News Continuous Bureau | Mumbai
Sonu Barai મુંબઈમાં એક વ્યક્તિએ પોતાની પૂર્વ પ્રેમિકા પર અનેકવાર ચપ્પાથી હુમલો કર્યો. યુવકે આ ઘટના યુવતી દ્વારા સંબંધ તોડી નાખવાના અને અન્ય કોઈની સાથે સંબંધ હોવાની શંકાના કારણે આચરી હતી. રિપોર્ટ મુજબ, 24 વર્ષના સોનું બરઈએ યુવતી પર ઘણી વખત ચપ્પા વડે હુમલો કરીને તેને ગંભીર રીતે ઘાયલ કરી દીધી. ત્યારબાદ શુક્રવારે આરોપીએ આત્મહત્યા કરી લીધી. પોલીસે મૃતકની ઓળખ સોનુ બરઈ તરીકે કરી છે, જે કાલાચોકીના અંબેવાડી વિસ્તારમાં તેના માતા-પિતા સાથે રહેતો હતો. ઘાયલ યુવતીની ઓળખ મનીષા યાદવ તરીકે કરવામાં આવી છે. બરઈ અને મનીષા એક જ વિસ્તારમાં રહેતા હતા અને કેટલાક વર્ષોથી પ્રેમ સંબંધમાં હતા. મનીષા યાદવે બે અઠવાડિયા પહેલા જ આ સંબંધ તોડી નાખ્યો હતો.
ચપ્પા મારવાની ઘટના અને આત્મહત્યા
ચપ્પા મારવાની આ ઘટના શુક્રવારે સવારે લગભગ 11 વાગ્યે બની, જ્યારે બંને તેમના સંબંધો અંગે ચર્ચા કરવા માટે મળ્યા હતા. સોનુ બરઈ ખૂબ જ નારાજ હતો અને તેણે પોતાની ખિસ્સા માં રસોડાનું ચપ્પુ સંતાડી રાખ્યું હતું. પોલીસના જણાવ્યા મુજબ, કાલાચોકીના દત્તારામ માર્ગ પર સ્થિત દિગ્વિજય મિલ પાસે બંને મળ્યા. બરઈએ ગુસ્સામાં આવીને મનીષાને ચપ્પા મારવાનું શરૂ કર્યું. મનીષા કોઈક રીતે નજીકના નર્સિંગ હોમમાં ભાગી ગઈ, કારણ કે તેના દરવાજા ખુલ્લા હતા. જોકે, બરઈએ તેનો પીછો કર્યો અને ક્લિનિકની અંદર ફરીથી તેને ચપ્પુ માર્યું.
આ સમાચાર પણ વાંચો : Indian Navy: ત્રણ દેશોની ઊંઘ હરામ! ભારતીય નૌસેનાના 3 એવા પગલાં, જેનાથી પાકિસ્તાન, ચીન અને તુર્કીમાં મચ્યો ખળભળાટ!
હુમલા બાદની સ્થિતિ અને પોલીસ કાર્યવાહી
આ દરમિયાન, મનીષા યાદવની ચીસો સાંભળીને રસ્તા પર લોકો એકઠા થઈ ગયા. પોલીસ ઘટનાસ્થળે પહોંચી અને તેને તરત જ નજીકની હોસ્પિટલમાં લઈ જવામાં આવી. બાદમાં તેને જેજે હોસ્પિટલમાં ખસેડવામાં આવી, જ્યાં તેની હાલત ગંભીર જણાવાઈ રહી છે. બીજી તરફ, સોનુ બરઈને કેઈએમ હોસ્પિટલમાં લઈ જવામાં આવ્યો, જ્યાં તેને મૃત ઘોષિત કરવામાં આવ્યો. કાલાચોકી પોલીસ ઘટનાસ્થળનું પંચનામું કરી રહી છે અને એફઆઈઆર નોંધવાની પ્રક્રિયા ચાલી રહી છે.
