News Continuous Bureau | Mumbai
BMC Mayor: મુંબઈ મહાનગરપાલિકા (BMC) માં સત્તા સ્થાપવા માટે મહાયુતિના બે મુખ્ય પક્ષો, ભાજપ અને એકનાથ શિંદેની શિવસેના વચ્ચે મહત્વના પદોની વહેંચણી અંગેની વાટાઘાટો અંતિમ તબક્કે પહોંચી છે. આજે, ૨૨ જાન્યુઆરી ૨૦૨૬ના રોજ મંત્રાલયમાં મેયર પદ માટે આરક્ષણ લોટરી નીકળશે, જે મુંબઈના આગામી પ્રથમ નાગરિકનો ચહેરો નક્કી કરશે. સૂત્રોના જણાવ્યા અનુસાર, જો મેયર પદ ભાજપ પાસે રહેશે, તો શિંદે સેનાને સૌથી શક્તિશાળી ગણાતી ‘સ્થાયી સમિતિ’નું અધ્યક્ષ પદ આપવામાં આવશે. અત્યાર સુધી થયેલી ચર્ચાઓ મુજબ સમિતિઓની સંભવિત વહેંચણી નીચે મુજબ છે:
ભાજપ અને શિંદે સેના વચ્ચે પદની ફોર્મ્યુલા
ભાજપ: મેયર પદ ઉપરાંત સુધાર સમિતિ (Improvements Committee), BEST અને આરોગ્ય સમિતિ પોતાની પાસે રાખી શકે છે.
શિવસેના (શિંદે): મેયર પદના બદલામાં સ્થાયી સમિતિ, શિક્ષણ સમિતિ, કાયદા (Law) સમિતિ અને બજાર-ઉદ્યાન સમિતિની માંગ કરી રહી છે. બંને પક્ષોના નેતાઓ વચ્ચે ટૂંક સમયમાં અંતિમ બેઠક યોજાશે, જેમાં થાણે અને કલ્યાણ-ડોમ્બિવલી પાલિકાઓ અંગે પણ નિર્ણય લેવાશે.
આ સમાચાર પણ વાંચો : Trump Greenland Mission: ટેરિફ વોર વચ્ચે ટ્રમ્પનો ગ્રીનલેન્ડ પર નવો દાવ; જાણો શું છે અમેરિકાનું ‘શાંતિ સૂત્ર’ અને કેમ આ ટાપુ પર છે ટ્રમ્પની નજર’.
આરક્ષણ લોટરી: ઉદ્ધવ ઠાકરેનો દાવ?
જો આજની લોટરીમાં મેયર પદ અનુસૂચિત જનજાતિ (ST) માટે અનામત થાય, તો ઉદ્ધવ ઠાકરેની સેના (UBT) ને મોટો ફાયદો થઈ શકે છે. ભાજપ કે શિંદે જૂથ પાસે આ પ્રવર્ગનો કોઈ નગરસેવક નથી, જ્યારે ઠાકરે સેના પાસે જિતેન્દ્ર વાળવી અને પ્રિયદર્શની ઠાકરે એમ બે નગરસેવકો છે. આથી, બહુમતી ન હોવા છતાં ટેકનિકલ રીતે ઠાકરે સેના મેયર પદ મેળવી શકે છે.
