News Continuous Bureau | Mumbai
Goa Cyber Fraud Racket Busted મુંબઈ પોલીસની ક્રાઈમ બ્રાન્ચે ગોવામાંથી ચાલતા એક આંતરરાજ્ય સાયબર ફ્રોડ (Cyber Fraud) રેકેટનો પર્દાફાશ કરીને ૧૨ આરોપીઓની ધરપકડ કરી છે. સોશિયલ મીડિયાના માધ્યમથી જેનઝી (GenZ) યુવાનોને નિશાન બનાવતા આ કૌભાંડમાં ગુજરાતના અનેક યુવાનો સંડોવાયેલા હોવાનું સામે આવ્યું છે.
Goa Cyber Fraud Racket Busted – નોકરીની લાલચ આપીને ગોવાના લક્ઝરી વિલામાં કરાઈ હતી ગોઠવણ
પાયધુની પોલીસ સ્ટેશનમાં નોંધાયેલા કેસની ગંભીરતાને ધ્યાનમાં રાખીને ક્રાઈમ બ્રાન્ચે ગોવાના કલંગુટ વિસ્તારમાં આવેલા એક લક્ઝરી વિલા (Luxury Villa) પર દરોડો પાડ્યો હતો. આ દરોડા દરમિયાન જાણવા મળ્યું કે, આરોપીઓ ત્યાં પોતાની સાચી ઓળખ છુપાવીને ખોટા નામોથી રહેતા હતા અને સાયબર ફ્રોડની ખાસ તાલીમ લેતા હતા. પકડાયેલા મોટાભાગના યુવાનો ૨૧ થી ૨૩ વર્ષની વયના છે અને તેઓ અમદાવાદ, રાજકોટ સહિત ગુજરાતના અલગ-અલગ વિસ્તારોમાંથી આવે છે.
Goa Cyber Fraud Racket Busted – દુબઈથી રિમોટલી ઓપરેટ થતું હતું આખું નેટવર્ક
આ આખા રેકેટનો મુખ્ય સૂત્રધાર (Mastermind) દુબઈમાં બેઠો હોવાનું તપાસમાં બહાર આવ્યું છે. તે ‘રોલેક્સ’ અને ‘અશ્વત્થામા’ જેવા કોડ નેમ (Code Names) નો ઉપયોગ કરીને આ યુવાનોને રિમોટલી ઓપરેટ કરતો હતો. અત્યાધુનિક ટેકનોલોજીનો ઉપયોગ કરીને આ યુવાનોને ઓનલાઈન છેતરપિંડી કરવા માટે તૈયાર કરવામાં આવતા હતા, જેથી તપાસ એજન્સીઓ તેમને ટ્રેસ ન કરી શકે.
Goa Cyber Fraud Racket Busted – ૧૫૦ થી વધુ મ્યૂલ એકાઉન્ટ્સ દ્વારા ૫૦૦ કરોડનું કૌભાંડ
પોલીસની પ્રાથમિક તપાસમાં ચોંકાવનારી વિગતો બહાર આવી છે કે છેલ્લા છ મહિનામાં આ નેટવર્ક દ્વારા ૧૫૦ થી વધુ મ્યૂલ એકાઉન્ટ્સ (Mule Accounts) નો ઉપયોગ કરીને અંદાજે રૂ. ૫૦૦ કરોડના શંકાસ્પદ વ્યવહારો કરવામાં આવ્યા છે. પોલીસ હવે આ સાયબર ગેંગના મૂળ સુધી પહોંચવા અને મુખ્ય સૂત્રધારની ધરપકડ કરવા માટે સઘન તપાસ કરી રહી છે.
👉 આ સમાચાર વાચો:
Amazon Fraud Case એમેઝોન સાથે મોટી છેતરપિંડી, મોંઘા મોબાઈલ બદલી નકલી ફોન પધરાવનાર બેની ધરપકડ
