News Continuous Bureau | Mumbai
ભારતીય હવામાન વિભાગ(Indian Meteorological Department) (IMD) એ મુંબઈ અને થાણે(Thane) માટે ઓરેન્જ એલર્ટ(Orange Alert) જારી કર્યું છે, જેમાં સવારના 10 વાગ્યા સુધી પ્રદેશના અલગ-અલગ સ્થળોએ ભારેથી અતિભારે વરસાદની આગાહી(Heavy rain forecast) કરવામાં આવી છે. હવામાન વિભાગના વર્તારા મુજબ શહેરમાં 50થી 60 કિલોમીટર પ્રતિ કલાકની ઝડપે પવન ફૂંકાશે. તેમજ અનેક વિસ્તારોમાં અતિ ભારે વરસાદ પડી શકે તેમ છે.
આ સમાચાર પણ વાંચો : અંધેરી સબવે બંધ કરવામાં આવ્યો- આખે આખી નદી વહી રહી હોય તેવો વિડીયો વાયરલ- જુઓ વિડિયો અહીં
મુંબઈ શહેરમાં જ્યારે વરસાદ અને ભરતી તે બંનેનો સંયોગ સર્જાય છે ત્યારે શહેરવાસીઓને વેઠવું પડે છે. આવી જ અવસ્થા આજે ઉદભવાની છે. આજે સવારે મુંબઈના દરિયામાં 9 વાગ્યે 54 મિનિટ 4.03 મીટરની ભરતી છે. તો બપોરે 3 વાગ્યે 47 મિનિટે ઓટ ચાલુ થશે. આ પછી દરિયામાં ફરી રાતે 9 વાગ્યે 38 મિનિટ 3.49 મીટર ની ભરતી છે. દરમિયાન દરિયામાં ભરતી હોવાને કારણે પાલિકા સતર્ક થઈ ગઈ છે અને દરિયા કિનારા પર લાઈફગાર્ડને તૈનાત કરી દેવામાં આવ્યા છે.તેમ જ દરિયાકિનારા તરફ નહીં જવાની અપીલ કરવામાં આવી છે.
