News Continuous Bureau | Mumbai
Income Tax News: આ વખતે કેન્દ્ર સરકાર (Central Government) ટેક્સમાં મોટો ફેરફાર કરવાની યોજના બનાવી રહી છે, જેના પછી 5 લાખ રૂપિયા સુધીની કમાણી કરનારાઓએ કોઈ ટેક્સ ચૂકવવો પડશે નહીં. નાણા મંત્રી નિર્મલા સીતારમણ (FM Nirmala Sitharaman) આ વખતે બજેટમાં કરદાતા (Taxpayers) ઓને મોટી ભેટ આપવા જઈ રહ્યા છે.
ટેક્સ ફ્રી ઈનકમની વધી શકે છે લિમિટ
હાલમાં 2.5 લાખ રૂપિયા સુધીની વાર્ષિક આવક પર કોઈ ટેક્સ ચૂકવવો પડતો નથી, સરકાર આ મર્યાદા વધારીને 5 લાખ રૂપિયા કરવાની યોજના બનાવી રહી છે. એટલે કે, જો તમારી વાર્ષિક આવક પણ 5 લાખ રૂપિયા છે, તો તમારે કોઈ ટેક્સ ચૂકવવો પડશે નહીં.
સેલેરીડ ક્લાસની અપેક્ષા
ચૂંટણીને ધ્યાનમાં રાખીને સરકાર નોકરીયાત લોકોને આકર્ષવા માટે આ બજેટમાં નવી જાહેરાતો કરી શકે છે. સરકારનું ફોકસ આર્થિક વિકાસ પર ભાર આપવાવાળા બજેટ રજૂ કરવા પર રહેશે. નિષ્ણાતોના મતે, સેલેરીડ ક્લાસ 2023ના બજેટમાં આ આશાઓ કરી શકે છે.
મિડલ ક્લાને મોટી રાહત
સરકાર આ વર્ષે મિડલ ક્લાસને મોટી રાહત આપી શકે છે. આ પહેલા પર્સનલ ટેક્સ છૂટની મર્યાદામાં છેલ્લો ફેરફાર વર્ષ 2014માં કરવામાં આવ્યો હતો.
આ સમાચાર પણ વાંચો:આઈપીએલના પૂર્વ અધ્યક્ષ લલિત મોદી ની તબિયત બગડી, સુષ્મિતા સેનના ભાઈ રાજીવ સેને તેમના સ્વાસ્થ્ય માટે કરી પ્રાર્થના
અરુણ જેટલીએ વધારી હતી લિમિટ
અગાઉ નાણા મંત્રી અરુણ જેટલીએ આ મર્યાદાને 2 લાખ રૂપિયાથી વધારીને 2.5 લાખ રૂપિયા કરવાની જાહેરાત કરી હતી, પરંતુ આ વખતે આ મર્યાદા વધારીને 5 લાખ રૂપિયા કરવામાં આવે તેવી આશા છે.
જાણો શું છે સરકારનો પ્લાન
મીડિયા રિપોર્ટ મુજબ, સરકાર 2 વર્ષ જૂની ટેક્સ સિસ્ટમમાં ટેક્સ મુક્તિ મર્યાદા વધારવા પર વિચાર કરી રહી છે. તેનાથી ટેક્સપેયર્સને રાહત મળશે અને તેમની પાસે રોકાણ માટે વધુ રૂપિયા હશે.
ઉલ્લેખનીય છે કે અગાઉ 2.5 લાખ રૂપિયા સુધીની આવક ધરાવતા લોકોને ટેક્સમાં છૂટ મળતી હતી. જોકે હવે છેલ્લા ઘણા સમયથી આ ટેક્સ સ્લેબમાં વધારાની માગ થઈ રહી હતી. ત્યારે હવે જોવાનું રહ્યું કે મિડલ ક્લાસ વર્ગને બજેટમાં રાહત મળે છે કે નહીં.
