News Continuous Bureau | Mumbai
Tata Group: ટાટા ગ્રુપે તેના સેમિકન્ડક્ટર પ્લાન્ટ ( Semiconductor plant ) પર કામ શરૂ કર્યું છે. કંપનીએ સેમિકન્ડક્ટર પ્લાન્ટ માટે આસામ સરકાર સાથે 60 વર્ષના લીઝ કરાર પર હસ્તાક્ષર કર્યા છે. આ પ્લાન્ટ મોરીગાંવ જિલ્લાના જાગીરોડમાં બનવા જઈ રહ્યો છે. ટાટા ગ્રુપ આ પ્લાન્ટ પર લગભગ 27000 કરોડ રૂપિયાનું રોકાણ કરવા જઈ રહ્યું છે. આનાથી આસામમાં લગભગ 30,000 નોકરીઓનું સર્જન થવાની અપેક્ષા છે. તેથી હવે આ પ્લાન્ટ આસામ સહિત પૂર્વોત્તર રાજ્યો માટે ઘણી મોટી તકો લઈને આવવા જઈ રહ્યો છે.
રિપોર્ટ અનુસાર, ટાટા ગ્રુપના બોર્ડના સભ્ય રંજન બંદોપાધ્યાય અને આસામ ( Assam ) ઈન્ડસ્ટ્રીયલ ડેવલપમેન્ટ કોર્પોરેશન ( AIDC ) મેનેજર અને પ્રોજેક્ટ ઈન્ચાર્જે સબ-રજિસ્ટ્રાર ઓફિસમાં કરાર પર હસ્તાક્ષર કર્યા હતા. આ પ્રસંગે જિલ્લા કમિશનર અને ટાટા જૂથના અન્ય અધિકારીઓ પણ હાજર હતા. ટાટા ગ્રુપે સેમિકન્ડક્ટર સેક્ટરમાં ( Tata Group Semiconductor plant ) ભારતને ઝડપથી આગળ લઈ જવા માટે એક મોટી યોજના બનાવી હતી. આ પ્લાન્ટ જે આસામમાં ( Assam Government ) બનવા જઈ રહ્યો છે તે દિશામાં એક મહત્વપૂર્ણ પગલું છે. આ પ્લાન્ટ પર 27 હજાર કરોડ રૂપિયાનો ખર્ચ થશે, જેનાથી લગભગ 30 હજાર નોકરીઓનું સર્જન થવાની આશા છે.
Tata Group: જે જગ્યાએ આ પ્લાન્ટ બનાવવામાં આવશે, ત્યાં પહેલા હિન્દુસ્તાન પેપર કોર્પોરેશન લિમિટેડનો પ્લાન્ટ હતો….
જે જગ્યાએ આ પ્લાન્ટ બનાવવામાં આવશે, ત્યાં પહેલા હિન્દુસ્તાન પેપર કોર્પોરેશન લિમિટેડનો પ્લાન્ટ હતો. આ પ્લાન્ટનો પ્રથમ તબક્કો 2025ના મધ્ય સુધીમાં શરૂ થશે. ટાટા ગ્રુપે કહ્યું કે આ પ્લાન્ટ આર્ટિફિશિયલ ઈન્ટેલિજન્સ, ઈન્ડસ્ટ્રીયલ અને કન્ઝ્યુમર ઈલેક્ટ્રોનિક્સની માંગને પહોંચી વળવામાં મહત્વની ભૂમિકા ભજવશે. આ પ્લાન્ટ દ્વારા ટાટા ગ્રુપ વાયર બોન્ડ, ફ્લિપ ચિપ અને ઈન્ટિગ્રેટેડ સિસ્ટમ્સ પેકેજિંગ (ISP) ટેક્નોલોજીઓ પર કામ કરશે.
આ સમાચાર પણ વાંચો : China Gdp Growth : ચીનની અર્થવ્યવસ્થા કેમ સતત ઘટી રહી છે? આ છે મુખ્ય કારણ.. જાણો વિગતે.
આસામના મુખ્યમંત્રી હિમંતા બિસ્વા સરમાએ ( Himanta Biswa Sarma ) આ અંગે નિવેદન કહ્યું હતું કે, ટાટા ગ્રુપ સેમિકન્ડક્ટર પ્લાન્ટની નજીક એક કૌશલ્ય વિકાસ કેન્દ્ર પણ ખોલશે. આ કેન્દ્ર દ્વારા, ઉત્તર પૂર્વના યુવાનો પોતાને AI, સેમિકન્ડક્ટર અને ઇલેક્ટ્રોનિક્સ ક્ષેત્રો માટે તૈયાર કરી શકશે. તેમણે જણાવ્યું હતું કે આસામના લગભગ 1500 યુવાનો હાલમાં બેંગલુરુના ટાટા પ્લાન્ટમાં તાલીમ લઈ રહ્યા છે. આ સેમિકન્ડક્ટર પ્લાન્ટ શરૂ થયા બાદ આ યુવાનો નેતૃત્વના હોદ્દા સંભાળશે.
