News Continuous Bureau | Mumbai
Colaba Traffic Division Cracks Down દક્ષિણ મુંબઈના માર્ગો પર ટ્રાફિક વ્યવસ્થા સુચારુ રાખવા અને અકસ્માતો અટકાવવા માટે કોલાબા ટ્રાફિક ડિવિઝને નિયમભંગ કરનારા બેફામ વાહનચાલકો સામે આકરી ઝુંબેશ ચલાવી છે; ટ્રાફિક પોલીસે માત્ર ૨૪ કલાકમાં સઘન ચેકિંગ હાથ ધરીને નિયમોનું ઉલ્લંઘન કરનારા વાહનચાલકો સામે ૭૩૬ કેસ નોંધી સ્થળ પરથી તેમજ ઈચલાન મારફતે કુલ ₹૮૬,૬૨૭નો દંડ વસૂલ્યો છે.
Colaba Traffic Division Cracks Down – ભાડું નકારતા ૧૨૬ ટેક્સીચાલકો સામે લાલ આંખ
દક્ષિણ મુંબઈના પ્રવાસન સ્થળો અને ઓફિસ વિસ્તારોમાં અવારનવાર મુસાફરો પાસેથી ભાડું નકારવાની વ્યાપક ફરિયાદો મળતી રહે છે. કોલાબા ટ્રાફિક ડિવિઝનની વિશેષ સ્ક્વોડે મુસાફરોને બેસાડવાની ના પાડતા ૧૨૬ જેટલા મનસ્વી ટેક્સીચાલકો સામે સીધા કેસ નોંધીને દંડ ફટકાર્યો હતો. સામાન્ય નાગરિકો અને પર્યટકોને હેરાનગતિ ન થાય તે હેતુથી ગેટવે ઓફ ઈન્ડિયા, કુલાબા કોઝવે અને આસપાસના મુખ્ય પોઈન્ટ્સ પર સાદા વેશમાં પોલીસ કર્મીઓ તૈનાત કરીને આ કડક કાર્યવાહી પાર પાડવામાં આવી હતી.
Colaba Traffic Division Cracks Down – સિગ્નલ જમ્પિંગ અને રોંગ સાઇડ વાહન ચલાવનારા સામે કાર્યવાહી
રસ્તા પર જોખમી રીતે ડ્રાઇવિંગ કરતા અને સિગ્નલ તોડતા વાહનચાલકો પર પણ પોલીસે સકંજો કસ્યો છે. એક જ દિવસની ઝુંબેશ દરમિયાન લાલ લાઈટ હોવા છતાં વાહન હંકારી જનારા ૧૧૨ ચાલકો વિરુદ્ધ ચલાન ફાડવામાં આવ્યા હતા. આ ઉપરાંત નિયમો વિરુદ્ધ જઈને રોંગ સાઇડ વાહન ચલાવતા ૨૪ ચાલકો, રસ્તા વચ્ચે અડચણરૂપ ડબલ પાર્કિંગ કરનારા ૧૧ વાહનો તેમજ ક્ષમતા કરતાં વધુ પેસેન્જરો ભરીને દોડતી ૯૮ ગાડીઓ સામે કાનૂની પગલાં લેવામાં આવ્યા હતા, જ્યારે અન્ય ટ્રાફિક નિયમભંગ બદલ વધુ ૧૨૬ ચાલકોને દંડિત કરાયા હતા.
Colaba Traffic Division Cracks Down – માર્ગો પર શિસ્ત જાળવવા વિશેષ ટીમો દ્વારા અવિરત ચેકિંગ
વરિષ્ઠ ટ્રાફિક પોલીસ અધિકારીઓના પ્રત્યક્ષ માર્ગદર્શન હેઠળ વિવિધ મહત્વના જંક્શનો પર વિશેષ ટીમો ગોઠવીને આ મેગા ડ્રાઇવ ચલાવવામાં આવી હતી. ટ્રાફિક પોલીસે સ્પષ્ટ ચેતવણી આપી છે કે જાહેર માર્ગો પર ટ્રાફિક જામનું કારણ બનતી કે અન્ય રાહદારીઓનો જીવ જોખમમાં મુકતી કોઈપણ બેદરકારી ચલાવી લેવામાં નહીં આવે. શહેરીજનોમાં ટ્રાફિક શિસ્ત જળવાઈ રહે અને સુગમ વાહનવ્યવહાર ચાલુ રહે તે માટે આગામી દિવસોમાં પણ દક્ષિણ મુંબઈના તમામ મુખ્ય રૂટ્સ પર આવી આકસ્મિક તપાસ ઝુંબેશ અવિરત ચાલુ રાખવામાં આવશે.
👉 આ સમાચાર વાચો:
Drugs Seized in Malad મલાડના ફ્લેટ પર મુંબઈ પોલીસના દરોડા ₹૨.૩૯ કરોડનું હાઈડ્રોપોનિક ગાંજો, ચરસ અને LSD જપ્ત, એક પેડલર ઝડપાયો
