News Continuous Bureau | Mumbai
BMC Hawkers Action : મુંબઈ મહાનગરપાલિકા અનધિકૃત ફેરિયાઓ ( Illegal Hawkers ) પર તેની કાર્યવાહી હજુ પણ ચાલુ રાખી છે અને ફેરિયા મુક્ત ઝોન ઝુંબેશ હેઠળ, 18 જૂનથી 4 જુલાઈ, 2024 સુધી વિવિધ વિભાગોમાં અતિક્રમણ દૂર કરવાની કાર્યવાહી કરવામાં આવી હતી. આ કાર્યવાહીમાં ફેરિયાઓ પાસેથી 5 હજાર 435 જેટલો મુદ્દામાલ જપ્ત કરવામાં આવ્યો હતો. જેમાં 1 હજાર 186 હાથગાડીઓ, 1 હજાર 839 ઘરેલું ગેસ સિલિન્ડર અને 2 હજાર 410 અન્ય પ્રકારની સામગ્રીનો સમાવેશ થાય છે.
મુંબઈના નાગરિકોને ફૂટપાથ અને રસ્તાનો ઉપયોગ કરવામાં અડચણ ઉભી કરનારા અને આરોગ્ય માટે હાનિકારક રીતે ખુલ્લામાં ખાદ્યપદાર્થો વેચનારા ફેરિયાઓ ( food hawkers ) સામે હવે મહાનગરપાલિકા સતત કાર્યવાહી કરી રહી છે. મહાનગપાલિકાના કમિશનરે આ અંગે આદેશ આપ્યો છે કે, હાઈકોર્ટની ( Bombay High Court ) સૂચના મુજબ અનધિકૃત ફેરિયાઓ, ત્યજી દેવાયેલા વાહનો અને ફૂટપાથ પર અતિક્રમણ કરનારાઓ સામે હવે કડક કાર્યવાહી કરવામાં આવે. મહાપાલિકાના એડમિનિસ્ટ્રેશન અને મુંબઈ પોલીસ ( Mumbai Police ) મુંબઈમાં અનધિકૃત ફેરિયાઓ સામે પગલાં લેવા માટે સંયુક્ત પગલાં લઈ રહ્યા છે.
આ સમાચાર પણ વાંચો: BMC: મુંબઈમાં હવે ત્યજી દેવાયેલા વાહનોની થશે ઓન ધ સ્પોટ હરાજી, પાલિકા લેશે આ કડક પગલા..જાણો વિગતે..
BMC Hawkers Action : 18 જૂન, 2024 થી 4 જુલાઈ, 2024 સુધીના સત્તર દિવસમાં કરી કાર્યવાહી..
18 જૂન, 2024 થી 4 જુલાઈ, 2024 સુધીના સત્તર દિવસમાં મુંબઈના વિવિધ વિભાગોમાં હાથગાડીઓ, સિલિન્ડરો અને સ્ટોવ, બાકડા, શોર્મા મશીનો વગેરે જપ્ત કરવામાં આવ્યા છે.
જપ્ત કરાયેલા સાધનોની કુલ સંખ્યા – 5,435
ચારચકી હાથગાડીઓ– 1,186
સિલિન્ડર – 1,839
વિવિધ પ્રકારના સાહિત્ય જેમ કે ચૂલો, શેગડી, તવા, કઢાઈ, વાસણો, લોખંડના બાંકડાઓ વગેરે – 2,410
