News Continuous Bureau | Mumbai
Genus Power Infrastructures Multibagger Stocks: શેરબજાર (Share Market) માં કેટલાક શેરોએ રોકાણકારોને મલ્ટિબેગર વળતર આપ્યું છે. રોકાણકારોના નાણામાં અનેક ગણો વધારો થયો છે. આવી જ એક કંપની જીનસ પાવર ઇન્ફ્રાસ્ટ્રક્ચર લિમિટેડ (Genus Power Infrastructures Ltd) છે. કંપની સ્માર્ટ ગ્રીડ, ગેસ અને વીજળી મીટરિંગ સેવાઓ પૂરી પાડે છે. છેલ્લા 20 વર્ષમાં આ કંપનીએ રોકાણકારોને લાખોપતિમાંથી કરોડપતિ બનાવ્યા છે. આ દરમિયાન શેરના ભાવમાં 24000 ટકાથી વધુનો વધારો થયો છે. ગુરુવારે (27 જુલાઈ) શેર 4.24 ટકા વધીને રૂ. 183.15 પર બંધ થયો હતો.
જીનસ પાવરે તાજેતરમાં સ્ટોક એક્સચેન્જોને જાણ કરી હતી કે તેણે જીનસ મિઝોરમ SPV પ્રાઇવેટ લિમિટેડ (Genus Mizoram SPV Ltd) નામની સંપૂર્ણ માલિકીની પેટાકંપનીની સ્થાપના કરી છે. આ પછી જ તેના શેરમાં જોરદાર તેજી જોવા મળી રહી છે.
આ સમાચાર પણ વાંચો : Bus Accident: મહારાષ્ટ્રના બુલઢાણા જિલ્લામાં 2 ખાનગી ટ્રાવેલ્સ વચ્ચે ભયંકર અકસ્માત… 6 મુસાફરોના ઘટનાસ્થળે જ મોત.. 30 ઘાયલ.. જાણો સમગ્ર ઘટના અહીં…..
જીનસ પાવરના શેરનું પ્રદર્શન
જીનસ પાવરનો શેર 27 જુલાઈએ BSE પર રૂ. 183.15 પર બંધ થયો હતો. શેર છેલ્લા એક મહિનામાં 57 ટકા વધ્યો છે અને છેલ્લા વર્ષમાં 133 ટકા વધ્યો છે. તેનો અર્થ એ છે કે જો કોઈ રોકાણકારે ગયા વર્ષે કંપનીના શેર ખરીદ્યા હોત, તો તે બમણાથી વધુ થઈ ગયા હોત. ઉપરાંત, આ શેરે છેલ્લા 3 વર્ષમાં લગભગ 667 ટકાનું મલ્ટિબેગર રિટર્ન આપ્યું છે.
જો કોઈ રોકાણકારે આ સ્ટૉકમાં 20 વર્ષ પહેલાં રૂ. 1 લાખનું રોકાણ કર્યું હોત અને તે રોકાણ આજ સુધી જાળવી રાખ્યું હોત, તો તેના રૂ. 1 લાખનું મૂલ્ય લગભગ 24,320 ટકા વધીને રૂ. 2.44 કરોડ થયું હોત. બીજી તરફ, જો કોઈ રોકાણકારે તે સમયે આ સ્ટોકમાં માત્ર 42,000 રૂપિયાનું રોકાણ કર્યું હોય અને તે આજ સુધી જાળવી રાખ્યુ હોત, તો તે 1 લાખ રૂપિયાની કિંમત આજે 1 કરોડ 2 લાખ રૂપિયા હોત.
