ન્યુઝ કન્ટિન્યુઝ બ્યુરો
મુંબઈ. 21 ડિસેમ્બર 2021
મંગળવાર.
મુંબઈમાં મોટાભાગે બેસ્ટની બસો મોડી જ દોડતી હોય છે. તેથી કંટાળીને લોકોને બસને બદલે રિક્ષા ટેક્સી પકડી લેતા હોય છે. જોકે હવે બેસ્ટ ઉપક્રમે આજે પોતાની “ચલો ઍપ” લોન્ચ કરી છે. આ ઍપના માધ્યમથી બેસ્ટની બસ સ્ટોપ કેટલા વાગે આવશે તે જાણી શકાશે. એ સિવાય ઍપની મદદથી ઓછા દરે પ્રવાસીઓ ટિકિટ પણ કાઢી શકશે.
આજે રાજ્યના પર્યાવરણ પ્રધાન ઉદ્ધવ ઠાકરેના હસ્તે આ ઍપને લોન્ચ કરવામા આવી હતી. આ મોબાઈલ ઍપથી પ્રવાસીઓ ટિકિટ પણ કાઢી શકશે. ગુગલ પ્લે સ્ટોર પરથી આ ઍપ લોન્ચ કરી શકાશે.
ઍપને કારણે બેસ્ટની બસ સ્ટોપ પર કયારે આવશે તેની માહીતી તો મળશે જ પણ સાથે જ બસનું લોકેશન પણ જાણી શકાશે. એટલે કે બસ કયાં પહોંચી છે તે પણ ઍપથી જાણી શકાશે
થર્ટી ફર્સ્ટની પાર્ટી કરવી છે? 200થી વધુ મહેમાનોને બોલાવા છો ?તો પછી તમારે આ બાબતનું ધ્યાન રાખવું પડશેઃ BMC કમિશનરનું આવ્યું નવું ફરમાન જાણો વિગત
આ ઍપની સાથે જ ટિકિટ અને પાસ માટે સ્માર્ટ કાર્ડનું નેશનલ કોમન મોબિલિટી કાર્ડને પણ લોન્ચ કરવામાં આવશે. મોબિલિટી કાર્ડને કારણે ભવિષ્યમાં મેટ્રો તેમ જ અન્ય ટ્રાન્સપોર્ટ સેવામાં પણ આ કાર્ડ વાપરી શકાશે.
