News Continuous Bureau | Mumbai
મુંબઈના માહિમ વિસ્તારમાં ધોળા દિવસે એક સગીર વિદ્યાર્થિની પર તીક્ષ્ણ હથિયાર વડે હુમલો થતા સમગ્ર વિસ્તારમાં સનસનાટી મચી ગઈ છે. શાળાએથી છૂટ્યા બાદ ચાવી લેવા માટે રાહ જોઈ રહેલી ૧૫ વર્ષની વિદ્યાર્થિની પર મોટરસાઇકલ પર આવેલી બે યુવતીઓએ હુમલો કર્યો હતો.
શાળા પાસે જ થયો હુમલો
પ્રાપ્ત માહિતી અનુસાર, હુમલા પહેલા માહિમની એક શાળા સામે આવેલા બગીચામાં સગીરાઓના બે જૂથ વચ્ચે ઉગ્ર બોલાચાલી થઈ હતી. જે તે સમયે મામલો થાળે પડ્યો હોય તેમ લાગતું હતું, પરંતુ થોડા સમય બાદ જ્યારે વિદ્યાર્થિની વિક્ટોરિયા ચર્ચ પાછળની ગલીમાં એકલી હતી, ત્યારે મોટરસાઇકલ પર આવેલી હુમલાખોર સગીરાએ તેનું ગળું પકડી લીધું હતું.
ઘાતકી હુમલો અને ઈજાઓ
પ્રત્યક્ષદર્શીઓના જણાવ્યા મુજબ, હુમલાખોર યુવતીએ અત્યંત ક્રૂરતા દાખવી વિદ્યાર્થિનીના માથા પર તીક્ષ્ણ હથિયાર વડે ૪ થી ૫ ઘા ઝીંકી દીધા હતા. હુમલાખોરે સગીરાના પેટના ભાગે પણ ગંભીર ઈજા પહોંચાડી હતી. ગંભીર રીતે લોહીલુહાણ થયેલી સગીરાને તાત્કાલિક સારવાર માટે નજીકની હોસ્પિટલમાં ખસેડવામાં આવી છે.
પોલીસ કાર્યવાહી અને તપાસ
