News Continuous Bureau | Mumbai
BEST Bus Strike in Mumbai મુંબઈની જીવાદોરી ગણાતી BEST બસ સેવાના કર્મચારીઓએ પોતાની વિવિધ પડતર માંગણીઓ માટે બેમુદત હડતાળનું શસ્ત્ર ઉગામ્યું છે. વહીવટીતંત્રે આ હડતાળને ગેરકાયદે જાહેર કરી ‘મેસ્મા’ (MESMA) કાયદો લાગુ કર્યો છે, છતાં શુક્રવારે સવારથી જ મુંબઈના રસ્તાઓ પર BEST બસો ગાયબ જોવા મળી હતી.
BEST Bus Strike in Mumbai – શું છે કર્મચારીઓની મુખ્ય માંગણીઓ?
BEST સંયુક્ત કામગાર કૃતિ સમિતિએ લાંબા સમયથી પડતર અનેક મુદ્દાઓ ઉઠાવ્યા છે. જેમાં મુખ્યત્વે પગાર વધારો, પેન્શન અને નિવૃત્ત કર્મચારીઓના બાકી લેણાંની ચુકવણી, નવી ભરતી અને પદોન્નતિનો સમાવેશ થાય છે. આ ઉપરાંત, કર્મચારીઓની સૌથી મહત્વની માંગ BEST ના બજેટને BMC ના બજેટમાં વિલીન કરવાની અને ખાનગીકરણ (Contract system) નાબૂદ કરીને BEST ની માલિકીની 5,000 નવી બસો સેવામાં સામેલ કરવાની છે.
BEST Bus Strike in Mumbai – સરકાર અને પોલીસનું કડક વલણ
વહીવટીતંત્રે જાહેરનામું બહાર પાડીને સ્પષ્ટ કર્યું છે કે BEST ની બસ અને વીજ પુરવઠો એ અત્યંત આવશ્યક સેવા છે. ‘મહારાષ્ટ્ર અત્યાવશ્યક સેવા अनुरक्षण અધિનિયમ-2023 (MESMA)’ હેઠળ આ હડતાળ પર કાયદાકીય પ્રતિબંધ મૂકવામાં આવ્યો છે. મુંબઈ પોલીસ દ્વારા પણ આંદોલનકારીઓને કડક સૂચના આપવામાં આવી છે કે જો કોઈ કર્મચારી કે વ્યક્તિ BEST ની બસો કે મિલકતને નુકસાન પહોંચાડશે અથવા ફરજ પર જતા કર્મચારીઓને રોકશે, તો તેમની સામે કાયદેસરની કડક કાર્યવાહી કરવામાં આવશે.
BEST Bus Strike in Mumbai – મુંબઈગરાઓ પર અસર
હડતાળના કારણે મુંબઈના લાખો મુસાફરોને ભારે હાલાકીનો સામનો કરવો પડી રહ્યો છે. સવારથી જ બસ સ્ટોપ પર મુસાફરોની લાંબી કતારો જોવા મળી હતી. જો આ હડતાળ વધુ લાંબો સમય ચાલશે, તો બસની સાથે મુંબઈનો વીજ પુરવઠો પણ પ્રભાવિત થવાની ભીતિ સેવાઈ રહી છે. પ્રશાસને મુસાફરોને જરૂરી સેવાઓ ઉપલબ્ધ કરાવવા માટે તમામ શક્ય પ્રયાસો કરવાનું આશ્વાસન આપ્યું છે, પરંતુ હજુ સુધી હડતાળનો કોઈ ઉકેલ આવ્યો નથી.
👉 આ સમાચાર વાચો:
Ban on FDC Drugs દવાઓ પર સરકારની મોટી કાર્યવાહી 16 ‘ફિક્સ ડોઝ કોમ્બિનેશન’ (FDC) દવાઓના વેચાણ પર પ્રતિબંધ
