News Continuous Bureau | Mumbai
BEST Bus Strike Impact મુંબઈની જીવાદોરી ગણાતી BEST બસ સેવાના કર્મચારીઓ દ્વારા વિવિધ પડતર માંગણીઓને લઈને ગુરુવાર રાતથી બેમુદત હડતાળ શરૂ કરવામાં આવી છે. આ હડતાળની સીધી અસર મુંબઈગરાઓના રોજિંદા જીવન પર પડી છે, પરંતુ બીજી તરફ આ સ્થિતિનો મોટો ફાયદો મુંબઈની વિવિધ મેટ્રો લાઈનોને થયો છે.
BEST Bus Strike Impact – મેટ્રોમાં મુસાફરોનો મોટો વધારો
BEST બસ બંધ હોવાને કારણે મુંબઈગરાઓએ મુસાફરી માટે મેટ્રોનો વિકલ્પ પસંદ કર્યો છે. શુક્રવારે મેટ્રોના વિવિધ રૂટ પર મુસાફરોની સંખ્યામાં ભારે વધારો જોવા મળ્યો હતો. ખાસ કરીને ઘાટકોપર-અંધેરી-વર્સોવા મેટ્રો-1 લાઈન પર મુસાફરોની સંખ્યામાં દિવસ દરમિયાન 60,000નો વધારો નોંધાયો હતો. આ જ રીતે, આરે-કફ પરેડ મેટ્રો-3 પર પણ મુસાફરોનો ધસારો જોવા મળ્યો હતો, જ્યાં સાંજ સુધીમાં આશરે 30,000 જેટલા વધારાના મુસાફરો નોંધાયા હતા.
BEST Bus Strike Impact – કઈ મેટ્રો લાઈનો પર જોવા મળી અસર?
હડતાળના કારણે મુંબઈની લગભગ તમામ મેટ્રો માર્ગિકાઓ પર ભીડ જોવા મળી હતી. જેમાં ખાસ કરીને મેટ્રો 2એ (દહિસર-અંધેરી પશ્ચિમ), મેટ્રો 2બી (અંધેરી પશ્ચિમ-મંડાલે), મેટ્રો 7 (દહિસર-ગુંદવલી) અને મેટ્રો 9 (દહિસર-કાશીગામ) લાઈનનો સમાવેશ થાય છે. હજારો મુસાફરોએ સમયસર ઓફિસ કે પોતાના ગંતવ્ય સ્થાને પહોંચવા માટે મેટ્રોને પ્રાધાન્ય આપ્યું હતું.
BEST Bus Strike Impact – મુસાફરોની હાલાકી અને તંત્રનું વલણ
એક તરફ BEST બસ હડતાળને લીધે સામાન્ય મુસાફરોની હાલાકીમાં વધારો થયો છે, તો બીજી તરફ મેટ્રો તંત્ર માટે આ એક મોટી પરીક્ષા બની ગઈ છે. મેટ્રોના વધેલા મુસાફરોને સંભાળવા માટે મેટ્રો ઓથોરિટીએ કામગીરી વધુ વેગવંતી બનાવી છે. BEST ની 12 કર્મચારી સંગઠનો દ્વારા કરવામાં આવેલી આ બેમુદત હડતાળ ક્યાં સુધી ચાલશે તે જોવું રહ્યું, પરંતુ હાલ પૂરતું મુંબઈગરાઓ માટે મેટ્રો એકમાત્ર આશાસ્પદ વિકલ્પ બનીને ઉભરી આવી છે.
👉 આ સમાચાર વાચો:
Raj Thackeray on Political Defections ‘૫૦૧૦૦ કરોડમાં વેચાતા પ્રતિનિધિઓને ફરી ચૂંટશો?’ સાંસદોના પક્ષપલટા પર રાજ ઠાકરેનો લાલઘૂમ અંદાજ
