News Continuous Bureau | Mumbai
Central Railway Station Food Price Hike। મુંબઈકરોની લાઈફલાઈન ગણાતી લોકલ ટ્રેનના પ્રવાસીઓ માટે એક ઝાટકાજનક સમાચાર સામે આવ્યા છે. મોંઘવારીના આ સમયમાં મધ્ય રેલ્વે પ્રશાસન દ્વારા રેલ્વે સ્ટેશનો પર મળતા ખાદ્યપદાર્થો અને પીણાના ભાવમાં મોટો વધારો કરવાનો નિર્ણય લેવામાં આવ્યો છે. મુંબઈના પ્રખ્યાત અને સામાન્ય લોકોના ફેવરિટ એવા વડાપાવ, સમોસા અને અન્ય ખાદ્ય ચીજોના ભાવ આગામી ૧ જૂન ૨૦२૬ થી વધી જશે. રેલ્વેના આ નિર્ણયને કારણે રોજબરોજ પ્રવાસી ટ્રેનોમાં સફર કરતા લાખો સામાન્ય મુસાફરો અને નોકરિયાત વર્ગના બજેટ પર સીધી અસર પડવાની શક્યતા છે.
વડાપાવમાં ૭ અને સમોસાના ભાવમાં સીધો ૮ નો ભડકો
એક ન્યૂઝ પોર્ટલના અહેવાલો અનુસાર, સેન્ટ્રલ રેલ્વેના જુદા-જુદા સ્ટેશનો પર આવેલા ફૂડ સ્ટોલ્સ પર મળતી વસ્તુઓના ભાવ નક્કી કરવામાં આવ્યા છે. અત્યાર સુધી રેલ્વે સ્ટેશનો પર માત્ર ૧૩ રૂપિયામાં મળતો ગરમાગરમ વડાપાવ હવે સીધો ૨૦ માં મળશે, એટલે કે તેના ભાવમાં ૭ નો વધારો થયો છે. તેવી જ રીતે ગરીબો અને મધ્યમ વર્ગની પસંદ એવા સમોસાની કિંમત પણ ૧૨ રૂપિયાથી વધારીને ૨૦ કરી દેવામાં આવી છે, જેમાં સીધો ૮ નો ઉછાળો આવ્યો છે. આ ઉપરાંત સ્ટેશનો પર મળતા રગડા પાવની કિંમત પણ ૨૦ રૂપિયાથી વધારીને ૨૫ રૂપિયા નક્કી કરાઈ છે.
મેનૂમાં નવા પદાર્થોનો પણ થશે સમાવેશ
ભાવ વધારાની સાથે રેલ્વે પ્રશાસને મુસાફરોની સુવિધા અને પસંદગીને ધ્યાનમાં રાખીને રેલ્વે સ્ટોલ્સના સત્તાવાર મેનૂમાં (મેનૂ કાર્ડ) કેટલાક મહત્વપૂર્ણ ફેરફારો કર્યા છે. રેલ્વે અધિકારીઓના જણાવ્યા અનુસાર, હવે પ્રવાસીઓ માટે રેલ્વે સ્ટેશનો પર જ્યુસ ઉપરાંત સ્લશ ડ્રિંક્સ, ક્રીમ ડોનટ્સ, ગરમ સૂપ, સાઉથ ઇન્ડિયન ડોસા અને ચાઇનીઝ નૂડલ્સ જેવી વાનગીઓનો પણ મેનૂમાં નવો સમાવેશ કરવામાં આવશે. આ સાથે જ રેલ્વે પ્રશાસન ફૂડ સ્ટોલ્સ પર અપાતા ખાદ્યપદાર્થોની ક્વોન્ટિટી (પ્રમાણ અને વજન) ની પણ સમીક્ષા કરી રહ્યું છે.
કોમર્શિયલ ગેસ સિલિન્ડર અને મોંઘવારીના કારણે લેવાયો નિર્ણય
રેલ્વે પ્રશાસન દ્વારા આ ભાવ વધારા પાછળ દેશભરમાં સતત વધી રહેલી આર્થિક મોંઘવારી, કમર્શિયલ એલપીજી (LPG) ગેસ સિલિન્ડરના દરો અને અન્ય કાચા માલની વધતી કિંમતોને મુખ્ય કારણ ગણાવવામાં આવી છે. જો કે, રાહતની વાત એ છે કે સ્ટેશનો પર મળતા ફ્રેશ જ્યુસ અને સોડા પ્રોડક્ટ્સના ભાવોમાં હાલમાં કોઈ જ ફેરફાર કે વધારો કરવામાં આવ્યો નથી, તેના જૂના દરો જ યથાવત રહેશે. રેલ્વે પ્રશાસન આ નવી ભાવ યાદી ૧ જૂનથી કડક રીતે લાગુ કરવાની યોજના બનાવી રહ્યું છે.
👉 આ સમાચાર વાચો:
Bakrid Controversy| મીરા રોડ પછી હવે ગોરેગાંવમાં બકરા મુદ્દે વિવાદ સોસાયટીના રહીશોનો ઉગ્ર વિરોધ, જાણો શું છે સમગ્ર મામલો
