News Continuous Bureau | Mumbai
Bank Loan Fraud Case ૧૭ સરકારી અને ખાનગી બેંકોના કન્સોર્ટિયમ સાથે આચરેલા ₹૨,૨૯૬ કરોડથી વધુના જંગી બેંક કૌભાંડમાં એન્ફોર્સમેન્ટ ડિરેક્ટોરેટ એટલે કે ઈડી (Enforcement Directorate ED) દ્વારા મોટી કાર્યવાહી હાથ ધરવામાં આવી છે. પ્રિવેન્શન ઓફ મની લોન્ડરિંગ એક્ટ (Prevention of Money Laundering Act PMLA) હેઠળ એજન્સીએ એક અગ્રણી એલ્યુમિનિયમ ઉત્પાદક કંપની અને તેના સહયોગી જૂથોની ₹૫૩.૯૫ કરોડની સ્થાવર અને જંગમ અસ્કયામતો (Movable and Immovable Assets) કામચલાઉ ધોરણે ટાંચમાં લીધી છે. આ તાજી કાર્યવાહી સાથે આ હાઈપ્રોફાઈલ બેંક લોન કૌભાંડમાં તપાસ એજન્સી દ્વારા જપ્ત કરવામાં આવેલી કુલ સંપત્તિઓનો આંકડો વધીને ₹૫૪૬ કરોડથી વધુ થઈ ગયો છે.
Bank Loan Fraud Case – બોગસ સ્ટોક અને બનાવટી બેલેન્સશીટ રજૂ કરી ₹૨,૨૯૬ કરોડની લોન મેળવી
સેન્ટ્રલ બ્યુરો ઓફ ઇન્વેસ્ટિગેશન (CBI) અને મુંબઈ પોલીસની ઈકોનોમિક ઓફેન્સિસ વિંગ (Economic Offences Wing – EOW) દ્વારા નોંધાયેલી મૂળ એફઆઈઆરના (FIR) આધારે ઈડીએ મની લોન્ડરિંગ તપાસ શરૂ કરી હતી. તપાસ દરમિયાન સામે આવ્યું હતું કે કંપની સંચાલકોએ બેંકોના કન્સોર્ટિયમ (Bank Consortium) સમક્ષ ખોટા નાણાકીય દસ્તાવેજો, બિન-અસ્તિત્વ ધરાવતો માલસામાન સ્ટોક અને બનાવટી દેવાદારોના આંકડા દર્શાવીને કરોડો રૂપિયાની ક્રેડિટ સુવિધાઓ મંજૂર કરાવી લીધી હતી. બાદમાં આ લોન એકાઉન્ટ્સ નોન-પરફોર્મિંગ એસેટ એટલે કે એનપીએ (Non-Performing Asset – NPA) જાહેર થતાં બેંકિંગ સિસ્ટમને ₹૨,૨૯૬.૫૮ કરોડનું તોતિંગ નુકસાન પહોંચ્યું હતું.
Bank Loan Fraud Case – શેલ કંપનીઓ મારફતે ₹૧૧૦ કરોડથી વધુનું કાળું નાણું ડાયવર્ટ કરાયું
એજન્સીની ફોરેન્સિક ઓડિટ અને મની ટ્રેલ (Money Trail) તપાસમાં સનસનાટીભર્યા પુરાવા સામે આવ્યા છે. કૌભાંડમાં સંડોવાયેલા એક સહયોગી ઔદ્યોગિક જૂથે ગુનાની ઉપજમાંથી (Proceeds of Crime) ₹૧૧૦.૫૪ કરોડ જેટલી રકમ વિવિધ શેલ કંપનીઓ, બનાવટી એન્ટિટીઓ અને મળતિયા વ્યક્તિઓ મારફતે અન્યત્ર ડાયવર્ટ કરવામાં મુખ્ય ભૂમિકા ભજવી હતી. વધુમાં આ જૂથ પોતે પણ આશરે ₹૭૦.૨૫ કરોડની ગેરકાયદેસર કાળી કમાણીનું સીધું લાભાર્થી (Direct Beneficiary) હોવાનું તપાસમાં સાબિત થયું છે. લોન તરીકે લીધેલા નાણાં જે પ્રોજેક્ટ માટે મંજૂર થયા હતા તેના બદલે વ્યક્તિગત અને પરિવારની મિલકતો ખરીદવામાં વાપરવામાં આવ્યા હતા.
Bank Loan Fraud Case – સ્પેશિયલ પીએમએલએ કોર્ટમાં ટ્રાયલ અને કાનૂની ગાળિયો મજબૂત
તપાસ એજન્સીએ આ અગાઉ પણ આ જ કૌભાંડમાં તબક્કાવાર રીતે ₹૪૯૩ કરોડની સ્થાવર મિલકતો ટાંચમાં લઈને સ્પેશિયલ પીએમએલએ કોર્ટમાં (Special PMLA Court) પ્રોસિક્યુશન ફરિયાદ દાખલ કરી હતી. હવે બાકી રહેલી મિલકતોની ઓળખ કરીને વધુ ₹૫૩.૯૫ કરોડની નવી અસ્કયામતો જપ્ત કરી લેવાતાં બેંક ફ્રોડના ગુનેગારોની મુશ્કેલીઓમાં ભારે વધારો થયો છે. ઈડીના વરિષ્ઠ અધિકારીઓએ જણાવ્યું છે કે કૌભાંડમાં સંડોવાયેલા મુખ્ય સૂત્રધારો, બેંકિંગ ઓડિટર્સ અને આર્થિક મદદગારો સામે કાનૂની પુરાવાઓ એકત્રિત કરીને કડક સજા અપાવવાની દિશામાં ટ્રાયલ કાર્યવાહી ઝડપી બનાવવામાં આવી છે.
👉 આ સમાચાર વાચો:
Stolen Autorickshaw Case Solved ચોરાયેલી રિક્ષાનો ભેદ ઉકેલાયો CCTV વિના માત્ર ટેક્નિકલ એનાલિસિસની મદદથી પોલીસે ઉલ્હાસનગરમાંથી બે તસ્કરોને ઝડપી પાડ્યા
