News Continuous Bureau | Mumbai
US Russia Oil Tariff Cut Updates ઈરાન સાથે વધી રહેલા ભીષણ સૈન્ય સંઘર્ષ અને યુદ્ધની સ્થિતિ વચ્ચે અમેરિકાથી ભારત અને ચીન માટે એક ખુબ જ રાહત આપનારા સમાચાર આવ્યા છે. યુએસ સેનેટે (US Senate) રશિયા પર આર્થિક પ્રતિબંધો લગાવવા સંબંધિત એક મહત્વપૂર્ણ વિધેયક (બિલ) માં મોટો સુધારો મંજૂર કર્યો છે. આ નવા સુધારા હેઠળ રશિયા પાસેથી કૂડ ઓઈલ અને ગેસ ખરીદનારા દેશો પર લાદવામાં આવનારા પ્રસ્તાવિત ટેરિફમાં (Tariff) મોટો ઘટાડો કરવામાં આવ્યો છે, જેનાથી રશિયન ઓઈલના સૌથી મોટા આયાતકાર એવા ભારત અને ચીન પરનું વૈશ્વિક દબાણ ઘણું ઓછું થઈ જશે.
US Russia Oil Tariff Cut Updates – ૫૦૦ ટકાના જોરદાર ટેક્સના પ્રસ્તાવને ઘટાડીને ૧૦૦ ટકા કરાયો, બંને પક્ષોનું સમર્થન
પ્રખ્યાત સમાચાર સંસ્થા ના અહેવાલ અનુસાર, અમેરિકી સંસદમાં રશિયા વિરોધી કાયદામાં કરાયેલો આ ફેરફાર ભારત અને ચીન માટે મોટી રાજદ્વારી જીત સમાન છે. રિપબ્લિકન અને ડેમોક્રેટિક પક્ષના સેનેટરોએ મંગળવારે સંયુક્ત રીતે એક સંશોધિત બિલ રજૂ કર્યું છે, જે અંતર્ગત રશિયન તેલ અને ગેસ ખરીદનારા દેશો પર મહત્તમ ટેરિફ અગાઉ સૂચવાયેલા ૫૦０ ટકાના બદલે સીધો ૧૦૦ ટકા કરી દેવામાં આવ્યો છે. આ સંશોધિત બિલ અમેરિકી પ્રમુખ ડોનાલ્ડ ટ્રમ્પને (Donald Trump) એવી વિશેષ સત્તા પણ આપે છે કે જો તેમને લાગે કે કોઈ દેશને ટેક્સમાંથી મુક્તિ આપવી અમેરિકાના રાષ્ટ્રીય હિતમાં છે, તો તેઓ આ પ્રતિબંધોને માફ પણ કરી શકે છે.
US Russia Oil Tariff Cut Updates – રશિયા પાસેથી કાચું તેલ ખરીદતા દુનિયાના ટોપ-૫ દેશો પર લાગુ થશે આ નવો નિયમ
અમેરિકી સેનેટમાં રજૂ કરાયેલું આ નવું બિલ ભારત અને ચીન ઉપરાંત રશિયા પાસેથી મોટા પાયે ક્રૂડ ઓઈલની આયાત કરનારા વિશ્વના ટોચના ૫ દેશો પર સીધું લાગુ થશે. આ વિધેયક મૂળભૂત રીતે દિવંગત રિપબ્લિકન સેનેટર લિન્ડસે ગ્રેહામ અને ડેમોક્રેટિક સેनेટર રિચર્ડ બ્લુમેન્થલ દ્વારા રજૂ કરવામાં આવ્યું હતું, જેને હવે અમેરિકી સંસદના બંને મુખ્ય પક્ષોનું મજબૂત સમર્થન મળી રહ્યું છે. અગાઉના મૂળ કાયદાની તુલનામાં આ સુધારા બિલને કાયદાકીય મંજૂરી મળવાની અને કોંગ્રેસમાં પાસ થવાની સંભાવના ઘણી વધારે હોવાનું નિષ્ણાતો માની રહ્યા છે.
US Russia Oil Tariff Cut Updates – સેનેટના ૨૬ સભ્યોનું મળ્યું સહ-પ્રાયોજક તરીકે સમર્થન, વૈશ્વિક માર્કેટ પર અસર
અહેવાલો અનુસાર, વર્તમાન સમયમાં આ સુધારા બિલને ૨૬ સહ-પ્રાયોજકોનું (Co-sponsors) સમર્થન મળી ચૂક્યું છે અને જેમ-જેમ આ બિલ અમેરિકી કોંગ્રેસમાં આગળ વધશે, તેમ-તેમ તેને વધુ મતો મળવાની આશા છે. ઈરાન સાથે ચાલી રહેલા યુદ્ધને કારણે આંતરરાષ્ટ્રીય બજારમાં ક્રૂડ ઓઈલની સપ્લાય ચેઈન ખોરવાઈ ગઈ છે, તેવા સમયે અમેરિકા દ્વારા ભારત (India) જેવા વ્યૂહાત્મક ભાગીદાર દેશોને રશિયન ઓઈલ મામલે રાહત આપવી એ વૈશ્વિક ઉર્જા બજારને સ્થિર રાખવા માટે લેવાયેલું એક મોટું કૂટનીતિક પગલું માનવામાં આવી રહ્યું છે.
👉 આ સમાચાર વાચો:
Akshaye Khanna Viral Photo Anshula Wedding બોની કપૂરની દીકરીના લગ્નમાં અક્ષય ખન્નાની ધમાકેદાર એન્ટ્રી ‘ધુરંધર’ની સક્સેસ પછી પ્રથમ વખત તસવીરો આવી સામે!
