News Continuous Bureau | Mumbai
ચાઈનાનું પીઠબળ ધરાવતી સિંગાપોર સ્થિત ઈ-કોમર્સ શોપી કંપનીએ ભારત છોડવાનો નિર્ણય લીધો છે. તેની જાહેરાતને દેશભરના વેપારીઓ સંસ્થાઓનું નેતૃત્વ કરતી કોન્ફેડરેશન ઓફ ઓલ ઈન્ડિયા ટ્રેડર્સ (CAIT) એ વધાવી લીધો છે.
કોન્ફેડરેશન ઓફ ઓલ ઈન્ડિયા ટ્રેડર્સ (CAIT)એ બહાર પાડેલી તેની પ્રેસ રિલિઝમાં જણાવ્યું હતું કે કે ભારતમાંથી સિંગાપોરની ઈ-કોમર્સ અને ગેમિંગ કંપની શોપીનું બહાર નીકળવું એ આવકારદાયક પગલું છે કારણ કે વિદેશી કંપની કથિત રીતે દેશમાં કાયદાનું ઉલ્લંઘન કરીને કામ કરી રહી હતી. શોપી, જેણે ગયા વર્ષે તેની ભારતમાં પ્રવેશની જાહેરાત કરી હતી, તેણે સોમવારે મીટિંગમાં તેના કર્મચારીઓને કહ્યું કે કંપની તેની ભારતમાં કામગીરી બંધ કરશે. શોપીએ કથિત રીતે પ્લેટફોર્મ પર વિક્રેતાઓને પણ જાણ કરી છે કે કંપની 29 માર્ચ, 2022 થી તેની ભારતમાં કામગીરી સમાપ્ત કરશે.
CAITની પ્રેસ રિલીઝ મુજબ શોપીની આ જાહેરાત આ વર્ષના ફેબ્રુઆરીમાં રાષ્ટ્રીય સુરક્ષાના આધારે ભારત સરકાર દ્વારા પ્રતિબંધિત 53 ચાઇનીઝ એપ્લિકેશન્સની રાહ પર આવી છે. આ પ્રતિબંધમાં, શોપીની માલિકીની પેરેન્ટ કંપની એસઈએ લિમિટેડની માલિકીની મોબાઇલ ગેમિંગ એપ્લિકેશન, ગેરેના ફ્રી ફાયરનો સમાવેશ કરવામાં આવ્યો હતો.
આ સમાચાર પણ વાંચો : ભડકે બળતું ઇંધણ.. આજે ફરી વધ્યા પેટ્રોલ-ડીઝલના ભાવ, જાણી લો નવા ભાવ
CAIT એ બહાર પાડેલી તેની પ્રેસ રિલિઝમાં જણાવ્યું હતું કે CAIT સૌપ્રથમ તેનો અવાજ ઉઠાવ્યો જ્યારે તેણે વડાપ્રધાન નરેન્દ્ર મોદી સમક્ષ એસઈએ (સી)ગ્રૂપની માલિકીની શોપીને હટાવવાની માંગણી કરી હતી. “Tencent (જાણીતી ચાઇનીઝ ઇન્વેસ્ટમેન્ટ ફર્મ) દ્વારા સી હોલ્ડિંગ્સની નોંધપાત્ર માલિકી (લગભગ 25 ટકા) છે. ઉપરાંત, એસઈએના સ્થાપક, ફોરેસ્ટ લી, મૂળ ચાઇનીઝ છે, પરંતુ થોડા વર્ષો પહેલા જ તેઓ સિંગાપોરના નાગરિક બન્યા હતા. એસઈએ ડેટાને સંગ્રહિત કરવા માટે ટેન્સેન્ટ ક્લાઉડનો ઉપયોગ કરે છે. ઉપરાંત એસઈએની ગેમિંગ પેટાકંપની, ગેરેના, Tencent પાસેથી મોટાભાગની રમતોનું લાઇસન્સ આપે છે, જે વિશાળ રોયલ્ટી મળે છે. સાથે જ ખાતરી કરે છે કે ડેટા પર શોપીનું નોંધપાત્ર નિયંત્રણ રહે.
CAITના પદાધિકારીના કહેવા મુજબ શોપીનો ભારતમાં પ્રવેશ એટલે ભારતીય નાગરિકોના ડેટા અને સુરક્ષા સાથે સમાધાન કરવા સમાન હતું.
