News Continuous Bureau | Mumbai
Gujarat Textile Policy 2024: ગુજરાત સરકારે આજે ‘ગુજરાત ટેક્સટાઇલ પોલિસી 2024’ની જાહેરાત કરી હતી જેનો ઉદ્દેશ ટેક્સટાઇલ ઉદ્યોગમાં ગુજરાતને ગ્લોબલ લીડર બનાવવાનો છે. ભારતના ટેક્સટાઇલ સ્ટેટ તરીકે જાણીતા અને એક સમયે ‘માન્ચેસ્ટર ઓફ ઇસ્ટ’ તરીકે ઓળખાતું ગુજરાત રાજ્ય ભારતના ટેક્સટાઇલ એક્સપોર્ટમાં 12 ટકા હિસ્સો ધરાવે છે. વિકાસ સપ્તાહની ઉજવણીના ભાગરૂપે આયોજિત ઉદ્યોગ સાહસિકતા દિવસ પ્રસંગે, મુખ્યમંત્રી શ્રી ભૂપેન્દ્ર પટેલના હસ્તે આ પોલિસી જાહેર કરવામાં આવી હતી.
આ પોલિસી ગાર્મેન્ટ, ટેક્નિકલ ટેક્સટાઇલ, વણાંટ અને એમએમએફ ઉત્પાદન જેવા ક્ષેત્રોને આવરી લે છે, જેમાં ટેક્નિકલ ટેક્સટાઇલ પર ખાસ ભાર મુકવામા આવ્યો છે જે ઓટોમોબાઇલ, હેલ્થકેર અને ઇન્ફ્રાસ્ટ્રક્ચર જેવા ક્ષેત્રો માટે મહત્વપૂર્ણ છે.
આ પોલિસી અંતર્ગત ટેક્સટાઇલ ક્ષેત્રમાં ( Textile industry ) રોકાણ અને વિસ્તરણને પ્રોત્સાહિત કરવા માટે વિવિધ પ્રોત્સાહનો આપવામાં આવ્યા છે. તેમાં સ્થળ અને પ્રવૃત્તિના આધારે ₹150 કરોડની મર્યાદામાં એલિજીબલ ફિક્સ્ડ કેપિટલ ઇન્વેસ્ટમેન્ટ (eFCI)ની 10થી 35 ટકા સુધીની કેપિટલ સબસિડીનો સમાવેશ થાય છે. વધુમાં, eFCI ના 5% થી 7% ની વ્યાજ સબસિડી 8 વર્ષ સુધી ઉપલબ્ધ છે. અન્ય પ્રોત્સાહનોમાં પાંચ વર્ષ માટે ₹1/યુનિટની પાવર ટેરિફ સબસિડી, પ્રત્યેક કર્મચારી દીઠ ₹2,000 થી ₹5,000 સુધી દર મહિને પેરોલ સહાય (મહિલા કામદારો માટે વધારાના સમર્થન સાથે), અને સ્વ-સહાય જૂથો (SHGs) માટે પેરોલ અને તાલીમ સહાયની જોગવાઇ કરવામાં આવી છે.
આ પોલિસી રોજગાર સર્જન ( Employment ) સાથે 4 હજારથી વધુ કામદારો ધરાવતા યુનિટો જેમાં ઓછામાં ઓછી 1 હજાર મહિલા કર્મચારી હોય, તેમને ખાસ સહાયતા પ્રદાન કરશે. આવા યુનિટ્સને વધારાની સબસિડીનો લાભ મળશે.
ટકાઉ પ્રક્રિયાઓમાં રોકાણને પ્રોત્સાહન આપીને આ પોલિસી ઇનોવેશન અને ટકાઉપણાને પ્રમોટ કરે છે. આધુનિક ટેક્નોલોજીને અપનાવવા, ક્વોલિટી સર્ટિફિકેશન અને ઉર્જા સંરક્ષણ માટે ઉદ્યોગોને પ્રોત્સાહન આપવાની જોગવાઇ કરવામાં આવી છે. વિકસિત ભારત@2047ના વિઝન સાથે આ પોલિસી સુસંગત છે જેમાં ભારતની વિકાસયાત્રામાં ગુજરાત મહત્વની ભૂમિકા નિભાવી રહ્યું છે.
ગુજરાતના ટેક્સ્ટાઈલ સેક્ટર સહિત ઉદ્યોગજગત માટે મહત્ત્વનો દિવસ..
વિકાસ સપ્તાહ અંતર્ગત આજે રાજ્યમાં ‘ઉદ્યોગસાહસિકતા દિવસ’ની ઉજવણી થઈ રહી છે, જેના ભાગરૂપે આજે ગાંધીનગરના મહાત્મા મંદિર ખાતેથી રાજ્યની નવી ‘ગુજરાત ટેક્સ્ટાઈલ પોલિસી-2024’ લોન્ચ કરી.
આ નવી પોલિસી થકી ગુજરાતમાં રૂ.… pic.twitter.com/efyoXV9vOg
— Bhupendra Patel (@Bhupendrapbjp) October 15, 2024
આ પ્રસંગે ઉદ્બોધનમાં મુખ્યમંત્રી શ્રી ભૂપેન્દ્ર પટેલે ( Bhupendra Patel ) જણાવ્યું હતું કે “વિઝનરી લીડર શ્રી નરેન્દ્રભાઈ મોદીએ, ગુજરાતના 14મા મુખ્યમંત્રી તરીકે 7 ઓક્ટોબર , 2001ના રોજ પદભાર સંભાળ્યો હતો. આજે આપણે 23 વર્ષના અવિરત વિકાસની ઉજવણી કરી રહ્યા છીએ અને તેમના નેતૃત્વ હેઠળ ગુજરાતની વિકાસયાત્રા 24માં વર્ષમાં પ્રવેશી છે. ગુજરાત ટેક્સટાઇલ પોલિસી 2024 એ વિઝનરી પહેલ છે જે રાજ્યના ટેક્સટાઇલ ક્ષેત્રને સશક્ત બનાવશે. ન માત્ર તે ગુજરાતને ટેક્સટાઇલ લીડર તરીકે પ્રસ્થાપિત કરશે, પરંતુ આર્થિક વિકાસની તકો પેદા કરશે, જેમાં ખાસ કરીને મહિલાઓ અને યુવાઓનો વિકાસ સામેલ છે. આ પોલિસીના માધ્યમથી અમે એક ટકાઉ અને વિશ્વ સ્તરે સ્પર્ધા કરી શકે તેવા ટેક્સટાઇલ ક્ષેત્રનો પાયો નાખી રહ્યા છીએ. ”
આ સમાચાર પણ વાંચો : Bhupendra Patel GIDC : હવે ગુજરાતની આર્થિક સમૃદ્ધિને મળશે વધુ વેગ, CM ભૂપેન્દ્ર પટેલે GIDCના વિકાસ માટે આટલા કરોડના વિકાસકાર્યોનું કર્યું ખાતમુહૂર્ત.
મુખ્યમંત્રી શ્રી ભૂપેન્દ્ર પટેલે ટેક્સટાઈલ પોલિસી 2024માં પહેલીવાર ગ્રામીણ અને શહેરી ક્ષેત્રની મહિલાઓના સ્વ સહાય જૂથ-સેલ્ફ હેલ્પ ગ્રુપના સશક્તિકરણ અને આવક વૃદ્ધિ પર ભાર મૂકવા સાથે રોજગારીની તકો વધુ મજબૂત બનાવવાની નેમ રાખી છે તેમ જણાવ્યું હતું. મુખ્યમંત્રીશ્રીએ ઉમેર્યું કે, વડાપ્રધાન શ્રી નરેન્દ્ર ભાઈ મોદીના નેતૃત્વમાં ભારતને ત્રીજી મોટી અર્થવ્યવસ્થા બનાવવા માટે ટેક્સટાઇલ સેક્ટર પુરક બને અને વિકસિત ભારત @ 2047માં ગુજરાત અગ્રીમ યોગદાન આપે તેવા ઉદાત્ત અભિગમથી આ ટેક્સટાઇલ પોલિસી 2024 જાહેર કરી છે. તેમણે જણાવ્યું કે આ નવી પોલીસીના પરિણામે ભવિષ્યમાં અંદાજે 30 હજાર કરોડ જેટલું મૂડી રોકાણ રાજ્યમાં આવશે તેમજ વડાપ્રધાનશ્રીએ ગરીબ, અન્નદાતા, યુવા અને નારી શક્તિના સશક્તિકરણ માટે ગ્યાનનો જે એપ્રોચ આપનાવ્યો છે તેમાં યુવા અને મહિલાઓને રોજગારી અને કપાસ ઉત્પાદક ખેડૂતોને મહત્તમ લાભ આપવામાં આ પોલીસી ઉપયુક્ત બનશે.
માનનીય પ્રધાનમંત્રી શ્રી @narendramodi જી એ Farm to Fiber, Fiber to Factory, Factory to Fashion અને Fashion to Foreign એમ 5’F’ નું વિઝન આપીને ટેક્સ્ટાઈલ ક્ષેત્રના વિકાસનો સ્વર્ણિમ યુગ શરૂ કર્યો છે.
તેમણે ગરીબ, યુવા, અન્નદાતા અને નારીશક્તિના ઉત્કર્ષ થકી ‘વિકસિત ભારત’ ના નિર્માણનો… pic.twitter.com/h13085UFsA
— Bhupendra Patel (@Bhupendrapbjp) October 15, 2024
આ પ્રસંગે રાજ્ય સરકાર ( Gujarat Government ) તરફથી ગૃહ રાજ્યમંત્રી શ્રી હર્ષ સંઘવી અને ઉદ્યોગ, લઘુ, સૂક્ષ્મ અને મધ્યમ ઉદ્યોગ, કુટિર, ખાદી અને ગ્રામોદ્યોગ, નાગરિક ઉડ્ડયન, શ્રમ અને રોજગાર મંત્રી શ્રી બળવંતસિંહ રાજપૂત પણ ઉપસ્થિત રહ્યા હતા. આ પ્રસંગે તેમના સંબોધનમાં શ્રી સંઘવીએ એ વાત પર ભાર મૂક્યો હતો કે આજે મુખ્યમંત્રીશ્રીની અધ્યક્ષતામાં જે નીતિ જાહેર કરવામાં આવી છે તે એવી જાદૂઇ છડી છે જે સ્થાનિકો માટે રોજગારની વિપુલ તકો પેદા કરશે. તેમણે જણાવ્યું કે, “ગૃહ મંત્રી તરીકે હું તમામ રોકાણકારોને ખાતરી આપું છું કે ગુજરાત એ રોકાણ માટે સૌથી સુરક્ષિત સ્થાન છે.”
ઉદ્યોગ મંત્રી શ્રી બળવંતસિંહ રાજપૂતે પણ જણાવ્યું હતું કે શ્રી નરેન્દ્ર મોદીએ 23 વર્ષ સુધી કોઈપણ રજા રાખ્યા વિના વિકાસના કાર્યો કર્યા છે અને વર્ષ 2047 સુધી ભારતના વિકાસની તેઓ ચિંતા કરી રહ્યા છે. ત્યારે આ વિકાસ સપ્તાહ એ રાજ્યના વિકાસ માટે સરકારની પ્રતિબદ્ધતા પ્રદર્શિત કરે છે. આજે દેશના તમામ રાજ્યો ગુજરાતનો અભ્યાસ કરવા આવે છે અને ગુજરાતનું વિકાસ મોડેલ વિશ્વકક્ષાએ છવાઈ ગયું છે. આ પોલિસી ગુજરાતને ટેક્સટાઇલ્સ અને ગાર્મેન્ટ્સમાં ગ્લોબલ લીડર બનાવવાના ઉદ્દેશથી લાગુ કરવામાં આવી છે જે આત્મનિર્ભર ભારતના વિઝનને સાર્થક કરશે.
Gujarat Textile Policy 2024: ગુજરાત ટેક્સટાઇલ પોલિસી 2024ના ખાસ મુદ્દા
- લક્ષિત વૃદ્ધિ વિસ્તારો (ટાર્ગેટેડ ગ્રોથ એરિયા): આ પોલિસી અંતર્ગત ગાર્મેન્ટ, ટેક્નિકલ ટેક્સટાઇલ, વણાંટ અને એમએમએફ ઉત્પાદન પર ધ્યાન કેન્દ્રિત કરવામાં આવ્યું છે. તેમાં પણ ટેક્નિકલ ટેક્સટાઇલ્સ પર ભાર મુકવામાં આવ્યો છે જે ઓટોમોબાઇલ, હેલ્થકેર અને ઇન્ફ્રાસ્ટ્રક્ચર જેવા ક્ષેત્રો માટે મહત્વપૂર્ણ છે.
- આકર્ષક નાણાકીય પ્રોત્સાહનો:
- કેપિટલ સબસિડી: સ્થાન અને પ્રવૃત્તિના આધારે ₹150 કરોડની મર્યાદામાં નિશ્ચિત મૂડી રોકાણ (eFCI) ની 10% થી 35% સબસિડી
- વ્યાજ સબસિડી: 8 વર્ષ સુધી eFCI ના 5% થી 7%
- પાવર ટેરિફ સબસિડી: 5 વર્ષ માટે ₹1/યુનિટ
- નાણાકીય સહાય: કામદારો માટે દર મહિને ₹2,000 થી ₹5,000
- મહિલા કામદારો માટે વધારાના પ્રોત્સાહનો
- પેરોલ અને ટેક્સટાઇલ જોબ વર્ક માટે તાલીમ સહાય દ્વારા સ્વ-સહાય જૂથોને સહાયતા
રોજગાર સર્જન:
આ પોલિસી 4 હજારથી વધુ કર્મચારી ધરાવતા એવા એકમોને ટાર્ગેટેડ સપોર્ટ આપશે જ્યાં મોટાપાયે રોજગાર પેદા થાય છે અને જ્યાં ઓછામાં ઓછી 1 હજાર મહિલાઓ કાર્યરત હોય. આવા એકમો વધારાની સબસિડી માટે પાત્ર છે.
આ સમાચાર પણ વાંચો : EC exit poll : ચૂંટણી કમિશને એક્ઝિટ પોલ અને મીડિયાના ચૂંટણી વલણો પર ઉઠાવ્યા સવાલો, કહ્યું- આ બકવાસ છે અને સંપૂર્ણપણે ખોટું છે…
ટકાઉપણું અને નવીનતા:
આ પોલિસી પાણી અને ઉર્જાનો બચાવ, ક્વોલિટી સર્ટિફિકેશન અને આધુનિક ટેકનોલોજીનો ઉપયોગ કરીને ઈકો-ફ્રેન્ડલી પ્રેક્ટિસમાં રોકાણને પ્રોત્સાહન આપે છે.
- પીએમ મિત્ર પાર્ક:
પીએમ મિત્ર પાર્ક પહેલ અંતર્ગત ₹ 352 કરોડના ખર્ચે નવસારીના વાંસી ખાતે અત્યાધુનિક ટેક્સટાઇલ પાર્કનું નિર્માણ કરવામાં આવી રહ્યું છે. આ પ્રોજેક્ટનો ઉદ્દેશ ગુજરાતના ટેક્સટાઇલ ઇન્ફ્રાસ્ટ્રક્ચરમાં સુધારો કરવો અને નવું રોકાણ મેળવીને વ્યાપક રોજગારીની તકો પેદા કરવાનો છે.
Disclaimer : Except for the headline, this story has not been edited by News Continuous staff and is published from a syndicated feed.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
આ સમાચાર પણ વાંચો : Karma Bhushan award 2024: સુરતના હોમગાર્ડએ ૪૦ જેટલા ગુમ થયેલા બાળકોનું માતા-પિતા સાથે કરાવ્યું મિલન, આ એવોર્ડથી કરાયા સન્માનિત.
