News Continuous Bureau | Mumbai
“સરકાર આપના દ્વારે” સંકલ્પનાને વધુ અસરકારક બનાવતા મુંબઈ મહાનગરપાલિકા પી-નૉર્થ વોર્ડ ક્રમાંક 35માં પ્રથમ વખત તમામ 12 વિભાગોના વરિષ્ઠ અધિકારીઓએ સંયુક્ત રીતે સમગ્ર વોર્ડનો મેદાની દોરો કર્યો.
સ્થાનિક નગરસેવક શ્રી યોગેશ વર્માના નેતૃત્વમાં સહાયક આયુક્ત શ્રી કુન્દન વાલવી, શ્રી સલીમ મુલાણી, શ્રી બિલાલ પટેલ, શ્રી ઇંગળે તથા અન્ય વિભાગોના અધિકારીઓએ આશરે 5 કલાક સુધી વોર્ડમાં પગપાળા ફરીને નાગરિકોની સમસ્યાઓ સ્થળ પર જ સાંભળી. જે સમસ્યા જે વિભાગ સાથે સંબંધિત હતી, તે વિભાગનો જવાબદાર અધિકારી ત્યાં હાજર રહી તાત્કાલિક કાર્યવાહી માટે સૂચનાઓ આપતા હતા.
દોરા બાદ વોર્ડ કચેરીમાં લગભગ 3 કલાકની વિગતવાર બેઠક યોજાઈ, જેમાં પ્રાપ્ત તમામ અરજીઓ અને ફરિયાદોનું વિભાગવાર સમીક્ષણ કરી યોગ્ય નિર્ણય લેવામાં આવ્યો.
ભદ્રન નગર, દારૂવાલા કમ્પાઉન્ડ, એસ.વી. રોડ, માર્વે રોડ, નર્સિંગ લેન, ગોરસવાડી, આદર્શ દુગ્ધાલય રોડ, શાસ્ત્રી ગાર્ડન, CGPG ગાર્ડન, જી.કે. નગર – ડોમિનિક કોલોની, શંકર લેન, ગૌતમ બુદ્ધ માર્ગ (વળનાઈ), લિંક રોડ તેમજ ગિરિધર પાર્ક ક્રીક વિસ્તાર જેવા વિસ્તારોમાં માર્ગ કામો, સ્વચ્છતા અભિયાન, નાળા સફાઈ, ગટર મરામત, બગીચા વિકાસ, “હેપ્પી સ્ટ્રીટ” અમલીકરણ, મચ્છર નિયંત્રણ પગલાં તથા અન્ય વિકાસકાર્યોની સ્થળ પર સમીક્ષા કરવામાં આવી.
આ સમાચાર પણ વાંચો : Weather Alert: ફરી ઠંડીનો ચમકારો! બરફવર્ષા અને વરસાદને કારણે હવામાનમાં મોટો પલટો, આ રાજ્યોમાં ત્રાટકશે વેસ્ટર્ન ડિસ્ટર્બન્સ; વાંચો લેટેસ્ટ અપડેટ.
“હોકર મુક્ત વોર્ડ 35” – ઐતિહાસિક સફળતા
વોર્ડ 35માં ખાસ કરીને માલાડ રેલ્વે સ્ટેશન આસપાસ અનધિકૃત ફેરીયાઓના કારણે નાગરિકોને અવરજવર કરવામાં ભારે મુશ્કેલી પડતી હતી. સતત અભિયાનના પરિણામે તમામ ગેરકાયદેસર હોકરો સામે સ્થળ પર જ કાર્યવાહી કરી સમગ્ર વોર્ડને “હોકર મુક્ત” બનાવવામાં આવ્યો છે. હવે વોર્ડ 35માં એકપણ ગેરકાયદેસર ફેરીયો જોવા મળતો નથી, જેના કારણે નાગરિકોને મોટી રાહત મળી છે.
આ અવસરે નગરસેવક શ્રી યોગેશ વર્માએ જણાવ્યું:
“જનતાએ અમને જે વિશ્વાસથી પસંદ કર્યા છે, તે વિશ્વાસને સાર્થક કરવા અમે પ્રતિબદ્ધ છીએ. વોર્ડને વધુ સુવ્યવસ્થિત, સ્વચ્છ અને વિકાસમુખી બનાવવું અમારી પ્રાથમિકતા છે. આ સફળ ઉપક્રમ માટે હું મુખ્યમંત્રી શ્રી દેવેન્દ્ર ફડણવીસ, મુંબઈ ભાજપ અધ્યક્ષ શ્રી અમિત સાટમ તેમજ વોર્ડ કચેરીના તમામ અધિકારીઓનો આભાર વ્યક્ત કરું છું.”
વોર્ડ 35ને વધુ શિસ્તબદ્ધ, સ્વચ્છ અને વિકાસલક્ષી બનાવવા માટે ટીમ પી-નૉર્થ પોતાની પ્રતિબદ્ધતા યથાવત રાખશે.
