ન્યુઝ કન્ટિન્યુઝ બ્યુરો
મુંબઈ, 25 નવેમ્બર, 2021
ગુરુવાર
મુંબઈમાં પર્યટનને પ્રોત્સાહન આપવા ટૂંક સમયમાં 'હો હો બસ' સેવા શરૂ કરવાની તૈયારીઓ ચાલી રહી છે. બૃહન્મુંબઈ ઈલેક્ટ્રિસિટી સપ્લાય એન્ડ ટ્રાન્સપોર્ટ (BEST) એ લોકોને આ બસની ડિઝાઈન માટેના અભિયાનમાં ભાગ લેવાની અપીલ કરી છે. આ બસોનું સંચાલન BEST જ કરશે. હો-હો બસોને મુંબઈના CSMTથી જુહુ વચ્ચે દોડાવવાનું આયોજન છે.
BEST એ બુધવારે 'ડિઝાઈન મુંબઈ હો હો બસ કેમ્પેઈન' લોન્ચ કર્યું. આ અંતર્ગત લોકો ઝુંબેશમાં ભાગ લઈ શકે છે અને બસની ડિઝાઈન સૂચવી શકે છે. અધિકારીઓનું કહેવું છે કે આ અભિયાનનો હેતુ લોકોને નવી બસ સેવા સાથે જોડવાનો અને આ બસોને લોકલ લુક આપવાનો છે. રસ ધરાવતા લોકો 30 નવેમ્બર પહેલા તેમની ડિઝાઇન અને આર્ટવર્ક probestundertaking@gmail.com પર મોકલી શકે છે.
CSMT અને જુહુ વચ્ચે હો-હો બસ સેવા સવારે 9 થી 8 PM સુધી દર 30 મિનિટ પછી ઉપલબ્ધ રહેશે. આ માટે લોકોએ 250 રૂપિયાનું વન-વે ભાડું ચૂકવવું પડશે. તેના પ્રવાસીઓ કોઈપણ બસ સ્ટેન્ડ પર ઉતરી શકે છે અને તે જ ટિકિટ સાથે જોવાલાયક સ્થળોનો પ્રવાસ કર્યા પછી તે જ રૂટ પર આવતી બીજી બસમાં બેસી શકે છે. આ બસના રૂટ પર 11 સ્ટોપ હશે અને તેમાં 19 પર્યટન સ્થળોનો સમાવેશ કરવામાં આવ્યો છે.
