News Continuous Bureau | Mumbai
Share Market crash : લોકસભા ચૂંટણીના પરિણામોના ટ્રેન્ડને કારણે આજે એટલે કે 4 જૂને સેન્સેક્સ લગભગ 4000 પોઈન્ટના ઘટાડા સાથે 72,000ની નીચે ટ્રેડ કરી રહ્યો છે. તે જ સમયે, નિફ્ટીમાં લગભગ 1300 પોઈન્ટનો ઘટાડો જોવા મળી રહ્યો છે, તે 21,990 ના સ્તર પર કારોબાર કરી રહ્યો છે.
Share Market crash : મોટા કડાકા સાથે બંધ થયું માર્કેટ
આજે લોકસભા ચૂંટણીના પરિણામોના દિવસે, સેન્સેક્સ 4389 પોઇન્ટ અથવા 5.74%ના ઘટાડા સાથે 72,079 પર બંધ થયો છે. તે જ સમયે, નિફ્ટી પણ 1,379 પોઈન્ટ્સ અથવા 5.93% ઘટીને 21,884 ના સ્તરે બંધ રહ્યો છે.
દિવસના કારોબારમાં BSE સેન્સેક્સ એકવાર 6100 પોઈન્ટ ઘટીને 70,300ની નીચી સપાટીએ પહોંચ્યો હતો. એ જ રીતે નેશનલ સ્ટોક એક્સચેન્જનો નિફ્ટી બપોરે 12.00 વાગ્યાની આસપાસ 21285ની નીચી સપાટીએ પહોંચ્યો હતો. મંગળવારે શેરબજારમાં કામકાજમાં 80 ટકા કંપનીઓના શેર નબળાઈ પર કામ કરી રહ્યા હતા.
Share Market crash : ટોપ લૂઝરની શ્રેણીમાં અદાણી પોર્ટ્સ
મંગળવારે શેરબજારમાં ભારે ઘટાડા છતાં હિંદુસ્તાન યુનિલિવર, બ્રિટાનિયા, હીરો મોટોકોર્પ, નેસ્લે ઈન્ડિયા, ટાટા કન્ઝ્યુમર, સિપ્લા અને ટીસીએસના શેરમાં વધારો નોંધાયો હતો, જ્યારે ટોપ લૂઝરની શ્રેણીમાં અદાણી પોર્ટ્સ 21 ટકા, અદાણી એન્ટરપ્રાઇઝ 20 ટકા, ઓએનજીસી 17 ટકા, એનટીપીસીનો શેર 15 ટકા, એસબીઆઈ 14 ટકા, કોલ ઈન્ડિયા 14 ટકા અને લાર્સન એન્ડ ટુબ્રોના શેર લગભગ 13 ટકા ઘટ્યા હતા.
આ સમાચાર પણ વાંચો: ભાજપ ટેન્શનમાં તો કોંગ્રેસ એક્શનમાં, PM મોદીએ ટીડીપીના વડા ચંદ્ર બાબુ નાયડુ સાથે તો શરદ પવારે નીતીશ કુમાર સાથે કરી વાત..
આજના ઘટાડાને કારણે રોકાણકારોને ભારે નુકસાન થયું છે અને BSE MCap અનુસાર તેમની લગભગ 40 લાખ કરોડ રૂપિયાની સંપત્તિ ધોવાઈ ગઈ છે. ખાસ વાત એ છે કે શેરબજારમાં આવેલો આ મોટો ઘટાડો દેશમાં કોરોના મહામારીના પ્રકોપ દરમિયાન થયેલા ઘટાડા કરતા પણ મોટો છે. તે સમયે સેન્સેક્સ લગભગ 6 ટકા ઘટ્યો હતો અને મંગળવારે સેન્સેક્સ 7.97 ટકા ઘટ્યો હતો, જ્યારે NIFTY 50 8.37 ટકા ઘટ્યો હતો..
