન માત્ર સમૃદ્ધ વારસો ધરાવે છે પરંતુ તેના અનન્ય સ્વાદ અને ફ્લેવર માટે પણ જાણીતી છે. આ કારણે ભારતીય ઉપભોક્તા સાથે તેનું ગાઢ જોડાણ છે.
આ સમાચાર પણ વાંચો : હાશ.. મુંબઈમાં ક્લીન અપ માર્શલોની દાદાગીરી ખતમ, પાલિકાએ હવે શહેરને સ્વચ્છ રાખવાની જવાબદારી આ લોકોને સોંપી..
ગયા વર્ષે, 29 ઓગસ્ટ, 2022 ના રોજ, રિલાયન્સ ઇન્ડસ્ટ્રીઝની એજીએમને સંબોધિત કરતી વખતે, રિલાયન્સ રિટેલના ડિરેક્ટર ઇશા અંબાણીએ એફએમસીજી બિઝનેસમાં પ્રવેશવાની જાહેરાત કરી હતી અને તેની જાહેરાતના બે દિવસ પછી જ કેમ્પા બ્રાન્ડનું સંપાદન સામે આવ્યું હતું. તમને જણાવી દઈએ કે દેશમાં FMCG સેક્ટરનું મૂલ્ય આશરે $110 બિલિયન હોવાનો અંદાજ છે.
