News Continuous Bureau | Mumbai
Jio Mega IPO Fully Subscribed On Day 1 ભારતીય શેરબજારના ઇતિહાસમાં સૌથી મોટો ગણાતો રિલાયન્સ ઇન્ડસ્ટ્રીઝની ડિજિટલ પાંખ જિયો પ્લેટફોર્મ્સનો (Jio Platforms) ₹૩૦,૨૧૩ કરોડનો પ્રારંભિક જાહેર ભરણા (IPO) પહેલા જ દિવસે નવા રેકોર્ડ સર્જતો જોવા મળ્યો છે; બુધવારે બિડિંગ શરૂ થવાના ગણતરીના કલાકોમાં ક્વોલિફાઇડ ઇન્સ્ટીટ્યુશનલ બાયર્સની (QIB) અભૂતપૂર્વ લેવાલીના પગલે આ વિશાળકાય પબ્લિક ઇશ્યુ ૧.૧૪ ગણો સબસ્ક્રાઇબ થઈને સંપૂર્ણ ભરાઈ ગયો છે, જ્યારે ગ્રે માર્કેટમાં પણ આ શેરે જોરદાર તેજીની પકડ જાળવી રાખી છે.
Jio Mega IPO Fully Subscribed On Day 1 – ક્યુઆઈબી કેટેગરીમાં ભારે ધસારો, ઈશ્યુ ૧.૧૪ ગણો સબસ્ક્રાઇબ
શેરબજારના અધિકૃત ડેટા અનુસાર, જિયો પ્લેટફોર્મ્સના કુલ ૧૯.૭૫ કરોડ શેર્સની ઓફર સામે સવારના ૧૦:૪૪ વાગ્યા સુધીમાં જ ૨૨.૫૮ કરોડથી વધુ શેર્સ માટે બિડ નોંધાઈ ચૂકી હતી. જેમાં ક્યુઆઈબી (QIB) પોર્શન સૌથી વધુ ૩.૬૮ ગણો છલકાયો હતો. બિન-સંસ્થાકીય રોકાણકારો (NII) કેટેગરીમાં ૦.૨૮ ગણો અને રિટેલ રોકાણકારોની કેટેગરીમાં ૦.૨૬ ગણું સબસ્ક્રિપ્શન નોંધાયું હતું. પ્રથમ દિવસની શરૂઆતમાં જ ₹૨૫,૨૬૫ કરોડથી વધુ મૂલ્યની બિડ્સ સાથે ૧૦.૧૭ લાખથી વધુ અરજીઓ આવી ચૂકી છે. આ અગાઉ કંપનીએ એન્કર ઇન્વેસ્ટર્સ પાસેથી ₹૮,૧૧૦ કરોડ એકત્ર કર્યા હતા, જેમાં ₹૨.૫ લાખ કરોડથી વધુની જંગી માંગ જોવા મળી હતી.
Jio Mega IPO Fully Subscribed On Day 1 – ગ્રે માર્કેટ પ્રીમિયમ (GMP) વધીને ₹૨૭૬ એ પહોંચ્યું
આઈપીઓ ખૂલવાની સાથે જ અનઓફિશિયલ ગ્રે માર્કેટમાં જિયોના શેર્સની ભારે માંગ જોવા મળી રહી છે. કંપનીનો જીએમપી (Grey Market Premium) ₹૨૪૫ થી વધીને ₹૨૭૬ ની સપાટીએ પહોંચી ગયો છે. ₹૧,૦૬૫ થી ₹૧,૧૧૯ ની પ્રાઇસ બેન્ડના અપર લેવલ મુજબ ગણતરી કરીએ તો લિસ્ટિંગના દિવસે આ શેર અંદાજે ₹૧,૩૯૫ ના ભાવે ખૂલવાના સંકેતો મળી રહ્યા છે, જે રોકાણકારોને પ્રથમ દિવસે જ લગભગ ૨૪.૬૬ ટકા સુધીનો સંભવિત લિસ્ટિંગ નફો કરાવી શકે છે. જોકે, ગ્રે માર્કેટના આંકડા અનૌપચારિક હોવાથી બજારના વાસ્તવિક લિસ્ટિંગ પર આધાર રાખશે.
👉 આ સમાચાર વાચો:
Harmanpreet Kaur Emotional Interview માઇક ફેંક્યું અને ચોધાર આંસુએ રડી પડી કેપ્ટનશીપ છોડ્યા બાદ હરમનપ્રીત કૌરનો પહેલો ઇન્ટરવ્યુ, થઈ ગઈ ભાવુક.. જુઓ
