News Continuous Bureau | Mumbai
Fake Currency: આજકાલ ટેક્નોલોજીના યુગમાં કંઈ પણ શક્ય છે. ખાસ કરીને જ્યારથી આ AI આર્ટિફિશ્યલ ઇન્ટેલિજન્સ આવ્યું છે ત્યારથી વસ્તુઓ વધુ ખરાબ થઈ રહી છે. અગાઉ સેલેબ્સના ડીપ ફેક વીડિયો વાયરલ થયા હતા. અને હવે 500 રૂપિયાની નોટ પર મહાત્મા ગાંધીની જગ્યાએ અનુપમ ખેર ( Anupam Kher ) નો ફોટો છપાયો હોવાના અહેવાલ છે. જેનો વિડિયો ખુદ અભિનેતાએ ઈન્સ્ટાગ્રામ પર શેર કરીને આશ્ચર્ય વ્યક્ત કર્યું છે.
500 रुपीए नोटों पर गांधी बापू की जगह @AnupamPKher की फोटो !!!
अनुपम खेर की तस्वीर वाले 1.30 करोड़ रुपीए देकर 2100 ग्राम गोल्ड की ठगाई
अहमदाबाद में बुलियन के कारोबारी से ठगी का हैरतंगेज मामला सामने आया pic.twitter.com/47mPhKLK3v
— Kamit Solanki (@KamitSolanki) September 30, 2024
વાસ્તવમાં બૉલીવુડ અભિનેતા અનુપમ ખેરે એક સમાચાર શેર કર્યા છે. જેમાં 500 રૂપિયાની નોટ પર તેમની તસવીર છપાયેલી હોવાનું બતાવવામાં આવી રહ્યું છે. મીડિયા રિપોર્ટ મુજબ આ મામલો ગુજરાતનો છે, જ્યાં આ નોટો જપ્ત કરવામાં આવી છે અને હવે ( Anupam Kher Currency notes ) વાયરલ થઈ રહી છે. આ વીડિયો શેર કરતા અભિનેતાએ લખ્યું, ‘લ્યો બોલો… 500ની નોટ પર ગાંધીજી ( Mahatma Gandhi ) ના ફોટાને બદલે મારો ફોટો? કંઈપણ થઈ શકે છે!’
Fake Currency: લોકોએ અનુપમ ખેરને આપી આવી સલાહ
હવે આ વિડીયો જોયા પછી બધા આશ્ચર્યચકિત થઈ ગયા છે. કોમેડિયન સંકેત ભોસલેએ પણ ચોંકાવનારી પ્રતિક્રિયા આપી હતી. એક યુઝરે લખ્યું, ‘ગુજરાતમાં આપનું સ્વાગત છે.’ એકે કહ્યું, ‘અભિનંદન સાહેબ.’ એકે લખ્યું, ‘માત્ર 19-20નો તફાવત છે.’ એક વ્યક્તિએ તો એમ પણ કહ્યું કે, ‘સાહેબ, તમારા માથા પર ઝડપથી વાળ ઉગાડો નહીં તો મૂંઝવણ વધી જશે.’
Fake Currency: લગભગ 1 કરોડ 60 લાખ રૂપિયાની આવી નકલી નોટો જપ્ત
સોશિયલ મીડિયા પર એવો દાવો કરવામાં આવી રહ્યો છે કે અમદાવાદ પોલીસે લગભગ 1 કરોડ 60 લાખ રૂપિયાની આવી નકલી નોટો જપ્ત કરી છે. આ નોટોની સાઈઝ, કલર અને ડિઝાઈન મૂળ નોટો જેવી જ છે, પરંતુ આ નોટો પર મહાત્મા ગાંધીને બદલે અનુપમ ખેરની તસવીર છપાયેલી છે. જે સ્પષ્ટપણે દર્શાવે છે કે આ તમામ નોટો નકલી છે.
આ સમાચાર પણ વાંચો : Anupama upcoming twist: ટ્વીસ્ટ સાથે અનુપમા માં આવશે 10-15 વર્ષ નો લિપ, શું સુધાંશુ અને મદલસા ની સાથે સાથે આ કલાકારો પણ કહેશે શો ને અલવિદા?
Fake Currency: બંડલ પર RBI ના બદલે SBI
સોશિયલ મીડિયા પર વાયરલ થઈ રહેલા વિડિયોમાં જોવામાં આવે તો નોટો એકદમ વાસ્તવિક લાગે છે. તેની ડિઝાઈનથી લઈને તેના રંગ અને આકાર સુધી બધું જ વાસ્તવિક લાગે છે, પરંતુ નોટ પર મહાત્મા ગાંધીને બદલે અનુપન ખેરનું ચિત્ર દેખાય છે. આ સિવાય નોટ પર રિઝર્વ બેંક ઓફ ઈન્ડિયા (RBI)ને બદલે ‘Resol Bank of India’ (SBI) લખેલું છે. તેમજ વાયરલ વીડિયોમાં એવો દાવો કરવામાં આવી રહ્યો છે કે અમદાવાદ પોલીસે આવી નોટોના ઘણા બંડલ રિકવર કર્યા છે અને નકલી નોટ બનાવતી ગેંગનો પર્દાફાશ કર્યો છે.
(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
