News Continuous Bureau | Mumbai
Mumbai Ahmedabad Bullet Train મુંબઈ-અમદાવાદ બુલેટ ટ્રેન પ્રોજેક્ટના સૌથી મહત્વના એવા BKC સ્ટેશન પર ચાલી રહેલા બાંધકામને કારણે વિસ્તારમાં ધૂળ અને વાયુ પ્રદૂષણનું પ્રમાણ ચિંતાજનક રીતે વધી ગયું હતું. આ અંગે મળેલી ફરિયાદો બાદ મુંબઈ મહાનગરપાલિકાએ તપાસ હાથ ધરી હતી, જેમાં પર્યાવરણીય નિયમોનું સ્પષ્ટ ઉલ્લંઘન જોવા મળ્યું હતું. ધૂળને નિયંત્રિત કરવા માટેના જરૂરી ઉપાયો, પાણીનો છંટકાવ અને યોગ્ય આચ્છાદન (Covering) ન હોવાને કારણે પાલિકાએ કામ તાત્કાલિક બંધ કરવાની નોટિસ ફટકારી છે.
શા માટે લેવાયા કડક પગલાં?
પાલિકાની તપાસમાં જાણવા મળ્યું કે NHSRCL દ્વારા વાયુ પ્રદૂષણ નિયંત્રણની માર્ગદર્શિકાનું પાલન કરવામાં આવતું નહોતું. અગાઉ ‘કારણ દર્શાવો નોટિસ’ આપવા છતાં કોઈ સુધારો ન થતા આખરે કામ અટકાવવાનો નિર્ણય લેવાયો છે. પાલિકાએ સ્પષ્ટ કર્યું છે કે જ્યાં સુધી જરૂરી સુધારા કરવામાં નહીં આવે ત્યાં સુધી કામ ફરી શરૂ કરી શકાશે નહીં.
હાઈકોર્ટની ફટકાર અને પાલિકાનું લાલ આંખ
મુંબઈમાં બગડતી હવાની ગુણવત્તા (AQI) અંગે બોમ્બે હાઈકોર્ટે પણ નારાજગી વ્યક્ત કરી હતી અને પાલિકાને કડક કાર્યવાહી કરવા આદેશ આપ્યા હતા. બુલેટ ટ્રેન પ્રોજેક્ટ સિવાય પાલિકાએ અન્ય ૪ પ્રોજેક્ટ્સને ‘સ્ટોપ વર્ક’ નોટિસ અને ૬ પ્રોજેક્ટ્સને કારણ દર્શાવો નોટિસ પાઠવી છે. મેટ્રો ૨-બી (Metro 2B) ના કામને પણ નોટિસ અપાઈ છે, જોકે MMRDA એ નિયમોનું પાલન કરવાની ખાતરી આપી છે.
આ સમાચાર પણ વાંચો : Ravi Shastri: શું ટીમ ઈન્ડિયાના પૂર્વ કોચ રવિ શાસ્ત્રી હવે અંગ્રેજોને ટ્રેનિંગ આપશે? એશિઝની હાર બાદ ઈંગ્લેન્ડના હેડ કોચ બદલવાની જોરદાર માંગ.
પર્યાવરણ અને વિકાસ વચ્ચે સંતુલન
બુલેટ ટ્રેન એ દેશનો અત્યંત મહત્વકાંક્ષી પ્રોજેક્ટ છે, પરંતુ મુંબઈમાં વધતા પ્રદૂષણ સામે નાગરિકોના સ્વાસ્થ્યને પ્રાધાન્ય આપતા આ નિર્ણય લેવાયો છે. પાલિકાએ ચેતવણી આપી છે કે જો ભવિષ્યમાં પણ નિયમોનું પાલન નહીં થાય તો વધુ કડક કાયદેસરની કાર્યવાહી કરવામાં આવશે.
