News Continuous Bureau | Mumbai
બંગાળની ખાડીમાં ચક્રવાત ‘મૈંડૂસ’ બન્યુ છે. આ વાવાઝોડું આજે (9 ડિસેમ્બર) ચેન્નાઈના દરિયાકાંઠે ત્રાટકે તેવી શક્યતા છે. જેના કારણે તમિલનાડુના અનેક જિલ્લાઓમાં ભારે વરસાદની સંભાવના છે. હવામાન વિભાગે આગાહી કરી છે કે આગામી 48 કલાકમાં આ વાવાઝોડું ગંભીર સ્વરૂપ ધારણ કરી શકે છે. આ ખતરાને ઓળખીને તમિલનાડુ સરકાર સતર્ક થઈ ગઈ છે. ચક્રવાતને પગલે NDRF અને SDRFના 400 જવાનોની 12 ટીમો તૈનાત કરવામાં આવી છે.
દરમિયાન આ ચક્રવાતથી દક્ષિણના રાજ્યો વધુ પ્રભાવિત થવાની આશંકા છે. આ દરમિયાન પવનની ઝડપ 65 કિમી પ્રતિ કલાકથી 85 કિમી પ્રતિ કલાક રહેવાની ધારણા છે. મહારાષ્ટ્ર અને ગુજરાત રાજ્યમાં પણ કમોસમી વરસાદ થવાની સંભાવના છે. મુંબઈમાં આવતા સપ્તાહની શરૂઆતમાં હળવા વરસાદની શક્યતા છે. 12 ડિસેમ્બરે મુંબઈના કેટલાક ભાગોમાં ગાજવીજ સાથે વરસાદ થવાની સંભાવના છે. ચક્રવાતની સ્થિતિને કારણે વરસાદની આગાહી કરવામાં આવી છે.
આ સમાચાર પણ વાંચો: હિમાચલ પ્રદેશમાં કમળ કરમાયું, કોંગ્રેસે બહુમતીનો આંકડો કર્યો પાર.. તેમ છતાં પાર્ટીએ વિજેતા ઉમેદરવારને કર્યા નજરકેદ… જાણો શું છે કારણ..
12 થી 15 ડિસેમ્બર સુધી વરસાદની આગાહી
ચક્રવાત ‘મૈંડૂસ’ ના કારણે મહારાષ્ટ્રમાં વરસાદની સંભાવના વ્યક્ત કરવામાં આવી છે. હવામાન વિભાગે મહારાષ્ટ્ર, મધ્યપ્રદેશ અને ગુજરાતના મોટાભાગના વિસ્તારોમાં 12, 13, 14 અને 15 ડિસેમ્બરે વરસાદની આગાહી કરી છે. મહારાષ્ટ્રના ઘણા ભાગોમાં કમોસમી વરસાદ થવાની સંભાવના છે. કોંકણ અને વિદર્ભની સાથે મુંબઈ, પુણે, મરાઠવાડામાં વરસાદની આગાહી કરવામાં આવી છે.
