ન્યુઝ કન્ટિન્યુઝ બ્યુરો,
મુંબઈ, 02, માર્ચ 2022,
બુધવાર.
પહેલાથી પીક અવર્સમાં ટ્રાફિક જામની સમસ્યાનો સામનો કરનારા મુંબઈગરાને આગામી દિવસમાં વધુ હાલાકીનો સામનો કરવો પડી શકે છે. મુંબઈ મહાગરપાલિકાએ પશ્ર્ચિમ ઉપનગરમાં અંધેરી, ગોરેગામ અને મલાડમાં છ મોટા પુલનાં સમારકામ કરવાની છે. તો આઠ પુલને નવેસરથી બાંધવાની છે, જેમાં ફૂટ ઓવર બ્રીજનો પણ સમાવેશ થાય છે.
પાલિકા ૧૪ પુલનાં કામ પાછળ ૧૭ કરોડ ૭૫ લાખ રૂપિયાનો ખર્ચ કરવાની છે. પહેલાથી વેસ્ટર્ન એક્સપ્રેસ અને એસ.વી. રોડ પર ટ્રાફિક જામની સમસ્યા રહેલી છે. તેમાં હવે આ પુલના કામ હાથ ધરાશે એટલે ટ્રાફિકની સમસ્યા વધુ વકરવાની છે.
પશ્ચિમ ઉપનગરમાં ફ્લાયઓવર, ફૂટ ઓવર બ્રિજના સ્ટ્રક્ચરલ ઑડિટ કરવામાં આવ્યા હતા. તેમાં ચાર ફ્લાયઓવર અને બે ફૂટ ઓવર બ્રિજના મોટા સમારકામ કરાશે. તો આઠ પુલ ફરીથી બાંધવામાં આવશે, જેમાં મુખ્યત્વે મીઠી નદી પરના અંધેરી-કુર્લા રસ્તા પરનો પુલ, લોખંડવાલા કોમ્પલેક્સ અને લક્ષ્મી એસ્ટેટને જોડનારો પુલનો સમાવેશ થાય છે. એ સિવાય અથર્વ કૉલેજથી હિંદુસ્તાન નાળા પરનો ફૂટ ઓવર બ્રિજ, મલાડ-ચારકોપ રસ્તા પરનો પુલ, લાલજીપાડા વલનઈ પોઈસર નદી અને લિંક રોડ, પોઇસર નદી પરના પુલના સમારકામ કરવાના છે.
રાજકીય કિન્નાખોરી.. ભૂતપૂર્વ વડા પ્રધાન અટલબિહારી વાજપેઈની પૂર્ણ કદના પૂતળાને સ્થાપનામાં વિલંબ, ભાજપના આ નેતાની આંદોલનની ચીમકી.. જાણો વિગત
કાસમનગરના ફૂટઓવર બ્રિજ, કુરાર વિલેજ, ગાંધીનગરનો ફ્લાયઓવર, પુષ્પા પાર્કનો ફુટ ઓવર બ્રિજ, ગોરેગામ (પૂર્વ)માં ઉત્તર તરફનો રેલવે ફૂટ ઓવર બ્રિજ પરના પાલિકાની હદમાં આવતા પુલનું વિસ્તારીકરણ, પ્લોટ નંબર ૧૩ અને ચાર કલેક્ટર કમ્પાઉન્ડ- માલવણીનો ફૂટ ઓવરબ્રિજ, મધર ટેરેસા સ્કૂલ પાસેનો ફૂટ ઓવર બ્રિજ, કલેક્ટર કમ્પાઉન્ડ પાસેનો ફૂટઓવર બ્રિજ, પ્લોટ નંબર ૨૫ અને ૮ બી કલેક્ટર કમ્પાઉન્ડ પાસેનો ફૂટ ઓવરબ્રિજ, માલવણી પાસેનો ફ્લાયઓવર, સંતોષ નગર-ગોરેગામ (પૂર્વ)ના ફૂટ ઓવર બ્રિજનો સમાવેશ થાય છે
